LA FAMME
Je sui toute nuit en tel paine « .
Pour ce prophète qu'on martire Dont j'ay oy tant de bien dire.
Ceulx qui lui font cest ennuy faire Ont trop fort cuer et deputaire ; Il est bons bons plain de bonté.
On m'en a tant de bien conpté, Tant d'onneur et d'enseignement Que pour pitié je vous déniant Qu'il ne soit pas crucefiez.
Pour Dieu, sire, ne l'occicz, Ne ne ly faictes nul tourment.
A tort le héent sy forment Ly juif plain d'iniquité.
Je vous pry par humilité Que faciez ce que je demande.
Se Dieu de péril me defFende, Se de ce geter le péusse, Grant pieçà geté le eusse :
De ce son ennui me poise moult.
LA FILLE
Cely Dieu qui forma le monlt Gart mon père et ceulx de la place.
PILATE
Et Dieu te doint honneur et grâce,
Ma très-belle fille jovante.
LA. FILLE
Certes, Sire, moult suis dolânte Du prophète que vous avez Fait tant de mal et vous savez Nulles gens de luy ne se dament, Fors ces Juifz qui point ne l'ament.
En ly a sy bonne personne ; Partout de bons examples donne.
Ung chascun le devroit amer, Les Juifz en sont à blâmer.
Délivrez-le par vostre foy, Par pitié et par bonne foy.
Sy l'en lessiez aler tout quicte.
PILATE
Fille, quelle parole as-tu dite ?
Contre leur loy je mefferoie, Et trop fort le courouceroie Se je fesoie ta requeste.
Foy que doy lez yeulz de ma teste, De son courouz forment m'ennuie.
LE FILZ
Dieu, qui fait le vent et la pluie, Sy gart mon père d'avoir honte.
pilate.
Bien veignez, beau filz ; or me conpte Se point de besoing, sy te chace.
LE FILZ
Je vous diray que je pourchace
Ce prophètë.qûe vous véçz.
Trop vilainement le menez; Ung chascun le bat et le frape , Ung le prent, ung autre le frape -, Ung chascun l'a sy desciré Que du corps l'ont bien eu pi ré.
Nul encor ne s'en trait arrière, On le fiert devant et derrière ; Chascun le fiert , chascun le blesce , Chascun pour mal vers luy s'adresse, Pour Dieu, car ly donnez congié.
pilate.
Dy-moy, beau filz, as-tu songié Par Dieu de qui tout bien abonde, Pour tout l'avoir de tout le monde Pas délivrer ne le pourroye?
Sa délivrance bien vouroie , Mais je n'oy oneques nuily Qui vousist une fois de luy Ung bon tesmoingnage porter.
