H A PE LOPIN

Ce sont, ce croy, sages Bretons Qui font illec leur &quehàn.

HUMEBROUET.

Foy que doy mon Dieu Tervagan , Je croy qu'ils euvrent de maiz art.

MENJUMATIN, à S. Pierre.

Or suz , or sus, sanglant vieillart Qui topez illec vostre escole !

Mez regardez quel apostole !

DE S. PIERRE ET DBS. p\UL.

7ÏJ

Il est tondu comme .1. fol.

mâubué. +, $j&&

Levez sus aussi, maistre Pol> Qui estes sy enlengagié. *

Vous estes fol ou enragié, Foy que je doy Mars et Vé

Seigneurs, vous soyez bien venus:

Jhésucrist vous gart de mal faire !

Le dyable ait part en cest affaire :

Getuy-cy veult jà sermonner.

s. PIERRE.

Seigneurs , Jhésucrist pardonner Vous vueille trestous voz méfiais!

RIFFLARS.

Hen! Pierre, je soye défiais

Se vous n'avez .1. tien s$ns moufïle.

v) En ie frapant.

Mais regardez de cest escouffle Comme il nous veùlt prendre à ses griz.

M asquebignet , en le férant.

Il convient qu'il soit amesgriz :

Il a trop grâce la f entraille.

LES AUTRES, en férant.

Passez avant, passez, merdaille.

Lors les mainnent à Néron.

MASQUEBIGNET. ^

Vive Pemperière Nérons , '

Les sénateurs et les barons !

Véey les .11. grans ruffiens , Capitaines des chrestiens.

Faites leur véoir dedans la pance Quel foy, quel loy, quelle créance Hz mâi^pnent , et quel estât!

Tu es Pierre ly apostat Qui fortrais ceulz que nous amon , Qui nostre amy , maistre Symon, As &it mourir de maise mort , Et qui nous fais d'un home mort, D'un pendu en Crois .1. Dieu sains.

Sans l'auctorité des Rommains Tu sépares les mariages , Tu fais merveilles, tu fais rages, Tu es tout plain de maléfices.

Sy fault faire de toy justice; Raison, les drois, les loys le veulent.

s. PIERRE.

Raison , ne drois ne loys ne veulent Que ceulz qui tenir vérité seulent , En cuer , en bouche , en meurs , en vie, Aient ne mal ne vilenie ; Mais ceulz qui aiment fausseté Doivent avoir meschanceté , Gomme Symon, vostre enchanteur, Faulz , renoié et fol vanteur , Qui Dieu tout puissans se fesoit , Qui es cieulx voloit, ce disoit ,

DE S. PIERRE ET DE S. PAUL. 8l

Mais non fesoit ; pour voir estoient Dyables d'enfer qui le portaient Qui malgré eulz cheoir le lessèrent Tout vif, et les os ly froissèrent Quant il pleust à Dieu qui tout puet, Qui tout gouverne, qui tout muet , Qui n'eut oncques commencement Ne jà n'ara définement.

Bien est voir qu'en temps et en lieu Par sa grant doulceur , le vray Dieu Pour sauver home devint homme, Et en la crois laide et honteuse Souffrit mort dure et engoisseuse Toute vois bonne et profitable.

NÉRON

Tès-toy, vilain, ce n'est que fable.

Et toy, Pol , que vas-tu lisant?

s. POL.

Sire, je vois tout ce disant

Que saint Père a cy récité ,

Et sy dy que l'auctorité

Des Rommains n'est point nécessaire

Pour auctoriser ne pour faire

Appreuvement que Jhésucrist

Soit Dieu , car il est et tout fist \ .

Vueilliez ou non , et nous et vous

Le devons servir à genous,

Sur tout amer et obéir ,

Et pour ly en fuiant héir

Parens et amis quelz qu'ilz soient

Qui de ly servir nous retraient.

11 nous a et fait et refait Et pour nostre fait fut deffait; Il mourut home et remaint Diex.

Or règne et home et Dieu es cielx Qui tous nous resuscitera Et tout au siens se donnera En joyeuse fructition , Quant metra à destruction Tout le monde par feu ardant.

NÉRON

Pol , bien nous vas enquocardant.

Ton Dieu fera-il les mors revivre?

Pol , tu es fol ou tu es yvre.

Par nos Diex , Pol, tu y mourras.

Sy verrons lors se tu pourras Revivre et ester sus tes piez.

s. POL.

Tu nous verras, joyeulz et liez Après la mort , tirant Néron , Tous .11. en vie, etparleron Tout platement à ton visage.

NÉRON

Ostez-moy ce fol; il enrage.

Gardez sus Pueii que plus ne vive :

Par sentence diffinitive Ardez-moi tous ces christicoles , Fors ces .11. grans maistres d'escole Les quelz faites prendre et lier; Et sy faictes crucifier

Ce pescheur qui est .1. vilain.

A Pol , qui est noble Rommain Me faictes la teste couper.

AGRIPPE

Par ma teste , ains qu'il soit souper Sera fait, Sire, ce que dites.

Avant prenez ces .11. hermites; Roulliez, ferez , frapez, liez , Ce bertondu crucifiez , El à ce Pol coupez le col.

En férant.

MASQUEBIGNET, HAPELOPIN.

Passez ça; passez, maistre Pol , Venez lire de nigromence.

humebrouet , en férant.

Avance-toy , pescheur , avance.

Va pescher enmy celle vigne,

menjumatiis , en ly monstrant une corde.

Delivre-toy, vecy ta ligne.

s. pol , à S. Pierre , au départir. , Adieu, saint Père, dpulz pasteur, Des ouailles nostre Seigneur, De sainte Église fondement!

s. pierre , à S. Pol.

Adieu , frère Pol , vraV docteur , Noble et certain prédicateur De la voye de sauvement !

s. pol , passant par devant Pautille , die • Suer, preste-moy ton cuevrechief ,

Pour bander les yeux de mon chief.

Jà assez tost le te rendray.

pautille , en ly bâillant.

Sire Pol , je le vous baudray , Et fu meillieur à bonne chière.

MASQUEB1GNET.

Sanglante passion te fière , Meschante famé! Que fez-tu?

Il n'a pas vaillant i. festu; De quoy te rendra-il ton drapel?

HAPELOPIN.

Elle a perdu, c'est sans rapel, Nous devons avoir la drapaille (i).

HUMEBRÔUET, MENJUMATW.

Il est nostre , vaille que vaille.