LA RÉSURRECTION DE NOTRE SEIGNEUR
Sy est droit c'on la salue Du salut qui noqs conforta Quant Gabriel li aporta Du vouloir Dieu en révélant.
Sy disons en lui appellant A genous : Ave Maria.
Inprincipio , etc.
Diex premier le monde forma , Ainssy qu'en Genesis est dit Et où psautier David nous dit :
Ipse dixit etfacta sunt, Mandavit et creata sunt ; Puis fist Adam d'un pou de terre Pour ce qui savoit bien qu'en terre Retourneroït , et puis le mist En paradis; et puis refist Eve d'une dez costes Adam, Puis ly fist souffrir maint aham.
Par le fruit tant l'ensosanga , Qu'Adam le prist, sy en manga.
Lors fist inobédiance Dont .v. .m. ans souffrit penence En enfer et maintes personnes Qui en ce monde furent bonnes , A qui Diex ly pères monstroit Que par son fiiz lez racheteroit.
In morte hujus vita mortuovum inventa est; jus tu s homo post mortem tertiâ die de monumento rcsurget. (Gezemie , viscezimo cnpitulo.)
De cuer vous prie à touz et lou Que chascun vueille de cuer tendre En ce que vous ay dit entendre De. latin retraire en françois.
Doulces gens, bien est voir qu'ençois Que le filz Dieu fust encharnez En la vierge dont il fut nez, Il l'eslut pour mère et amie ; Et le bon prophète Jezémie Prophétiza , c'est bien la somme , Et dist ainssy qu'en la mort d'omme Seroit retournée des mors La vie par piteus remors, L'omme juste suxitera , Dist-il, après mort et sera Du monument yssant touz viz.
Trez doulces gens, il m'est aviz Que ceste prophecie a vint A nous profit quand il s'en vint Au filz de Dieu de venir nestre De famme pour humains hons estre Ce fut noble vertuz que telle Quant fruit devint en fruit mortelle Naissant d'ente d'apre racine.
Pour faire au monde médecine
DE NOTRE SEIGNEUR. 3l5
Cez bras en la croix estandi.
En mort souffrant la mort vainquit,
Et pour l'umain emonument
Ou sépulcre et ou monument
Fut couchié comme mortel corps
Ly filz de Dieu misérteors
Dont la digne char précieuse
Avoit souffert mort sy crueuse
Que rendu ot sueur et sanc
Es piez, es mains, au destres flans.
Ot precié à telle destresse
En la croi* que la grant a presse
Du sanc qu'à grans ruisseaus rendy
La pierre quassa et fendy.
Dévote chose est à olr
La résurection qui joir
Fit les plorans qui en langour
Souffroient d'enfer la grant doulour;
Puis verrez, selonc le mistère,
Du sépulcre en formée matère
Dez sains angles plus doulz que sucre
Comment il gardoient le sépulcre
Quant lez .m. Maries ilz vindrent
Qui lez dignes oignemens tindrent.
Or faites paix et veoir pourrez ,
Et aussy par example verrez ,
Comment .m. chevaliers gardèrent
Dieu ou sépulcre et bien cuidérent
Sanz le perdre de prez tenir ;
Maiz il s'alèrent endormir,
3l6 LA RÉSURRECTION
Sy que ne sorent qui devint, Dont couroux avoir leur convint Ensamble quant il s'aparçurent , Car de s'alée riens ne surent.
En enfer droit alez estoit Où les prophètes à grant destroit Estaient, Adam, Eve, S. Jehan, David , Noël et Abraham , Et là estaient en grant destresse ; Mes puis furent en grant léesse , Car de son sanc lez racheta Quant en la croix mort il geta , Puis lez portes d'enfer ronpit Dont lez déables orent despit.
Les âmes d'enfer en mena Et la grant joie leur donna De paradis, puis s'aparut A Magdelaine ; puis a parut Ou jardin quant dit à Géré Puis tost : Noly me tengere > Et ainssy d'elle se party De s'amour sy li départy , Et sa beneiçon sy ly donna ; Touz sez péchiez li pardonna.
Sy prions Dieu devostement Que noz péchiez entièrement Nous vueille à touz pardonner Et sa gloire abandonner A la fin quant deiinerons ; Kt tant qu'en ce monde scions
DE NOTRE SEIGNEUR. 3l7
Entendre puissions la mémoire De Jhesucrit , la vraie gloire A laquelle nous doint venir La trinité qui sanz fénir Fut et est et touzjours sera In sempiterna sccula
Amen.
Cy après s'ensuit comment Dieu fist Adam et Eve, puis s'en voise
.1. tour entour le champ et die :
DIEU LE PÈRE
Or ay-je fait tout à la raonde
Ciel, terre et mer tout en une onde,
Lez estoilles, solleil et lune,
Et sy ay fait qui est commune
Bestes, oysiaux et tous poissons
Et leur ay à tous donné noms.
Homme et famé ce me fault faire:
Sur toute chose est nécessaire.
Premièrement je feray homme
A l'encommancement , c'est la somme,
Et puis après incontinant
Feray la famé à l'avenant.
Soit Adam couchiez à terre et couvert jusques Diez le face lever et âussy Eve de costé lui couverte, et le prent par la main.
DIEU
Adam, Adam, vas sus, beau frère , Liève-toy sus, si qui t'apière Que je t'ay fait tout maintenant , Et sy tant bien en convenant
Que ez créez de limon de terre , Pour ce que je sçay bien qu'en terre Retourneras après la mort Qui moult te sera dure et fort.
Sy entens bien que tu feras :
En ce beau paradis demorras Et feras mon commandement Du tout en entièrement, Et tantost auras conpaignie.
ADAM
Doulz Diex, qui ta meignie M'a fait par ta grant doulceur , Haultement loue ta grandeur Qui de néant tu m'as refait.
Or ne vueil plus cy faire plait :
Je ne puis plus cy veillier; Un pou me fault cy sommeillier. u
Cy ce couche Adam de costé Eve et face samblant de dormir, et face Dieu le signe de la croix et preigne Eve par la main et die :
DIEU
Or sus, Eve, liève-toy sus , Et fait tost; sy entens à moy :
Sy regarde bien dont tu viens.
Tu n'estoies maintenant riens; Je t'ay faite et crée de la couste D'Adam, sachez sanz nulle doubte ; Sy te diray que tu feras :
Honeur et foy ly porteras, Car ainssy je Pay ordonné;
DE NOTRE SEIGNEUR. 3lÇ
EVE , en soy levant :
Très-doulz Diex, qui m'avez donné Corps et âme à vostre plaisir , Loer vous doy par grant désir, Car grant honour m'avez montrée Quant de néant m'avez crée Et formée de la coste d'Adam.
dieu.
Adam, amis, à moy enten Et sy te liève ysnellement, Car dormy as trop longuement.
Pren ceste famme que j'ay Faite , Car je sçay bien qu'elle te hète.
Sy vous diray que vous ferez :
En ce paradis demorrez Et ferez mon commandement; Ainssy le vueil, non aultrement.
En ce beau lieu, en ce bel estre, De touz cez fruis qui cy puent estre Povez mengier séurement , Fors cestuy, que certainement Ce en mengiez vous y morrez Ne phis ycy ne demorrez.
Je vous lesse secy en garde Et de ce fruit bien je regarde :
Se en mengiez bien le saray.
Je m'en vois, tosi retourneray :
Mon commandement point ne passez.
ADAM
Très-doulz Jhésucrist, qui assez
De bien, d'onneur ta nous as fait, Car de néant nous as reffait , A ton vouloir abaïsson Que certainement c'est raison.
Dieu voise entour le champ jusques Adam ait mengié du fruit.
EVE
Adam, amy et conpaignon, Entendez .1. pou ma raison.
En ce beau lieu sy profitable, Sy graciex, sy délitable, Où nous a lessié nostre mettre, Je ne sçay pourquoy ce puet estre Qui nous a ainssy deffendu Ce beau fruit qui cy est pendu Plus qui n'a fait nulz dez aultres.
ADAM
Eve, ne sçay cestui plus qu'autres.
L'a fait, sachiez certainement ; Or faisons son commandement Et à luy du tout abaisson Que certainement c'est raison, Je le vous diz pour vérité.
EVE
Dire vous vueil ma volenté :
De ce fruit volen tiers mengasse Se point désobair ne cuidasse.
Certes, volen tiers je céusse Pourquoy l'a fait, ce je péusse :
Ne sçay pas sy l'a fait pour moy.
DE NOTRE SEIGNEUR. 3a I
belgibus , premier dyaWe.
Je te diray raison pourquoy Il vous a ce fruit deffendu.
Se vous l'eussiez bien entendu Comment de néant vous a fait, Vous ne prisissiez riens son fait.
Vous ne savez ne bien ne mal Et de ce fruit tout sy aval Veult qu'en meiigiez fors cestui.
Pour la bonté qui est en luy Se en mengiez ne tant ne quant , Comme luy seriez ou plus grant , Et sarez tout bien et tout mal Et vous et luy seriez ygal , Et serez aussy comme Diex Et vous sarrez lassus au cieulx.
Pren de ce fruit ysnellement , Et en fav tost incontinant Mengier à Adam, et pas ne doubte Qu'il en mengera sanz nulle doubte Par l'enortement que ly feras ; Et sy de prèz tu l'entendras Qu'il en mengera, vueille ou non, Sy fort giteray mon pagnon Que bientost t'en aparcevras Et bon loier tu en auras :
Or le fay tost sans point d'esnoy.
EVE
Adam, amis, entens h moy :
Je te prie, mengue de ce fruit; h. 21
Jà pour co n'en seran destruit; Nous en scroos adez plus aise.
ADAM
Certes, m'a mie, ne le desplaise ,
Je ne veul pas désobair
A nostre maistre , ue le trair,
Car ce fruit deffendu nous a
Et en garde baillié le nous a :
Sy nous fouit garder de mesprendre.
