LE MES AG 1ER

Pour certain plus avant n'iray.

Je ne me veul plus détrier ; En ce quarrefour veul crier Le commendement de mon sire.

Or entendez que je veul dire :

Le grant évesque de la loy A tous et à cbascun par soy Vous mande par letre patente Que devant luy, sanz faire a tente,

Soiez au temple à droite heure; Ne viel ne joene n'y demeure Qui n'ait une verge en sa main.

L'évesque sy fera demain Au plaisir dé Dieu mariage De Marie, qui tant est sage , Fille Joachin lé séné , Car ainssy l'a Diex ordené ; Or y soiez sanz point de faulte.

LE PREMIER RACHELER.

J'ay oy crier nouvelle haulte , Meillour n'oy crier nul temps.

Par ma fpy pas ne m'y atens Que la pucelle doie avoir , Mais toustevoies g'iray savoir Qu'il en sera.

LE SECOND RACHELER.

Ne say que l'évesque fera.

Diex ly envoit bon mariage 5 Elle est belle, courtoise et sage Sur toutez autres à merveille; Je ne viz oneques sa pareille.

Et sy est dé bon parenté.

LE TIERS RACHELER.

Qu'en fust-il à ma volenté ; Gertez à qui qu'il en despleust Autre que moy pas ne l'eust.

N'est pucelle qui la resemble.

Àlons-nous-en trestousensamble , Sy orrons l'évesque parler.

JOSEPH

Avec lez autrez vueil aler Au tçraple regarder l'afaire Du mariage que dpit faire Nostre é vesqpe de la pucel^e Qui tant est gracieuse et belle ; G'iray bellement sanz courir.

Se Diex me puisse secourir Au temple montera y à pairie.