CY COMMANCE

MKKMi

Ii\ principio creavit Deus celum et terrain, etc.

Benois soit-il qui se tera Et fera paix pour mieulx oyr Chose dont tout cuer resjoir * Se doit qui a entendement.

Sy requerrons dévoctement Tous et toutes au primerain , La mère au Roy souverain , C'est Marie plaine de grâce , Qu'elle me doint temps et espace Que tel chose je puisse dire Qui soit au plaisir nostre Sire, Et de toute la court des cieulx Dont à nos âmes soit de mieulx Et à l'anemy confusion ; ii. i

2 LA NATIVITE

Sy vous prie que nous en dison Ainssy com l'angle dit Iy a En disant : Ave Maria.

In principio , >etc .

En Genesif, ou premier livre , Peut véoir tout à délivre Comment le vray glorieulx Diex Créa premier et terre et cieulx, Et sy avoit sy grant povoir Que seulement par son vouloir Trestout fut fait à sa devise , Sy com nous tesmoygne l'Église :

Ce scevcpt ceulx qui oy l'ont , Mandavit et creata sont.

Puis fist le soleil et la lune, Les planectes , et nomma l'une Mars et Vénus , l'autre Mercure , Et puis sy voult mestra sa cure A faire oyseaulx , poissons et bestes Qui vers terre pendent lez testes , Et puis du lymon composa Adam , qu'en Paradis posa , Et luy inspira ou corps l'âme; Quant il dofmoit luy fist sa famé De sa coste , c'est chose voire.

' Et puis le doulx Roy de gloire Saigna Adam et le leva , Et dist : « Adam, véez-cv Bva ;

(( Pour conpaigne je la te donne « Et trestout le fruit t'abandonne « Qui est en Paradis terrestre, « Et en soiez sires et maistre, « Fors seulement du fruit de vie <( Garde bien que n'y touches mie.»

Mais certes Adam tropt mal cassa, Le commandement Dieu trespassa , Car Panemy qui le déçut Dont à douleur la mors reçut, Et par ce tout Pumain lignage Fut mis en doulereulx servaage En enfer grant pièce de temps Par l'espasse de .v. .m. ans.

Mais Diex, qui tant est débonnaire , Voulut les siens à soy atraire , Eslut pour nous salvacion, En la Vierge prist incarnation Et demoura et vierge et pure Oultre le terme de nature , Vierge conçeut, vierge enfanta.

La mère qui tel enfant a Sans corrupeion , sans détresse , Enfanta son filz en la cresce ; Là soubmiàt la déité En figure d'umilité.

Doulces gens , or ne vous esnuit ; Ce Dieu plaist , vous verrez ennuit Au plaisir de la Trinité, De la hflultc Nativité

hk NATIVITÉ

Du doulz Jhésucrist le mistérc; Sy requerrons luy et sa mère Que le puissions si bien entendre Que en nos cuers veille descendre, Et qu'eslire puissions la voie De Paradis , la noble joie A laquelle nous doint venir La Trinité qui sans fenir Fut et est et tousjours sera Ih sempiternel secula.

Amen.

DIEU LE PÈRE

Or ay-je fait ; par mon couvant ?

Le ciel sera touzjours mouvant , Ne cessera point de tourner Nuit et jour sanz point séjourner ; La lune y est et le soleil Qui donront clarté non pareil , Et si fera la nuit fenir Quant sa clarté devra venir; Ainssv ay fait la terre ronde Et la mer sy sera sy monde ?

Et sy ay fait à grant foison Bestes et oysiaux et poisson.

Or vueil former à mon ymage Homme qui aura avantage Par mon plaisir et seignorie Sur toutes choses qui ont vie, Pour recovrer de Paradis Les siégea dont j'ay (jeté) jadis

Lucifer, par son grant orgueil.

Cy preingne Dieu do limon et face semblant de faire Adam; et Adam et Eve soient couvert d'un convertour, et Dieu die :

Adam , va sus, que je le vueil ; Vien-t'en en Paradis terrestre, Car il y fait bon et bel estre, Et moult est délitable lieu.

adam , à genous.

À très glorieux puissant Dieu, Toy doy-je bien regracier Et de vray cuer mercy prier, Bien pert que tu ez mes amis Quant en ce biau lieu tu m'a mis Où est la joie sanz finer.

Un poy me vueil sy acliner Et repos prendre,

Cy face semblant de dormir de costé Eve.

DIEU

Puisqu'Adam dort, je vueil entendre :

Une famé je luy vueil faire De ce costé et lui a traire, Et partant sera sa pareille.

Or sus, Adam, sy te ra veille.

Dieu preingne Adam et Eve par la main et die :

Eve ta conpaigne sera, En touz lieux son povoir fera De toy servir et honnorer.

Vous avez cy biau demourer , Multiplicamini , crescite 7

Et ne souffrez nécessité De touz les fruiz que vous véez , Ajez cèstuy-cy vous est devéez ; De touz les autres povez prendre, Mes cestuy-cy vous vueil deffendre.

S'en mengiez grant mal en vendra :

Touz li mondes l'achètera.

Je m'en voiz, ycy demourez.

ADAM

Sire , tu soiez aourez Quant tu m'as faite ceste famine.

Je la garderay sanz diffamme , Sans contredire.

EVE

Je te regracie , trez vraiz Sire , Tout-puissant Dieu glorieux, Qui tant es grans et vertueux Que par ta volenté pure Tu nous a crée à ta figure.

Certaine suy et sy say bien De vray que nous n'estion rien.

A touzjours mais vous serviray.

ADAM

Eve, m'a mie, je te diray Je vueil de tout mon cuer entendre À Inoy bien garder de mesprendre Et tenir vraye obédiance.

EVE

J'eusse volen tiers cognoissance , Ne say se l'avez entendu,

DE N. S. JÉSUS-CflRIST.

Pourquoy a ce fruit deflendu; Mez trop volentiers en mengasse, Soiez-en, certain, ce j'osasse, Ne say qu'en die.

ADAM

Eve, doulce seur et amie, # Je ne say pas certainement Pourquoy il l'a fait ne comment , Mais à tout ce j'obairay.

EVE

Et moy aussy je le feray ; Mez moult volentiers en mengasse Pour certain , se je ne cuidasse Faire offence.

Soit .1. diable de costé l'arbre et face semblant de tempter Eve

BELGIBUS.

Le Maistre si a fait deffence Par trop grant mauvestié à l'omme Qui ne mengusse de la pomme.

Sy savoit du fruit la puissance Il en mengeroit sanz doubtence; Sy tost que mengié en aroit Tout autant comme Dieu saroit De toutes choses bien et mal ; A son màistre seroit ygal , Et le povre homme pas ne pence Por quoy li a fiait la deffence; Et sy en penroit sanz dengiçr Se il vouloit assez mengier,

Et seroit tout mal et tout bien :

Sy n'en verrait le Mestre rien Qui cy l'a mis.

EVE

Adam , chier compains et amis, Pour certain te fais assavoir Que tu ne puez science avoir Ne à grant digneté venir Se tu te veuls ainssy tenir De ce fruit mengier, bien le say.

Mengus-en, je ferai l'essay Et je t'en prie.

ADAM

Eve, je ne le feray mie :

Au fruit la main jà ne mestray, Mez de mon povoir j'entendray A garder le commandement.

Décevoir me vuels laidement Se te vueîl croire.

EVE

Je te dy, pour parole voire , N'as garde que je te déçoive , Ne aussy que Diex s'aperçoive Se toy et moy nous en mengions.

ADAM

Eve, forment nous mesprendrions Se, contre le plaisir de Dieu, En mengions, certain en sieu.

A tart seroit le repentir.

EVE

Adam, je vous dy, sanz mentir, Que grant profit nous en vendra.

Plain de science vous rendra ; Je vous prie , or essaiez.

Adam prengne la pomme et morde et se prenne parmy la gorge

- et die :

Ha hay! je suy mal avoiez:

Ce morcel ne puis avaler.

Las doulereux! qu'il est amer!

En la gorge la mort me tient.

Hélas! trop à tart me souvient De la parole que me dist Nostre Seigneur quant il fist À poy que de couroux n 'étirage.

Las, dont m'est avenu se courage !

J'ay offencé h mon Seigneur, Sy en moray à grant langueur.

En enfer est ma place cslitc, Autrement n'en puis estre quite; Aler me fault à dampnement.

Desnué suis de vestement ; Mon méfiait puet bien aparoir.

Hélas! devant luy comparoir N'oserai-ge : las! que feray?

Quelle responsse ly diray ?

Excusacion riens n'y vault.

En grant langueur morir me fault.

Eve, tu m'as forment deçeu ; Je,m'cn suis trop tart apperçeu ;

lO LÀ NATIVITÉ

De ce péchié forment me double Et ma postérité trestoute; Assez puis gémir et plourer, En enfer me fault demourer Par mon méfiait.

DIEU

Adam, Adam, et qu'as-tu fait ?

Dont t'est venu le hardement D'avoir péchié sy laidement Ou péchié d'inobédience ?

Souffrir t'en convendra pénence.

Tant que en ce siècle seras En douleur ton corps useras Quant mez commenz as trespassez.

.v. .m. ans sy seront passez, Et le tien pour chose certaine, Ains que tu soiez hors de paine.

En terre ta vie quesras ; Ta faute clèrement verras.

Or t'en va hors de Paradis.

ADAM

Ha: mon Seigneur, j'ay trop mespris Vers vous, aiez de moy mercy.

Saint Michel tiengne une espée ardant et boute Adam et Eve hors

de Paradis et die :

Avant, avant, va-t-an de cy !

Tu n'ez plus digne de cy estre; Fuy tost de devant ton mestre Puisque tu es trouvé sy fauls, Sy traites, sy desloyaulx,

Que son commeos n'as retenu.

Malement t'est desavenu De courroucier ton 'Creatour.

Va-t-an ! en terre de labour De tes mains te faudra ouvrer Se ta vie vuels recouvrer.

Touz ceulx qui après toy vendront Par ton grant méfiait se tendront De Paradis déshérité.

ADAM

J'ay fait trop grant iniquité, Je le cognois bien, monseigneur, L'an ne pourroit faire greigneur.

Et quant ne povons plus cy estre, Or nous enseignés très chicr mestre Que nous ferons.

Moult avez eu lez cuers félons Quant ^inssy'avez désobay; Trop malement vous meschay.

Sy tost qu'au fruit la main tandis, Te souvicnt-il que je te dis :

Tu désobays, tout en l'eure En enfer en feras demeure ; Puis .k homs en la croiz mourra.

Autrement estre ne pourra ; Et par sa mort l'umain lignage Sera osté de grief servage.

Or prens à .11. mains une bescbe Et Ja terre fouiz et bescbe,

12 LA NATIVITE

Et te vest de robe de honte.

Ton péchié tout autre surmonte :

Tu peuz assez gémir et plourer.

ADAM

En terre me fault labourer Sanz plus a tendre.

Gy preigne une besche et laboure.

EVE

Il me convient aussy entendre Sanz delay à faire besoigne, Et filler tantost ma queloigne Pour faire draps et cravechiez, Nappes, touailles et orei liiez.

Faire le fault quant le convient, Car tel ovraige m'apartient.

Cy parlent les .11. prophètes.

AMOS

Hélie, entendez, amiz :

t 'ay en mon cuer jà pieçà mis

Une merveille que vous diray.

Vous savez bien, et c'est tout vray,

Et hoc scio ita esse ,

De la ligniée de Jessé,

Une vierge sy doit issir;

Et celle vierge doit flourir,

Et après tel fruit portera

Qui le peuple confortera î

C'est l'atendue de nos pères.

HËL1E.

Amos, vos parolles sont clères,

Et sy est trèz bien limité En une autre auctorité Ly ceptres royal de Judée; Nullement ne sera faussée.

Cilz qui est l'expectation ,

Du peuple et la rédempcion, Et erraument que il naistra Toute Judée périra ; Pour ce devons nous tous veillier Et contre luy appareillier.

Bien say que de nuit il naistra, Mez je ne say quant ce sera, Et pour ce veullier nous convient.