PIEU

Famme que par cy voy passer , Vueilliez .1. pou vers moy venir.

Ce drap vouldroie .1. pou tenir, Mon visage y vuejl essuier.

VÉRONGE.

Ce ne me doit pas ennuieiy Mais me doit abellir sans taille.

Tenez le drap, jç le vous baille :

A moult bien. emploie le tien.

dieu.

Véronce, bonne fa mme, tien, Vecy ton drap, dy qu'il t'en sanble.

VÉRONCE.

Beau très-doulz Sire, il resanble Trestout proprement vostre face.

Regardez trestous la grant grâcç , Le granl honneur, la scignovic,

q3o la passion

Que Jhésucrist le filz Marie

Veult que je garde sa figure.

C'est cil qui de nul mal n'a cure ;

Vecy sa glorieuse ymage

De son très préciex visage.

Sire, moult bien le garderay,

Pour l'amour de vous l'ameray

Et sy vous met bien en convent

Je la regarderay souvent

Pour ce que de vous me souveigne ;

Mais je prie Dieu que maie veigne

Grâce à Juifz prochainement.

Trop vous mainent honteusement

Sans raison par leur cruaulté.

Tous estes plain de loiaulté,

Doulz Diex ; à tort vous vont grevant.

HAQUIN.

À ceste estache ci-devant Tout maintenant liez seras.

Malquin , sces-tu que tu feras ?

Despoulle-Iay sanz arester Et je vueil tandis aprester La corde dont je le lieray.

MALQUIN.

Or fay ce que je te diray, Fay-li celle estache embrasser, Et je li vueil tandis lasser Ses piez à ce tref de ma corde.

HAQUIN.

Je n'ay pas paour qu'il nous eslorde.

Ne que de ci puisse eschaper.

Bien est Hé, or du fraper Honny soit qui bien n'y -ferra.

MALQUIN.

J'ay sy féru qu'il y parra À tousjours mais, ce sçay-je bieir.

Dy-moy, meschant roy, di-je bien, Quant j'ày ta char sy bien sequouse?

HAQUIN.

Tu m'as asséné sus le pouse, Sy corn ton coup c'est destourné.

Roy, put jour t'est huy adjourné :

Je croy que jà le cuer li fault.

MALQUIN.

Haquin, je te créant il me. fault Trois clous pour le crucefier.

Me oseroi-ge en toy fier De le garder tant que revoigne?

HAQUIN.

Malle grant bonté li aveigne Qui de luy garder point s'esmaie.

MALQU1N.

Dont ne fineray tant que j'aye Trois clous bieh bons à mon talant.

Dieu gart le bon fèvre galant.

Fay .m. clous Ions, gros et quarrez, Desquelz Jhésus sera barrez En la crois ; puis te paieray, Et tout ton vouloir je feray.

Fay tost, met le feu en la forge.