LABRE
Jhesu, beau père plain de grâce, Fous sont tous ceulx et toutez celles Qui ne croient voz vertuz belles :
En vous croist vertu et habonde , Povoir avez suz tout le monde, Vertus faites en petit de heure, Sire, quel chière.
DIEU
Je pleure, Par ce que je scay bien de voir Qu'encor te convient recevoir La mort que tu as jà soufferte ; Sy aras peine sanz déserte.
De souffrir mort c'est dure chose.
ladre.
Père, en qui vertu repose, Puisque m'avez resuscité Je vous prie par humilité, Du déable me veilliez deffendrc.
dieu.
Pierre, Jasque, sanz plus attendre, Alez ou chastel contre vous Qui est en la voie contre nous. - Là une anesse trouverez
Liée, vous la deslierez Et la m'amarrez maintenant.
Se nul la vous treuve amenant, Qui de riens la vous destorbesse , Dictes ly que il la vous lesse, Car le maistre veult sus monter.
s. jasque.
Bien sarons ce dire et conter, Sire, se Diex nous gart d'essoigne , Tout à vostre commandement.
s. père.
Nostre maistre, mie, ne mant :
Vcci l'ânesse que quérons. .
Jasque, savez que nous ferons , Ceste ànesse deslierons.
Su jasque.
Bien dictes; je l'enmeneray Sanz arrester à nostre maistre.
s. père.
Et je vueil avecques vous estre, Conpaignie je vous feray.
Bien veigniez, dessus monteray, En Jherusalem en venrez.
A moy conpaignie tenrrez Que tendis que je suis en vie, Je accompliray la propbécie :
Venez en trestoussanz plus dire..
s. JEHAN.
Yolentiers vous suivron, beau sire^
l56 LA PASSION
Puisque la besoigne est sy preste.
Dessus le dos'de ceste anesse A mettre nos robes i vous plaise, Car plus en cheminerez aise.
Àussy point de celle n'avons.
Le premier enfant de Ysrael chante sus : Gloria laus.
Tu viens cy en nom de Dieu , se savons :
Tu soiez le bien venuz.
Nul ne puet estre maintenus Sanz toy, sire; sauve nous.
LE SECONT
Jhesu, tu dois bien de nous Estre servis et honnourez.
Seigneurs, touz Dieu adorez, C 'est-il sus ceste anesse là.
LE TIERS
Frère, esten ce mantel de là, Pour Jhesu, par dessus monter, Car il vient paier et cOnpter Pour trestout le monde.
