IT

DE NOTRE SEIGNEUR. ig3

Ceulz qui m'ont oy manderas. Quant venuz seront n'a tendes, Mais aprement le demandez, S'il sevent que je aie conpté Autre chose fors que bonté :

Lors par conseil en ouvreras.

MALQUIN.

Demain en tel jour enterras.

Garde à qui tu diz ces paroles Qui sont assez nissez et foies.

Par fierté vas respondre trufes :

Cy me garderas ces .11. bufes Que t'ay trouvé tant te quéru.

DIEU

Tu m'as sanz déserte féru Vilainement en mon visage.

S'il te samble que die oultrage Hardiement sy le tesmoigne.

HAQUIN.

Vassaux, se Diex santé te doigne Sers tu pas Jhesu le glouton ?

S. -PERE

Pour lui ne feroie .1. bouton :

Je ne sçay que tu me demandes.

Se tu aus fourches ne me pendes One ne le servy en mon aage.

ÂNNES.

Jhesu tu paieras ton paiage, Mèz se cera moult chèrement.

Liez ly bien estroitement

Lez mains et puis bien le tenez Et cbiez Caîphes te menez.

Quant Caîphes Jhesu verra De ses euvres ly enquerra :

Or le menez sanz plus cy estre.

malquin.

Ta main senestre sanz la destre.

Je vueil lier maintenant :

Plus soef t'en yrons menant, Je te promet; vecy la corde.

Haquin, garde qu'il ne me morde ; Tu me verras jà bien estraindre, Et sy ne s'en osera plaindre.

Haquin, compains, or me devise S'il est lié de bonne guise.

Que te sanble? Est-il assez ?

* HtfQUIN

Son cuer est jà trestout quassez, Sy estroitement l'as Ré.

Jhesu, Malquin t'a espié, Tu es de belles contenances.

Par ma loy je croy que tu penses Comment tu pourras jà respondre :

Miex te vaulsist avoir fait tondre, Ne le dy pas en toy gabant.

Je croy que veulz feire bobant Et mettre coeffe par dessure.

Conpains, il ne fat; eiwmit heure Que ce pautonnier ae^véisse Après nous, certes bien voulsisse

DE NOTRE SEIGNEUR. I p5

C'on sceult s'il cognoist ce maistre.

MAXQUIN.

Trop miex ly vauroit estre a nestre S'il le cognoist que cy venir Et sy ne me vueil plus tenir Que je ne sache qu'il demande.

Vassaux, se Diex ton corps dcffende, N'ez tu pas et qui revanchas Jhésu et m'oreille tranchas?

G'es-tu bien, le voy à ta face.

s. PÈRE.

Non sui, se Dieu me doint sa grâce ;

De ce vous puis-je bien respondre.

Se la mort ne me puist confondre

Oncques ne fu en son service.

Las ! moy meschant com je peu prise

Mon bon seigneur et mon bon maistre !

Je vourroie bien estre à nestre.

Las ! moy dolant povre de sen

Moult grant douleur au cuer je sen

De .m. faussetez que j'ay dictes,

Dont j'ay esté faulz et trahistez.

Or ay-je le cuer desvoié :

Quant je mon seigneur renvoyé.

Certes je m'espris durement.

Sy en requier dévoctement

De tout mon cuer à Dieu le père

Qui reçoive ma prière.

Je m'en repens et me confesse,

Car douleur au cuer me apresse.

1q6 LA. PASSION

Père, selon ma repcntance Vueillez moy donner pénitance ; Que je soie asoubz moult me tarde A mon méfiait ne prenez garde, Car j'ay dit .m. trop obscurs vices Dont j'ay esté et fol et nices.

Beau sire Diex, plaint d'amistié, Vueillez avoir de moy pitié, Car je trop durement mespris.

PINCEGUBfcftE.

Jhesu, bien voy que tu es pris :

Pour te destruire te prenons Et à Caïphes te menons.

Caïphes, vez ci le traite Qui toute hostre loy despite, Et dit qu'elle est fausse et malvaise.

Vous en devez estre plus aise Quand Jhesu qui riens ne prisoit Nostre loy mais la despitoit, Nous l'avons pris et amené.

BAUDIN

Pour vous nous somes bien pené, Et Judas a fait ceste office.

Véez vous cy Jhesu plain de vice ; Or en poon faire justice.

Nostre loy ne vous riens ne prise, A sa loy nous vouloit tous traire Et sachez que de nous mal faire À estez tous jours esveil liez.

MOSSÉ.

Galphes, tost vous conseifliez

De Jhesu ce fault gtout destruîre.

Oncques ne vous fina de nuire;

Nouvelle loy a commandé

Et sy Fa jà moult avencié

Pour enchanter lez gens enconbre.

Tant le croient que c'est sans nombre

Et vous vont trestuit délaissant.

Nostre loy va trop abaissant,

Contre nousHforment se traveiile ,

Or escoutez trestuit grant merveille :

S'il va bien nos gens enchantant

Le mauvais glous se va vantant

Le temple Dieu despesera

Et. puis après le refera

Dedans .m. jours comme devant.

Va-il bien la gent décevant :

Dieu tout en viz pourrait ce faire.

Nous veulfr-il seurmonter Gésaire ?

Il est de folie esméus,

De rien ne doit estre créuz

Il ne scet fors que mal et honte.

Encore fait pis que je ne conpte,

Se c'est voir de ly kl sachiez.

gaïphas.

Jhesu , dy es-tu entachiez De ce que os icy conpter Que nostre loy veulz scucmonter?

Respon, il fault que je le sache.

Seigneurs , Jhesu a pute tache ; De respondre ad ce n'a cure.

Pourras-tu prouver celle injure De quoy tu dis qu'il est coulpablez ?

MOSSÉ.

011 , sire, par gens estables, Par Malquin et Haquin ensanbfe.

Bien le scevent, sy com moy sanble ; Demandez en leur tesmoignage.

CAÏPHAS

Malquin, Haquin , trop estes sage :

De ce me dictes là vérité.

MALQUIN.

Le Dieu me doint grant dignité, C'est ce que cil vous a conpté.

HAQUIN.

Par le grant Dieu plain de bonté , Mossé vous a la vérité dicte.

De Jhesu le glouton traite Oncques il n'ot de nul bien cure.

CAÏPHAS.

De par Dieu le grant, te conjure Que tu me dies se tu ères Jhesucrist filz de Dieu vif père. Se tu l'es y dy lo i*)y beau frère , Tout clèrement que je t'en proye.

DIEU

Tu l'as dit , mais se je disoye Que filz Dieu le puissant je fusse Et que sa très grant force eusse,

On diroit que diroie folie.

Toute voie n'en doubtez mie r Vous me verrez en jugement A la destre Dieu qui ne ment :

I^l paiera chascun sez débitez.

CAÏPHÀS.

Tu es donc filz de Dieu ?

DIEU

Vous le dictez Et avez dit que je le suy.

GAÏPHAS.

Dèz que cognoissance reçui Et de viel , de petit , de grant , N'oy despiter Dieu le grant Sy com se musart le despite.

ANNES.

N'a-îl pas grant obscurté dictes , Le glout eu cuer très deputaire , Quant pareil à Dieu se veult foire ?

Sy ne fault point de tesmoignage :

Il est jugé par son oultrage Quant il se fait à Dieu sanblable.

PINCEGUERRE.

Seigneurs, ne tenez pas à fable , .

Mais moult très^ien vous avisez Comment ce glout soit justisez.

Dèz or mais nous départirons > En nos hostelz nous en yrons \ Cy faire venir nous pourrez Toutes heures que vous vourrez,:

Du vostre rien ne demandons,

Au grant Dieu nous vous commandons,

Tuit en vostre voulenté sommes.

ANNES.

Seigneurs, vous me sanblez preudommes

Vous m'avez bien en gré servi ;

Bon loier avez deservi

Et bon loier chascun aura

Sy que tous jours gré me saura.

Àlez , au grant Dieu vous ëômmant.

malquin.

Jhesu enten-tu bien romans ?

Je te vueil cracher en la face.

CAÎPqAS.

Haquin , se tu m'aimes pourchaces Pour sez yeulz bander une bande.

HAQUIN.

La maie poission l'estande , Vez cy la bande tpuie preste.

CAÏPHAS.

Bandez-ly le? yeulz de la teste Et pour le loier de ses truffes Ly porte? de grosses buffes Et sy en jouez à la^htpe.

MALQUIN.

Bien saura chiper sy me chipe.

Je le tenteray sy par la chape Que je le rendray s'il m esc ha pe.

Haquin , n'est-il pas bien bouchez ?

HAQUIN.

Oïl , que fust-il or ouchiez.

Jhesu qu'es-tu cy Venu querre ?

De par le diable sié-te à terré ; De par moy auras ce présant.

Dy moy, ay-je le poing pesant?

Or ne t'ay-je pas foulx noie?

MALQUIN.

Haquin, tu ne m'as pas proie )ue de mez yeulz ne ly apreigne.

Roy, maie passion te teigne !

Qui t'a féru, car le me devine? Esgar com il besse l'eschine, Le jeu je croy ly abelit.

haquin.

Oncques mais n'ot tant de délit, Roys qui fust de sy grant poissance.

Jhesu, tien ce cop a la chance ; Qui t'a féru, car le me compte ?

MALQUIN.

Ha ! faulx roy que tu sces de honte 1 Nous te voulons endoctriner, Mais il te convient deviner Qui t'a donné sy gros chopin.

haquin.

Encor ara-il ce lopin !

Bien ly plaist ce jeu à aprendre.

Fier fort, il a la char trop tendre.

Qui t'a féru, roy, car, parole?

MALQUIN.

Il a esté à bonne escole :

Trop grant plaist ne va pas menant ;

Mais sy ne parle maintenant

Je li donrray tel oreillon

Qu'il y aura du ver m ei lion.

Tien ce cop ; sui-je mensongiers ?

Il n'est pas hors de nos dengiers , En nostre jeu moult se délite :

Sy a-il chère de trahite.

Roy, ce cop tu me garderas Et puis après devineras Se ce sont collées de nopces.

MALQUIN.

Haquin, je voy de grosses bosses Sus son dos que faites luy as.

HAQUIN.

Non ay, voir.

MALQUIN.

Par ma foy, sy as.

Je vueil que de moy ly souveigne :

Ce cop est tien ; par pute estraîne Je ne vueil 4>as que tu m'eschapes.

HAQUIN.

Malquin, je te pry que tu frapez Bien fort de ça et moy, de là.

Roy, te remuas ; qu'est-ce là ?

Garde bien de toy remuer :

Nous te ferons sy fort suer

DE NOTRE SEIGNEUR. 2o3

Que ton mal te terminera.

MALQUIN.

Benoist soit qui fort frapera Tel cop que je l'oie sonner.

Or, le me regardes donner .1. beau çop du poing sanz faintise.

Roy, qui te fiert, car le devise ?

Tu es je croy en lestardie 'Ou ta char est acouardie, Ou tu n'es pas batu assez.

Malquin , je croy- que tu es lassez :

Fier degrans cops sus la servelle.

malquin.

Je ne me pris une cenelle Se par moy n'a Teschine plate.

HAQUIN.

Par la foy que tu doys Pilate, Or léesse voir que tu feras.

MALQUIN.

Par Dieu, Haquin, tu m'aideras.

Ferons tous .11. sur son madré.

HAQUIN.

Tu as resuscité le ladre

Par ton malvais enchantement ;

Mais se li évesques ne ment

Encor le conparras tu chier.

Mal osas le ladre huchier

Et à nos gens dire telz fauves.

Roy, mcschant roy, que ne te sauves

2o4 LA PASSION

Ou destruiz seras sanz rançon.

CAYPHAS.

Seigneurs, laissiez vostre tançon , Ne bâtez plus se députaire :

Autre chose nous convient traire.

Sir Annes, car nous conseilliez, Vous en devez estre esvei liiez, Comment Jhesu pourrons destruire ?

ANNES.

Appareillié sui de lui nuire; S'il vous plaist mener le ferons A Pilate et li conterons La grant mauvestié du trahi te.

CAYPHAS.

Moult bonne parole avez dicte :

Je vueil bien que il soit menez.

Or tost, my sergens,^a venez Menez en Jhesu sus Pilate.

- MALQUIN.

Ha ha ! com il a la char mate Ce rov et com il est devex.

HAQUIN.

Haa ! qu'il a dessous sez chevex De mal se je l'osasse dire.

Liève sus, vten à ton martire :

Malquin, aide-moy à le tenir.

JUDAS

Ha mprt, car me fay delcnir :

Je sui meschant maleurez Et trahiste faulx parjurez;

Bien m'ont lez diables enbahy :

J'ay le sanc du juste trahy, Cil Dieu qui a toute puissance.

Je mourré par désespérance :

Des or m'estuet desconforter.

Vivant, je vien raporter L'argent, point n'en ay despendu, De quoy j'ay mon seigneur vendu.

J'ay péchié trop fort mallement :

Vecy vostre argent; je dément À vous que me laissiez mon maistre Qui fait tous biens venir et nestre.

C'est cil de qui tout bien abonde Et cil qui puet suz tout le monde.

Sire, car le me délivrez.

VIVANT

Judas, t'es-tu puis enyvrez Que ton maistre nous vendis Et doulcement la main tendis ?

De noz deniers receuz trente Quant ton maistres getas en vente.

De le prendre nous enhortas Quant .xxx. deniers enportas.

L'argent preiz et receuz :

Se tu te tiens pour déceuz, Judas, de ce bien te souveigne :

Qui ainssy fait, ainssy le preigne.

En ce point ton maistre mis as, De le penre nous avisas :

Se tu as ta mauvèstié faite

Une aultre fois mïex sy te gai te.

Se bien as fait tu le sauras :

Judas de Jhësu point n'auras ; Or lesse ester ton sermonner.

judas.

Au diable je me vois donner, Quant mon màistre a y ainssy grevez.

Vivant, vostre argent recevez, Véez le là, je n'en ay cure.

Hé mort félonnesse et obscure Pren moy, je suis faulz et trahistes :

À cent diables je me rens quites.

Quant j'ay osé mon seigneur vendre Sanz remède je me voiz pendre.

Diables, prenez mon espérit.

VIVANT

Seigneurs, l'argent que Judas quit ,

Qu'il a ycy à terre mis,

Je ne vueil pas qui soit remis

Ou temple en la commune bource :

Pas de bon lieu ne vient-il ; pour ce

Le dy-je s'en achèterons

Ung champ où qu'il souffrir feront

À Jhesu grant douleur amère.

MALQUIN.

Le champ de Mach, de par ma mère, Est tout mien ; je le vous vendre.

vivant.

Ces .xxx, deniers t'en rendre :

Voy-les ycy, je te lez baille.

MALQUIN.

Et je l'octroy comment qu'il aille.

Dès-or le champ vous abandonne.

ANNES.v

Pila te, vecy la personne Qui sy fort nostre loy tourmente.

Par son sermon nos gens enchante :

Il est digne de mort avoir.

PILATE

Seigneurs, aultrement vueil savoir Pourquoy jugez à mort cest home.

CAÏPHAS.

Car Jhesucrist et roy se nomme.

Guidez c'il ne fust mal faiteurs Et sus nostre loy enchanteurs Que cy le vous amenissons Ne que à mort le jugessons?

Je vous (dy) qu'il a deffendu, Je l'ay oy et enlendu, Qu'on ne doint point à Gésaire Ce qu'on ly doit, et pour ce traire Cy va-t-on faire grief tourment.

PILATE

Puisque l'accusez sy forment Prenez loy et sy l'enmenez.

Selon la loy que vous tenez De son corps faictes jugement.

CAÏPHAS.

Je vous rcspon appertement Bien vourions la mort de luy ;

Mais ne poons juger nully Puisqu'il n'a la mort deservie.

• PILATE

Jhesu, dy-raoy toute ta vie :

Tout maintenant délivre toy.

Tu es roy des Juifz.

DIEU

De toy Seul tu le dis ou tu l'as oy dire ?

PILATE

Pour te faire souffrir ma r tire Tous ces Juifz t'ont à moy livré ; Il vouroient jà que délivré De ton corps trestous les eusse ; Mais j'ameroie miex que je fusse Bien endormy que je disse Faulz jugement ne ne feisse.

Pour Juifz mie ne me tien :

Il m'est avis que je te tien.

Que leur as-tu fait? ce me dy.