BELG1BUZ

Harou , je suis tout forsonnez.

Bellias, compains, os-tu point Comme celuy-là se complaint.

Il dient qu'il eschaperont ^Lonc temps approphétizié l'ont.

Encoire seront racheté Et pour ce ont tant quaquetc.

Et rampliront lez liex des ciex Dez quiex nous fist trabucher Diex.

J'en ay en mon cuer grant envie.

BELLIAS.

Encoire, ne nous eschapent-H mie,

vSe seroit trop estrange guise.

Se sy orde chose estoit assise

Sur lez ciéges scélestiens.

Comme ly homs est terriens

Qui sont fait de Ifhon , de boe ,

A Dieu en feroie la moe*.

Sy remplissoit son Paradis

Où nous fûmes assis jadis.

Fais nous avoit par son plaisir

Pour luy obair et servir.

Chascun de nous plus cler estoit ,

Plus cler que le soleil ne soit, ***

Et nostre mestre Lucifer ^

C'esloit de nous .ix. fois plus cler 5 *^

&Sr

Par orgueil et entencion De mettre siège en aquillon , Et estre semblables à Dieu.

Sy consentismes touz ce lieu , Et pour ce Dieu*le trabucha. .

Ou font d'abisme Paficha Et nous aussi qui l'ensuismes , Car à luy nous mefféismes.

S'en trabucha .ix. légions Qui de sa partie estions ^

Lucifer , qui sy trez-cler feu , Est nommé menistre de feu, Et tuit sommes sy compaignon.

Commission ayons et renon De Dieu qui est nos souverains Et qui tout tient à sez n. mains De tempter toute créature, L'un d'orgueil , l'autre de luxure , De convoitise, de désespoir; Sur seulz nous a donné povoir De lez mener en nqp prisons Dont jà n'auront rédcmpcion, Lucifer ne fist qu'un péchié Dont il fut sy mal atechié.

Comment cuident donc cilz seoir Et noz nobles ciéges ravoir Qui bien en font nulle le jour r Et riens ne cresment leur Seignour? Enclins sont à leur pourriture.

yx Je cuide que Dieux n'en ait cure

D'culx avoir en sa compaignie.

N'a que faire de tel mesnie.

À nous ne ferait pas raison Sy lez mestoit en sa maison :

Regarde , compaing, 6e il puet estre.

BELGIBUZ.

Ha, Bélias! Dieu nostre mestre Est plains de grant cruauté ; Point ne nous fera loiauté, Et pour nous faire plus de despit Donra à ceste geni respit.

Et afin que plus nous eanoie , Leur donra la parfaite joie ; Et pieçà l'ont dit cilz prophète Qui en ont jà grant joie laite , Qui ou limbe d'enfer se séent :

De mal talent forment nous héent Et dient que Dieux descendra En une vierge et char prendra Qui disposa avant que nous, Et veul bien que #e sachiez vous.

Que saint Jehan > qui est conçeu , Sy sera devant Dieu véu Et s'en entrera es desers.

Il est sains, ne puet estre sers.

A péchié, en enfer vendra ; Pas longuement n'y demourra Car aprez lui vendra son meistre Qui despoullera tout nostre estre , Et ceulx qui se sont contenu

Contre péchié et offendu ,

Et qui à leur povoir l'ont servy.

BÉLÏAS.

Nous a donc Dieu sy aservy Pour le propos que consentisses.

BELGIBUZ.

Oil , car trop nous mefféismes :

Àbatre volions sa grandeur.

BÉLIAS.

Usuriers et termineurs , Désespérai! s envieux Et lez remplis de convoitise, Geulz que luxure art et atise , Et cez fauz gloutons rechiniez , Ne lez avons-nous pas gaignez ?

Puis qui meurent sanz repentance , Sanz avoir de Dieu cognoissance , Ne lez justicerons-nous mie?

BELGIBUZ.

Adez seront de noz mesnie; Àrdant ou plus grant feu d'enfer Avec noz mestre Lucifer

Nous lez mettrons trestous ensemble*

BÉLIAS.

Compaing, c'est bien ce me semble :

Nous leur ferons assez tourment.

y s AÏE.

O trez doulz roys du firmament , Aide-nous par ton plaisir , Car il nous fault ycy gésir

En grant tourment et à martire.

II n'a langue qui le peut dire.

Vien bien tost, sy nous boute hors ; Vrais Dieu ! qui es miséricors Et tout gouvernes par ta main , Et qui partout es souverain Hault et bas tout à la raonde , De ceste paine qui surbabonde Nous vueille bien tost délivrés Qu'à grant, honte sortîmes livrés.

DIEU

Michiel, entons que je veull dire :

De ce ne me fay contredire.

Je te fiz tel pour moy servir, Pour tant doiz Caire mon plaisir:

Quant le monde je cpmposay Je fis .1. hoknme et le posay En mon paradis de délices, Mais il fut outrageux et nices Et manga du fruit devée Dont il fu trop mal avée , En enfer est à grant doulour.

Or t'en va, sanz faire séjour, En Nazareth , et de par moy Dy à l'évesque de la loy . Que je ly mande que il marie La fille Joachin sanz détrie , Et face devant luy venir Et à chascun face tenir .1. baston tout à descouvert

Qui soit tout blanc et non pas vert.

Cilz en quel main il florira Marie au cler vis aura.

Et sera fait le mariage *

En gardant la loy. et l'usage :

Ainssy le vueil et sy doit estre.