JACQUES

Sire, se Dieu me doint santé Je ne seray ja traveilliez De vous servir, mez esveilliez.

Alons-y, car bien m'y acorde.

judas.

Maistre plain de miséricorde , Trestout vostre vouloir feray, Car je vous aime de cuer vray, Sire, car je y suis bien tenu.

symon.

Sire, vous soiez bien venu !

DE NOTRE SEIGNEUR. l45

Mesiau ay esté , se savez ;

Vostre mercy guéry m'ayez. * ,

Chascun vous doit de cuer servir,

Car bien le sevez deservir

Que vous estes plain de pitié.

Je vous pry par grant amitié y ,, ,

Et de tout mon cuer vous supplie ,

Que voua et vostre compaignie

Veigniez reposer en ma maison.

DIEU

Symon, tu dis bonne raison , - '

Et je y voiz sanz plus demourer,

MAGDALAINE

Las, meschante, bien doy plorer Comme pécherresse chétive La plus qui en ce monde vive.

Plaine suis de pécbié d'ordure ; En punézie de luxure J'ay vescu toute ma jouvente ; De péchier ne fu oncques lente Mais en ay esté tousjours preste.

Vilain , bourgois, clerc ou prestre , Las, trop ay esté foie famé , Dont j'ay moult enconbrée m 'âme.

Je ay deservy paine et hontage , Lasse chétive, que feray-je ?

Dès or est ma vie eunuieuse :

Lasse, tropt suis malheureuse.

Se aincy péusse venir Je voulsisse bien deffenir,