LA TAVERNIÈRE
Volentiers Tarez , c^est sanz guille.
Je vois querre la pinte plaine.
Çy voise quérir du vin , et puis die :
Tenez , buvez à bonne estraine Paisiblement.
LA FAME AU SERGENT
Vous buvrez tout premièrement., Commère ? vous estes l'ainée.
Aussy m'avez aportée La nouvelle premièrement De mon mary qui malement Est atourné ; j'en ay grant feste.
Je vouldroie qu'éust la teste Parmy brisiée.
LA FAME AU VILAIN
Buvez bien , commère prisée ; Que Dieu confonde nos maris!
Emplons de ce moult nos baris, Car il est fin.
LA FAME AU SERGENT
J'en empliray sy mon coffin , Que seray ivre bien le pensse.
Se mon mary me fait offense Ou veult estrivier de riens née Puis qu'il a brache brisiée , Contre terre le bouteray.
Jamais ne le deporteray , Se me gart Diex.
LA FAME AU VILAIN
Mon mary fuet en nos tortiex.
Oncques ne fu de moy amé.
Il vendra tout affamé, Mais ne m'en chault.
LA FAME AU SERGENT
Buvon se moult friant et chault.
Mal ait qui bien ne buivra?
Je croy que grant bien nous sera ; Quant je l'avale, j'en ay feste.
11 m'est jà monté en la teste:
A paine me puis soustenir, Et sy voy mon mary venir Tout droit dedans ceste taverne; Assez fièrement se gouverne ; Ne semble pas qu'ait bras quassé.
II ne semble pas trop lassé i Je sui perdue.
LA FAME. AU VILAIN
Aussy voi-je sanz atendue Le mien droit sy à nous venir.
Chaude fièvre le puist tenir L Il m'a mult bien aparcéue.
Je croy que je seray batue :.
Il vient des chans.
LE vilain.
Par foy, je suis bien meschéans !
Aulx chans me tue chacun jour Et ma famé prent son séjour Es tavernes , c'est chose voire.-.
Je la voy là en présent boire.
Le fort moult mez s'el n'est latrée , Riens ne vaiL Hé! gloute prouvée, Il te convient mon poing sentir.
Cy bâte sa famé.
Je pourroie consentir ta lécherie (sic).
LA FAME AU VILAIN
Lasse! je suis toute estourdie Et afolée.
LE SERGENT
Famé , qui t'a sy amenée ?
Voir de toy sui petit prisié.
Combien qu'aie le bras brisié
En f râpant et en li ostant sa coiffe.
S'aras-tu de moi se merel.
N'i ara coife ne boutel , Que ne despiesse.
LA FAME AU SERGENT
Sa, commère 5 qui vous meschesse?
Quant vous m'avez çy amenée Je n'a voie mie penssée Que mon mary me péust batre.
II me convient à vous combatre :
Au tel qui m'a fait vous feray ; Car a mez mains vous pigneray Vos nerfz cheveux.
LA FAME AU VILAIN
Foy que je doy tous mes neveux !
La bonté vous sera rendue.
Par terre serez abatue
Se le puis faire.
LA FAME AU SERGENT
Doulce commère débonnaire ,
Apaisons-nous et sens sera.
Mal ait qui plus estrivera,
Et chantons com desconfortées.
Mauvaises coiffes dessirées
Avons par lez mous.
