FÈVRE
Le mau feu d'enfer la confonde , Sy vraiemcnt comme elle ment.
Garde à mes mains; je te dément S'il a ycy point de faintise?
fèvresse.
Atise ce feu-ci, atise, Malquin - y or pues-tu bien savoir Soufler te fault se veulz avoir Tes clous, et je les forgeray.
MALQUIN.
Maragonde, je soufleray VolentierSj foy que je te doy.
FÈVRESSE.
Férue me suis sus le doy A ce clou -ci ; fère la pointe Qui du sang Jhesu sera oing te.
Est-il fait de bonne testée?
malquin.
Bien seroit la chose aprestée S'estoient fait li autre duy.
FÈVRESSE.
Ne voiz-tu com je me déduy A ci férir sus ceste enclume?
Sy tu n'y voiz bien sy alume.
Est-ce fait de bonne magnière?
MALQUIN.
Qui meillieur voudra sy le quière ; Délivre- toy de l'autre faire.
FÈVRESSE.
Malquin , il ne te fault que taire.
Je te créant je ne me sçay faindre :
Jhcsu, se tu vculz pourras poindre.
De cestuy est-il lonc assez?
MALQUIN.
Je suis jà de soufles lassez ,
Ne m'en chault quant j'ay ma besongne.
FBVRESSE.
Malquin, paiez-moy sans eslongne ; Raille-moy de tes deniers quatre.
MALQUIN.
Voy-Ies te, ci je revois batré Avec Haquin mon compaignori Dessus l'eschine à ce gaignon:
Tu as Jhesu moult bien gardé ; Beau conpains, l'as-Ju bien lardé ?
J'ay les clous que suis allez querre :
Nulz si bons n'a en ceste terre, Or lez regarde bien> doulz frère.
haquin.
Foy que tu dois l'âme ton père, Entent à rouiller cest ma 9 tin.
MALQUIN.
Jhesu, entens-tu bien latin?
Es-tu encor désennyvré ?
Je te dis tu seras livré
Au jour d'uy à la très grant moi fe.
HAQUIN.
N'ara pour ce respit de mort Qu'il se face des Juifz Roys.
MALQUIN.
Tu ly as fait plus de .x. roys De couleur rouge sus les longes.
HAQU1N.
Par le grant Dieu, ce n'est pas songes, Encor li en feray-je maintes Dont mes eacourgées seront taintes!
Et tu, que feras? dy-le-moy.
malquin.
Foy que je doy l'âme de moy, Son corps sera par moy rouillié, Si que du sang sera brouillé.
Il n'a ci nul qu'il en def fende.
HAQUIN.
Roy, malie pôission t'estende.
Qu'est-ce? as-tu paour? la char te tranble.
Tu n'as pas mantel, se me sanble, Qui soit fourré de penne vaire.
CA1PHAS.
Menez-le au monlt de Calvaire, Car je vueil qu'il soit là pendu En la crois, et fort estendu :
Faictes tost, il est assez oingt.
MALQWN.
Vous dictes voir, il est bien point.
En parfont il n'a homme ou monde Qui plaie li feist si profonde Com je li en ay plusieurs faictes.
HAQUIN.
Malquin, qu'est-ce que tu agaites?
Deslie aval et je amont.
ANNES.
Seigneurs, car le menez amont
Tout maintenant en la crois pendre.
MALQUfN.
Nous te menrons sans plus atendre*, Mais sa robe nous demandons Que vous la nous donnez en don Tantost que nous Tarons pendu.
ANNES.
Ce ne vous vert jà deffendu, Nous voulons bien que vous l'aiez.
HAQUIN.
Or dois-tu bien estre esmaiez Que de mort n'aras plus respit.
Malquin, met-li tout par despit.
Geste grant crois sus ses espaulcs,
MALQUIN.
Tien, Jhesu, or m'en esbaulles; Haquin, maine devant la dance.
MAGDELAINE
J'ay au cuer si grant habondance De dueil, que plorer me convient.
Beau très-doulz Dieu, bien me souvient De la paine qu'avez soufferte Et que vous souffrez sans desserte.
Le monde bien rachetidsez, Autrement, se vous vousissez, Sans souffrir mort si angoisseuse.
