TAQUIN

Volentiers, ferez roidement :

En droit le cuer je l'ay mise.

xongis.

Roy, au cuer te fier sans faintise.

Combien que j'ay perdue la veue Sentiras-tu ma lance ague.

Bien sçay que je t'ay la char route :

Je sens sang ou yaue qui dégoûte

DE NOTRE SEIGNEUR. 25g

La Trinité que peusse estre ?

Je te creveray ton oiel destre, Ce sçay-je bien encor ennuit, Se tu dis chose qui m'ennuit, Ou je te turay de ma lance.

Je croy ce te fait dire enfance :

Tés toy que tu ne le compères.

SAINTE ÉGLIZE.

La Trinité est Dieu ly père.

Dieu le Filz, ly Sains-Espéris.

C'est .1. Dieu qui de tous péris

Garde Sainte-Crestienté.

C'est cil qui donne la sancté ;

Ce sont .m. personnes ensanble

Et .1. seul Dieu : dy, qu'il t'en sanble?

Oserois-tu ceci desdire?

SYNAGOGUE

Je ne saroye ce livre lire.

Dyva, tu ne me dis que fables

Mais j'ay la loy Dieu en mes tables

Que enseigne Abraham, Ysays,

Et Moyse par le pais

Moult grant pièce les sermonna.

Ceste est la loy que Dieu donna

Quant il ot en ces tables mises

Ou mont Sinay à Moyse,

C'est la loy d'encienneté ,

Et tu veul* or nouyelleté

Tout par toy maintenant ci taire.

2ÔO LA PASSION

SAINTE ÉGLIZE.

Je te feray assez tost taire.

Tu ne fais que sors et charaiez.

Respons-moy que le mal-jour aiez , Ou Dieu puet tout ou rien ne puet.

Se tout puet, doncques ne le puet Nulx homs desdire par raison ?

As-tu bien perdue ta raison ?

Dieu a voulu nestre de famine Pucelle, Vierge, sans diffainme , Et a voulu sa char humaine Ait souffert la mort souveraine , Comme bien pert qu'il est pendu En la crois et tout respandu Fut son sang, et pour ce voir Yci suy pour le recevoir ; Mais au tiers jour sera revis Ainssy com je le te devis; Et te dy sentence est rendue Que ta loy sy est confondue Arrezde .x. commandemens.

SYNAGOGUE

Par ma loy, gloute, tu te mens.

Se avoies bien leu nos gloses Tu n'oseroies dire telz choses.

Bien puez savoir, ëe tu n'es y vre, Mort homme n'a povoir de revivre.

Jhesu est mort, ainssy est-il^ Et comment donc trevenro&il ?

Sy grant povoir n'a pas nature ;

DE NOTRE SEIGNEUR. s6l

Mais nous avons une figure

En nos gloses qui moult m'espoente.

En celle figure se vente

Le prophette que ma court toute

Par ^i^ seul home sera route.

CeJly n'est pas à son vouloir.

L'angel chante sus : « Hostis Herodcs,»

Vieille Loy, bien te dois douloir, Tu dois bien plourer et suter, Car perdu as au desputer :

Saincte Église a le champ gaigné.

Or, sont Juifz bienmeschaignié , Diex a leurs escrips deffaciez.

Crestiens^ Dieu veûlt que faciez Ce que Saincte Église dira.

SAINTE-ÊGLIZE.

Âpelle .1. clerc qui te lira Ceste leçon qu'on t'a leué.

Aussy as-tu malvaise veue ; Fay bientost il te fault deftendre Ou il te convient à moy rendre ; Or fay lequel que tu vourras.

SYNAGOGUE

Je me rens vaincue; or pourras Désormais régner par tous règne Chevauche à bandon et règnes Partout, plus ne m'ose vanter ; Le chant que j'ay oy chanter A toute aveuglée ma face.

Il m'est pris talent que je face

A Pilate une requeste

Qui ne sera pas deshonnesle.

Ne sçay s'il la refusera,

Mais gaires ne ly coustera ;

C'est de Jbesu cel Lomé mort.

Juifz l'ont par envie mort,

En celle crois l'pnt es tendu

Et entre .11. larrons pendu,

Bien ly ont trcstui couru seure

Je n'en voy pul qui pour ly pleure.

Sy se faisoit-il bien amer ,

Mais pour ce qu'il se fist clamer

Roy des Juifi, quant il le sorent,

Sy grant dueil et courroux en orent

Qu'ilz en ont pris vengence obscure ;

Or n'a mais plus nul de ly cure.

A Pilate tantost savoir

Voiz se je le pourray avoir

Par requestes ne par prières ;

Et j'ay esté encor nagaires

Nouviau chevalier, pour ce croy-je

Qu'il le m'octroiera sans ploige ;

Car c'est ma première demande.

Pilate, sil Dieu vous deffende

De mal, qui fist le firmament.

PILATE

Joseph, le grand Dieu vous ament.

Que vouSplaist ne que venez querre?

JOSEPH

Pilate, je vous vien requerre Et vous vueil doulcement prier Que vous me vueilliez octroier .1. don que vous demanderay.

PILATE

Demandez et je le feray ; Faire le doy sans contredire.

JOSEPH

Pilate, bien savez, beau sire, Chevaliers suis nouvellement.

Le corps de Jhesu vous déniant :

Mort est, Sire, donnez-Ie-moy.

PILATE

Foy que je doy l'âme de moy , Pas trop grant don ne demandez.

Joseph, .1. petit attendez

Et tantost sans dilacion

Je manderay Centurion., S'il est mort par luy le sarçay, Puis tost donné le vous arcty.

Vallet, va quérir en message Centurion au fier courage ; Va tost, dy ly qu'il veigne cy.

MALQU1N.

Ce vault fait, levez-vous de cy, Sire, en qui prouesse surmonte.

Se le grant Dieu vous gartde honte.

Venez au prévqst maintenant.

264 LA passion

CENTURION

Je y vois, car c'est bien avenant Que toute sa volenté face.

Du grant Dieu qui a toute grâce.

Soit luy Pilate maintenu.

Mandé m'avez, je suis venu, Dictes-moy vostre volenté.

PILATE

Se Diex me doint bonne sancté Je ne vous vueil pas décevoir.

Savoir vueil de Jhesu le voir S'il est mort ou s'il est en vie.

Joseph a de ly grant envie :

S'il est mort je ly vueil donner.

CENTURION

Bien ly povez abandonner, Foy que je doy ma baronnie ; L'âme ly est du corps partie ; Ce sçay-je bien certainement.

pilate.

Joseph, vostfë commandement Du corps Jhesu faire pourrez Toutes heures que vous vourrez ; Mais pour ce que vous ne failliez , Je vous lo bien que vous ailliez Auls evesques et sy leur dictes Que ce corps est vostre tout quictes Et que nul ne le vous deffende; Car c'est la première demande Que vous avez à moy requise.

DE NOTRE SEIGNEUR. s65

Les Juifz en ont fait justice Et vous voulez le corps avoir.

Par droit ilz doivent bien savoir Qui Para de la crois osté.

JOSEPH

Je vois tantost à leur ho s tel.

De par Pilate, seigneurs Ponce, Je vous dy et sy vous anonce, Que le corps de Jhesu rtiien est.

ÀNNES.

Non est voir.

JOSEPH

Par ma loy sy est ; Pilate le m'a octroie Et m'a à vous .11. envoyé Pour le vous dire (or le vous dy-je), Qu'il le m'a donné quitte et Jige.

De la crois le vois avaler.

AN NES-

Joseph, où voulez-vous aler?

Dictes-vous, vous empofterez Le mort ; par ma loy npn ferez, Estes-vous fol ou enragiez ?

Pour le garder sui estagiez De mon avoir, de corps et d'âme, De mes enfans et de ma famé, Et avec moy tout mon lignage.

CJLYPHAS.

Joseph, vous n'estes pas trop sage Quant vous nous dictes ces paroles,

Car elles sont nices et folles, Et sy vueil bien que vous sachez, Jhesu est sy bien atachiez En celle crois, que bien sarez Hault faveler quant vous Parez; Et sy vous fais bien à savoir Quiconques le vourra avoir Tels enseignes aportera *

Que mieulx créu que vous sera.

Qu'il soit vostre, rien n'en savon, Et de vous soupeçon avon Que ne nous vueilliez décevoir.

Point n'en arez, sachiez de voir :

Aultre que vous y fault venir.

JOSEPH

Seigneurs, quoi qu'en doie avenir, Il m'est donné et je l'aray Et jà gré ne vous en saray.

A Pilate sans nulle esloigne Je vueil compter oeste besoignc ; Moult me tardé que le mort teigne.

Pilate, grant bien sy vous veigne Courrous me fait le cuer estaindre :

De Caïphas et d'Annes plaindre Me vieng à vous que trop contraire Sont vers moy de ce que vueil faire.

Jhesu ne veullent que j'enporte Et sa char est en la crois morte, Car tous .11. contredit le m'ont.

De ce courroucié sui-je mont;

Ne sçay se d'eulz estes amé, De par vous me suis reclamé ; Il client que riens n'en feront.

Joseph, tout courroucié seront Quant ilz le vous ont contredit.

Vous Parez puisque je l'ay dit :

Nicodemus tantost y va Avecques vous et leur dira Que vostres est entièrement.

Nycodemus, allez briefment A Annes et Caïphas dire Que j'ay au cuer courrous et ire.

Quant il ont Joseph tant lassé Et mon commandement passé- Plus ont mespris qu'il ne leur sanble, Toy et Joseph yrez ensanble Et leur dy qui l'y lessent penre ; J Sien est, nul ne l'en doit repenre Et je ne vueil pas qiï'il y faille Ne que nul encontre luy aille Ou forment les courrouceray.

N YCHODEÉUS .

Le mesage moult bien feray.

Joseph, beau-frère, or en venez :

Droit à ces maistres me menez.

Lié suis quant avec vous m'a mis.

JOSEPH

Nychodemus, beau doulz amis, Le corps du mort tenir vourroye.

Certes, dire je ne pourroie Gomme j'ay graqt sain de l'avoir.

NYCHODEMUS.

Ce veulz-je bien croire et savoir, Et sui lié de ce vous dictes, Car pour Jhésu sui forment tristes, De ce que à mort l'ont méhaigné, Et sy n'y ont-il riens gaigné A de cy l'oster je m'acort.

JOSEPH

Nychodemus, bien d'un acort Sommes moy toy ad ce faire.

Or pry-je Dieu le débonnaire Que bien fassiens nostfe besoignc Et que nous ne truisson essoigne Vers les félons hors de créance, Nychodemus, j'ay espérance ' Que Dieu veult que facien ceste euvre Pour plus dignement le recoivre.

Or pense du sagement dire Le commandement de ton Sire.

Voy-les-y, la va, sy leur conpte.

NYCHODEMUS.

Joseph, se Dieu me gart de honte Je leur vois dire mon mesage.

Seigneurs, vous n'estes pas trop sage ; Mespris avez vilainement Encontre le commandement Que Pi la te a commandé, Que Joseph ly a demandé

Le mort, point ne le fist muser, Il ly donna sans refuser :

Pas trop ne le fist requérir; Mais quant Joseph le vint quérir Penre le corps ne ly lessastes, Mais moult forment le rechinastes, Et chascun de vous l'en blamoit Et moult forment se réclamoit.

A vous dis par prévost Pilate N'y ara cil qui ne l'achate De vous se plus ly escondites.

Pilate dit qu'il est sien quittes ' Et veult que tost ly soit donnez.

ANNES.

Dès or ly est abandonnez, Je vueil qu'on le ly délivrasse .

Or le voit querre et emportésse, Je n'en yray plus à l'enfcontre.

CAYPHAS.

Velà le mort, je vous le monstre Joseph, or le povez despandre ; Nul ne le vous veult plus deffendre ; Dès or nous en lessez ester.

ANNES.

Nous sommes folz de cy ester Quand somes délivre de ly.

Quant il sera ensevely Tel pourra veoir sa sépulture Qui Pemblera par aventure :

De l'aler bien est se me samble.

CA1PHAS.

Anne, se ainssy est qu'on l'emble, Honni soit-il qui les hostages De quoy nous sommes tous en gages A Pila te jà paiera !

JOSEPH

Nychodemus, moult bien sera Que je voise chevance faire, Commant j'aray . 1. bon suaire Pour ce corps là ensevelir»

NYCODEMUS.

Joseph, moult me doit enbellir La parole que vous oy dire.

Je yray avecques vous, beau sire, Moult volentiers pour vous aidier.

JOSEPH

Nicodemus, sans plus plaidier Alon moi toy voir sy pourron Pfendre du quel nous vourron.

Ce mercier nous en puet bien vendre.

Sire, car nous vueilliez entendre.

Avez iiulz beaulz draps neufs de soye?

MERCIER

Je croy moult très bien que je soye Garny de ce que demandez.

JOSEPH

Beau doulz sire, car nous vendez, Des très plus beaulz que vous aiez, Et vous en serez bien paiez En tel argent corn vous vourrez.

LE MERCIER

Dès or acheter en pourrez :

Ma marchandise vous desquéuvre.

Jà pourrez acheter bonne euvre :

J'en ay de magnières diverses.

J'ay soye rouge, Indes et Perses, J'ay soie noire, soies fines, Plus blanche que n'est fleur d'espines ; J'ay beaulz poil les seur argentez A feilles d'or par my plantez; Draps vers de soye à or bendez Et sy ay de plusieurs sendels, Soye vermeille et puis morée, Et ay soye qui est dorée; >

J'ay bougueren et estamines, J'ay bources faites de euvres fines, J'ay saintures et gibecières, Courroyes de maintes manières, Pourpres samis trcssiers et guindés, Voilles noirs et rouges et Indes, Coèffes à or bonnes et riches, Queuvrechiez, crêpez et afiches, Espingles d'argent sororées, Grosses couroyes d'argent dorées, Chapiaus apellez et couronnes Et pierres précieuses et bonnes, Noires et vers et rouges sarges, Couvertoers de sendal bien larges ; J'ai paille de divers ouvrages, Pourtrait sont à bestes sauvages

Qui samblent lion et liépart, Et en ay cncor d'aultre part, De riches, fais nouvellement, Qui sont pourtrait mesmeirient, De blanches et de rouges roses Qui sont parmi le drapt encloses ; Poilles roïez, couroyes à perles, Draps à papegauls et à merles.

A briefs paroles deviser Ne vous pourroye deviser Tout quanque j'ay de marchandise, Et ay .1. drapt que forment prise, .1. sydoine, mais il est vers.

Soies tout certains qu'il n'est vers Qui jà le puisse transpercier, Et sy ne sçay je pas mercier Qui miex de moy en soit asiez.

JOSEPH

Beau très doulz sire, or vous taisiez :

Ce sydoine j'acheteray.

Dictes moy que j'en paieray :

Ce corps y envellopperay Et de celle crois l'osteray Que j'ay tant Pilate proyé Que il m'a le corps octroie.

Or l'en vueil porter doulcement En .1. serqueu que proprement J ? ay fait faire pour le couchier ; Et vous dictes que ver touchier Ne puet à ce sydoine digne ?

DE NOTRE SEIGNEUR. 2*j3

Pour ce y mettray ce corps bénigne :

Benoist est et Benoist doit estre Car filz est au Père célestre.

A tort ly ont ce fait Juise :

De bon cuer ly faiz ce servise, Car il n'est nul qui bien le serve Qu'à .c. doubles ne le deserve.

Sire, or prenez de mon avoir, Car le sydoine vueil avoir Pour le prophecte ensevelir.

MERCIER

Joseph, moult me doit embellir La parole que m'avez dicte.

Le sydoine vous arez quitte :

Vostre est et vous l'emporterez, Ne jà deniers n'en paierez. Marchant sui qui en marchandise Ây tousjours m'estudie mise.

Le sydoine ly vueil donner , Bien le me puet guerredonner, J'en ay bonne dévocion.

JOSEPH

Ce n'est mie m'ergencion , Sire, que pour nyent je l'aye.

De la cherté point ne m'esmaye ; Vecy assez monnoye bonne.

^ MERCIER

Le sydoine quicte vous donne ; Allez, à Dieu je vous commande.

il 18

JOSEPH

Je pry à Dieu qu'il le vous rende Et qui vous vueille conforter.

Ce sydoine te fault porter, Nichodemus ; je le te baille.

NICHODEMUS.

Joseph, je vous dy bien sans faille Ce sydoine moult m'abellist :

Du corps tenir ay grant délit; La besoigne point ne m'anuie.

JOSEPH

Or en alon, Diex nous conduie.

Aujourd'uy beau don gaigné ay Que Pilate sy m'a donné :

C'est Jhesu que je vois despendre De celle crois sans plus attendre, Car je le voy moult tourmenté.

NICHODEMUS.

Joseph, se Diex me doint sancté Je ly vois le bras desclouer.

JOSEPH

Tu dis bien, je t'en doy louer :

Au pié de la crois demourray, Car recevoir je le vourray Quant je le verray jus venir.

NICHODEMUS.

Or entendez au sous tenir,

Car je voy bien que il se abesse.

JOSEPH

Seurement aler le lesse

Et vieng avant sy m'aideras, Et le sydôyne getteras Sus ly et puis l'enporteras, Et ou serqueu le coucehras En ce sydoine dignement.

NICHODEMUS.

Sire, à vostre commandement Je suy près et appareilliez.

De le servir suis esveilliez Et seray tant com je vivray.

> JOSEPH

Doulz père, vostre corps livré

Avez pour nous à grant tourment.

Contre vous ont mespris forment

Ly félon Juifz de put aire.

Quant ilz vous ont osé ce faire

Hz sont faulz et mal vais trahiste.

Doulz Dieu, j'ay pour vous le cuer triste;

Par grant tort vous ont mesheigné

Et sy ne l'avez pas gaigné.

Vous estes filz de Dieu le père

Et naquistes de Vierge mère.

Vous estiez Dieu plain de pitié

Et par vostre grant amitié

Qu'avez eu à vos amis

Que'Adam en enfer tous a mis ,

Avez voulu mort recevoir,

Ghascun puet bien apercevoir.

Quant Longis, qui ne voit goûte,

Vous ot la char du costé route,

376 LA MÉSION

Fort vous poigny, pas ne failly, Tant que vostre sang en sailly Sus ses mains; lors les aprocha De sez yeulz et les antoucha Du sang, par quoy r'ot sa véue Qu'il avoit longuement parti ue.

Longis, qui devant non voians Estoit, en fut lié et joians.

À celle heure que vous mouristes De l'angoisse que vous souffristes, Ciel et terre toute trambla.

Ce fut pour vous lors bien sambla Que definement déust estre.

Doulz Dieu, filz au Père celestre, En vous est toute m'espérance, En vous est trestoute puissance.

Mors ont les chiens envieux :

De cest oigne ment précieux Oindra y vos plaies sans faintise; Beau doulz père de bon servise, Tousjours mais vous vueil servir.

Or vueilliez que je déservir Vostre très-doulce amitié puisse , Par quoy avec vous je me truisse Quant départiray de ce monde»

mCHODEMUS*

Doulz Dieu de qui tout bien abonde , Vous dictes, ce sçay-je de voir, Que mort vous failloit recevoir ; Au tiers jour resusciteriés,

D'enfer les vostres getcriés.

Cy a moult grant humilité; Dieu père plaio de vérité , Car me vueilliez donner la grâce.

Que je puisse véoir vostre face.

Quant la mort me fera fenir.

GAIPHAS.

Malaquin, va sy fay venir.

Annes, dy-ly je le demande.

malquin.

Volentiers. Caïphas vous mande Qu'à ly tantost parler venez.

ANNES.

Malaquin, bon val le t seriez, Je vois puisqui l'a commandé.

Caïphas, vous m'avez mandé.

Je suis venu sans arrester.

caïphas.

Sire, tout ce lessez ester; Parlon vous et moy d'autre chose Que pour vérité dire je ose.

Fol est qui dit que soions sage :

Occis avons par grant oultrage.

Le prophète ; s'il resuscite De sa mort ne seron pas quitte Pour ce que l'avons justisé.

ANNES.

Qui dyable vous a avisé

De ce dire? estes-vous yvres?

Caïphas, gardez en vos livres

Où la vostre créance est mise.

Vostre loy point ne vous devise

Que nulz homs en vie rêve igné,

De quelque heure que mort le preingne;

Grant yvresse vous oy compter.

GAÎPHAS.

C'est voir, mais Dieu puet seurmonter

Toute chose et par droicture,

Dieu puet plus que ne fait nature.

S'il est filz-Dieu par vérité

Vous le verrez resuscité

Ainçois qu'il soit .111. jours entiers.

ANNES.

Je ne vous oy pas volentiers Ces malvaises paroles dire.

Vous estes maistre de l'empire - Et avez sy foie créance.

Bien sçay Dieu a toute puissance Et qu'il est sans commancement Ne jà n'ara de finement.

Quant Dieu voudra il nous touldra La vie, mais jà ne mourra :

C'est un homs que ayons tué.

caïphas.

Sire Anne, bien entendu é Ce que respondu vqus m'avez, Mais de vérité bien savëç Que .1. Dieu puet tout sans nulle some Et se met bien en guise de home.

Xantost que cest home tenismes

Jusques à la mort le batismes :

Sanglant fut devant et derrière.

Se Dieu est, aie est arrière En paradis en sa maison; Que ce ne fust pas sans raison Queainçois que la mort l'estendist Convint que la pierre fendist De son sang et en fut quassée, Et quant s'âme fut trespassée , Je via le temps noir et ennuble Et plain d'obscurité moult horrible Dont je fu moult espoventez.

ANNES,

Par foy, vous estes enchantez

Quant de ly point vous vous doublez, :

Lessez ester, sy me conptez.

Jhesu sy est de bons amis;

Joseph, ou sépulcre l'a mis.

Nulz n'y avons qui le gardege.

S'il avient chose qu'on l'emblege,

Ceste derrenière erreur seroit

Qui très-bien y regarderait

Plus malvaise que la première.

Or vous diray-je la manière

Comment nous nous encheviron.

A Pilate nous en yron

Vous et moy ceste chose dire.

CÀÏPHAS.

Alon, ne vous en quier desdire ; Je m'acort bien à celle chose.

28o LA p|ftgION

ANNES. /

Cil Dieu en qui mercy repose Gart Pilate qu'il ne ly veigne Chose de quoy son cucr se pleignc Com celly que devons amer ! *

PILATE

Diex qui fist la terre et la mer Vous vueille de tous rnaulz deffendre!

ANNES.

Pilate, vueilliez nous entendre :

Jhesu est ou sépulcre mis.

Nous avons plusieurs anemis Qui tous de sa mesgnie sont, Qui pour sa mort courroucié sont.

Il se pourraient bien asambler Pour le prophète a 1er embler.

Pour .c. marcs d'or n'el vourions :

Conseil lez^-nous se pourrions Avoir nully pour le garder.

PILATE

Seigneurs, vous n'avez que tarder.

Jfe lo que quérir envoiez Les chevaliers, et leur proiez Que à venir cy point ne tardent, Et que. le sépulcre bien gardent ; Bon est à faire à mon avis.

CAÏPHAS.

Se on l'emble ou s'il est jà vis Forment courroucié en serav.

Par Malaquin tost manderay