TITUS

Lucas , je voy sergens venir.

LUCAS

C'est pour nous prendre et détenir; Fuions-nous-en ysnelle pas.

RIFFLARS.

Seigneurs , pour Dieu ne fuiez pas.

La vostre créance est la nostre :

Nous venons cy de par l'apostre Qui nous dist hier se huy venions Ycy que nous trouverions Qui la foy nous enseigneroit Et baptesme nous donneroit.

Sy vous plaise à nous baptisier.

LUCAS

Celui qui tant nous voult prisier Que pour nous tant se desprisa Que mort soustinl., par quoy prisa