MARIA MAGDALAINE

En tout plain de lieus l'ont blecié Juifz par leur forcenerie.

Or alon en Pespicerie '

Oignemeirt pour ly oindre prendre.

MARIA JAGOBI.

Ma très-doulce conpaigne tendre, Je m'acort à vostre vouloir.

Juifz félon, Diex vous maudie ; Sa mort me fait toute douloir.

MARIA SALOMÉE.

Je rn'ottry, bien doulce Marie , A ce faire que dit avez.

Assez d'onneur de bien savez :

Pour Dieu bon oignement prenez.

MAGDALAINE

Mes conpaigneé, or en venez , Car quant chiez l'espicier serons , Tel oignement achèterons Se le trouvons qui bon sera.

En parlant à l'espicier.

Dieu qui le monde jugera, Sire, sy vous vueille garder.

l'espicier.

Et Dieu vous vueille regarder En pitié toutes .m. ensemble.

- Courrouciées estes, se me semble > Et sy me semblcz bonnes dames Toutes .m. et bien preudefames.

Je croy qu'au cuer avez mesaise :

Se j'ay nulle rien qui vous plaise, Dictes- le-moy; vous en arez Sy on marchié que vous vourrez Ne demander ne requérir.

MAGDEIAINE.

Nous venons tel chose quérir.

Dont je croy qu'avez à planté.

l'espicier.

Dame, se Diex me doint sanclé Ma marchandise deviser Vous vueil qui fait à priser; Et puis après sy en pourrez Acheter ce que vous vourrez.

4'ay poivre, gingenbre et canclle,

Poudre de saffran bien nouvelle , Nois muguettes , ponces garnates, Girofïle, citonal et dates, Garingal, folton, pénites, Cubèbes, rasis, nois confy tes ; J'ay gingenbrant et pignolat, J'ay trop bon sucre violât , J'ay grosse et grêle dragic De giroufïle et d'anis glagie , Poivre lonc, commin, reguelice, Amendes, ris et verdegrice ; J'ay gruel c'on n'a pas pillé, Colon batu, coton fille; J'ay sire jaune et sire vierge ,

J'ay du persin Massidoine ;

Je fineroye bien d'un siroine ;

J'ay bon candi t gros et brisé,

Et graine de paradis é ,

Sucre dur pour faire claré,

Gingembre blanc, confit paré ;

J'ay poudre pour bon pignement faire ,

Et ay séens bon laictuaire ;

J'ay poudre de sucre à cassons ,

Et alun plus cler que glassons \

J'ay encens gales baie noire

Que je achetây en ceste foire ,

Et ay de bon mugueliet

Qui en ceste boite c'y est;

J'ay blanc de flour et roige mine

DE NOTRE SEIGNEUR. 3o

Et aultre arque ne te fine ; J'ay vermeillon^ët tainturc Inde, Figues et raisin de Corinde ; J'ay yaue rose et oille d'olive Autant comme espicier qui vive ; J'ay Brésil, miel et errement, Et de quoy on fait oignement; Plusieurs herbes, bonnes espices, Car je me cognois bien en yces Qui sont sus ces sachiez escriptes.

Se rien voulez sv le me dictes :

J'ay encor moult de bonnes choses En ces .m. boestes qui sont closes.

C'est oignement moult précieux

Qui est moult bon et glorieulx

A plaies garir et blessure,

A gens malades et coupures ,

A desdouloir ceulz qui se deulent

Se bien oingdre le corps se veulicnt :

Fait est de mirre et d'aloé.

.1. oignement bon et loé,

Nul ne s'en oint gari ne soit

De quelque mehain que ce soit ;

Se cil vous plaist sy l'achetez.

MAGDELAINE

Sire, devant nous nous metez Ce trèfr-précieux oignement , Car c'est quanque je demant.

Trouvé avon ce que quérons : Vendez-le, sy l'emporterons

3o2 LA PASSION

Quan paie de l'argent serez.

l'espicier.

Dictes-moy que vous en ferez Et bon marchié vous en fera y.

MÀGDE LAINE.

Maintenant le vous compteray ; -- Quant de vous nous départirons Droit à ce monument yrons :

Sy oingderon de Jhesu le corps.

l'espicier.

Dame, par l'âme de ce corps, Se l'oignement voulez avoir Vous me donrez de vostre avoir De bons petis tournois ,xx. livres.

MAGDELAINE

Or faictes qui nous soit délivres :

Véez-vous ci l'argent tout compté.

L'oignement où a tant de bonté, Voulons avoir tout maintenant.

l'espicier.

Paie sui, bien est avenant

Que l'oignement vous soit livré,

Dame ; et tantost délivré

Sera, plus ne le retenray.

Ceste grosse boeste penray ;

Dame, vostre main me tendez :

Veci quanque vous atendez.

Je la vous baille, or la prenez ,

Et vous, dame, ceste tenez.

Elle est moult fine et moult bonne ,

DE NOTRE SEIGNEUR. 3o3

Tenez, je la vous abandonne.

Ceste cy, dame, vous arez; Bien sçay que bon gré m'en sarez.

Or allez à la sépulture Où Joseph a mis la figure De Jhé&ù, et vous confortez.

Je vous créant vous emportez Bon oignement et précieux.

M ÀG BEL AINE sus : Btata nobis gaudia.

Beau très-doulz père glorieux Qui tout povez et tout savez , Pour nous mourir voulu avfe:

Las! com ce mes me desront.