II
SARTAN.
Jupiter, qui tost secourir Povez, car me faites secours.
Maintenant, pour honneur de vous, Veul-je mettre toute ma cure A deffacier ceste escripture.
Cy face semblant de deffacier, et die, en soy désesi»ci'ant Et qui pot faire tel ouvrage?
A pou que de despit n'enrage Quant ces lettres ne puis despecier, Ne planier, ne lez effacier; Ne say comment iez puisse deffaire.
CÉSAR
Ça, voz coustei , lessiez-moy faire; Certes, je lez despeceray, Ne jà letre n'y lesseray.
Jupiter, de vous ay grant yre Quant ne puis cez letres destruire :
S'en suis courrouciez malement.
LÉGIER, messagier.
J'ay tant erré certainement Que je suis venuz de bonne heure Ou lieu où Marie demeure Qui tant est débonnaire et sage.
Je ly vueil dire mon mesage :
Marie, Dieu sy vous doint joie.
Nostre évesque à vous m'envoie Qui vous fait .1. commendemenl Que vous ne lessiez nullement Que tantost à luy ne soiez 5
DE N. S. JR.SUS-CHP.IST. 35
Pour ce su}^ à vous envoiez.
Adieu, je m'en vois autre part.
NOSTRE-DAME
Alez donc à Dieu qui vous gart Et vous defiendc de contraire.
Vers l'cvesque je me vueil traire; La longue attente riens n'y vault.
Cy voise à l'évesque et die :
Sire, qui tout puet vous saut Et veulle croître vostre honnour!
l'évesque.
Marie, Dieu vous doinl benoist jour!
Entendez cy, ma doulce amie :
Dieu vuelt que je vous marie ; Il ne vous doit mie desplaire,
NOSTRE-DAME
Sire, je suis preste de faire Le doulz commendemeiil de Dieu Que c'est raison en touz lieu; A luy touzjours obairay.
LE MESAGIER.
Pour certain plus avant n'iray.
Je ne me veul plus détrier ; En ce quarrefour veul crier Le commendement de mon sire.
Or entendez que je veul dire :
Le grant cvesque de la loy A tous et à chascun par soy Vous mande par letre patente Que devant luy, sanz faire ateiite,
Soiez au temple à droite heure; Ne viel ne joene n'y demeure Qui n'ait une verge en sa main.
L'évesque sy fera demain Au plaisir de Dieu mariage De Marie, qui tant est sage, Fille Joachin le séné , Car ainssv l'a Diex ordené ; Or y soiez sanz point de faulte.
LE PREMIER BACHELER.
J'ay oy crier nouvelle liaulte , Meillour n'oy crier nul temps.
Par ma foy pas ne m'y atens Que la pucelle doie avoir , Mais toustevoies g'iray savoir Qu'il en sera.
LE SECOND BACHELER.
Ne say que l'évesque fera.
Diex ly envoi t bon mariage ; Elle est belle, courtoise et sage Sur toutez autres à merveille ; Je ne viz oncques sa pareille , Et sv est de bon parenté.
LE TIERS BACHELER.
Qu'en lust-il à ma volenté ; Certez à qui qu'il en despleust Autre que moy pas ne l'eust, N'est pucelle qui la resemble.
Alons-nous-en treslousensamble , Sy orrons l'évesque parler.
DE N. S. JÉSUS-CHRlST. ^'J
Avec lez autrez vueil aler Au temple regarder l'afairc Du mariage que doit faire Nostre évesque de la pucellc (^ui tant est gracieuse et belle; G'iray bellement sanz courir.
Se Diex me puisse secourir Au temple monteray à paine.
LE MESAGIËR.
Mon chier Seigneur^ je vous amaine Tant de gens et groz et menuz; Trestous sont volentiers venuz A vous quant mandé lez avez.
l'évesque.
Ça, beaus seigneurs, vous ne savez Pourquoy vous ay envoie querre Et asamblez en ceste terre/ Pour ce le vous vueil faire entendre ; Marie me faut sanz attendre Marier par ceste ordonnance.
Que vous, qui estez en présence, Prengne une vefge sanz verdure, Et priez Dieu d'entente pure :
En quelle main elle florira , Soit jeune ou viez, Marie ara, S'en est la somme.
JOSEPH
Onque mais nul jour sy fol homme Ne fut, ce croy , comme je suy ,
38 Là NATfVITl':
De comparoir en ce lieu-cy Avec ceulz qui sont cy venuz.
Touz sont jeunes, je suis chenuz ; De moy se devroient bien moquiei Et moy appeiler dam Riquier : Honteux suy d'y estre venu.
LE MESAGIER.
Regardez ce villain chenu ; Tout pour certain l'en luy donra Marie, qui miex ne pourra ; Il en puet bien estre asseur :
.XX. ans a qu'il est tout meur Et qui commança à florir.
Il atent trop à sov mourir, C'est grant domaige.
l'évesque.
Compaing, tu ne dis pas que saige :
De l'omme ancien escharnii-, Nul bien ne t'en pourroit venir.
Or ça, seigneurs, sanz plus atendre, Ghascun veuille sa verge prendre En faisant à Dieu oroison.
TOUZ ensamble.
Volentiers, sire, le fèrou.
Que Dieu nous puisse secourir !
le MESAGIER.
Se ceste verge puet flourir Où il n'a de verdure point, Mariez serez bien à point, L'évesque sy le vous uciroie.
Mcz n'en estes pas à .11. doie Que la piicelle à vous atouche ; Vous n'avez mais dens en la bouche :
Elle arait beau mary en vous !
l'évesque.
Mettons- nous trestous à genous Et requérons dcvotcnnent Dieu , qui créa le firmamenl , Sy luy plaist nous face savoir Qui la pucelle d(jit avoir, Et, par sa trez-saintime grâce, Ly plaise envoier sanz espace En présent sanz aucun démour De sez sains ciex la digne flour A celui qui mary doit estre A la pucelle. Ptoy célestre, Car bien en avez le povoir.
Gy face pose et puis die :
Je voy la merveille apparoir, Car je voy la verge florie A Joseph ; il aura Marie.
Joseph , Diex veult que vous l'aiez :
Jà de ce nevous esmaiez, Vous, puisque Dieu le veult.
JOSEPH
Puisqu'autrement estre ne puet , Sire, je ne la refuse mie :
De moy sera adez servie.
Quant Dieu le veult je la prendray Et à luy gardei' entendray ,
4o LA NATIVITÉ
Ne de moy ne sera atouchie Quant avec moy sera couchie.
J'ay touzjours vescu en chasteté , Gardé mon corps en toute netteté, Ne jamès ne cuidoie avoir famé.
l'évesque.
Marie, gracieuse Dame, Entendez çà, parlez à moy ; Mary vous doing selonc la loy , Joseph et je vous (Joing Marie.
Eli baillant lez mains.
NOSTRE-DAME
Sire, je ne le refuse mie :
Quant Diex le veult je le vueil bien.
l'évesque.
Tout est bien fait, il n'en finit rien , Le mariage est accomplis , Ghascun s'en aille en son païs.
Dam Joseph , Marie prenez Par la main et sy Fenmenez En vostre hostel sans faire arrest.
JOSEPH
Volentiers, sire , je suis tout prest ; Alons-nous-en , ma doulce amie.
nostre-dâme.
Joseph , doulz frère , je vous prie Que vous me lessiez demorer En ce temple por Dieu aourer, Et alez querre nostre lignage Por savoir nostre mariage :
Dli N. S. JÉSUS-CHUIST. 4 '
Les iiopccs nous con vendra faire.
JOSEPH
Douice compaigne débonnaire Jà de riens ne sciez en double; Vostre volenté feray toute :
Je voiz quérir nostre lignage.
Or vous maintenez comme sage En Dieu servant.
NOSTIŒ-DÂME.
Josepli ,' sire ; à Dieu vous comment Qui vous remaint sain et hétié.
LE PREMIER BACHELER.
Beaux seigneurs , véez cy grant pitié.
Diex a fait à Joseph grant grâce ; Tout maintenant en cestc place Sa verge porte Heur vermeille!
LE SECOND
Onques ne vy sy grant merveille.
Au dire voir c'est noble chose, Et pour tant certain je suppose Que c'est grâce et euvre de Dieu.
LE TIERS
Seigneurs, oncques mez en nul lieu Je ne vy telles merveilles j Oncques homs ne vit lez pareilles D'un bâton sec qui est (loris.
LE PREMIER
Ralons-Dous en nos pais, Oar vcv ne laisons-nous rien
De nostre preu, je le sçay bien.
l'emperière césar.
Jupiter, j'ay le cuer doulant Quant tout ne va à mon talant; Et de ce que vous ay lesdengié, Et que vous verray trabuchié.
Maistre Sartan , conseilliez-moy , Car trop a mon cuer d'ennoy.
Dites, comment esire pourroit Que Vierge mère enfanteroit: .
Telle chose estre ne ptiet mie ; Jà ne croirrayjour de ma vie.
Sartan, comment pourray defFaire Cest escrip qui tant doit desplaire?
Conseilliez-moy que j'en feray.
SARTAN.
Emperière , je vous diray Conseil Irez-bon je vous donrroie, Ce voz mal talent n'en avoie, Et qui ne vous deust desplaire Dez lelres c'on ne puet delfaire; Mez je redoubte vos cruauté.
l'emperière.
Sartan , dessus ma léauté Vous jur que mal ne vous feray , Ne pis pour ce ne vous voudray :
Ditez ce que vous en savez.
SARTAN.
Sire, ne say s'apris l'avez:
Nous trouvons en nos cscriplures,
Qui moult nous sont aspres et dures,
Dez sains prophètes anciens
Qui furent homes terriens
Et devisèrent moult de choses,
Et exposèrent en leur gloses,
Dont nous trouvons en Ysaïe,
Qui disoit en sa prophécie :
JScce P^h^go concipiet
Atque filiuin pariet.
Véez-cy, la Vierge concevra
. I. filz et sy le pourtera ,
Celuy sara le bien eslire,
Et le bien du mal contredire.
Enmanuel nommé sera ,
Lez bonz et mauvaiz jugera.
En .1. autre lieu est escript,
Et ne le tenez pas en despit ,
Que de l'arbre Jessé vendra
Une verge qui florira;
Et sy nous dist aussy Sébile,
Qui fut royne de Sezile,
Que uns honis nestroit d'une famme
Sanz corrupcion de diffamme.
Balaham aussy prophétiza
Quant son asne à luy parla ,
Que une estoille ystroit de Jacob.
Ce devroit estre à ce cob
Que Vierge mère enfantera,
Et cest ym.ige trabuchera ;
Et sur ce le povons bien prendre.
l'emperière.
Sartan, or vous vueil deffendre Que ne lez lisiez à nul homme ; Morir vous feroie, c'est la somme.
Gest example , soiez certain, Sy est doumagable et vil lai n Pour nous et pour nostre lov.
J'en ay en mon cuer grant esnov.
Ha, Jupiter! Dieu souverain , Qui tout avez en vostre main , Vueilliez monstrer vostre puissance.
SARTAN.
Sire , je tien à grant offence Vostre gémir et vostre plaindre; il convient cez lefres remaindre, Je le vous dy certainement , Puisqui ne puet estre autrement.
YSAiEj prophète d'enfer.
Vray Dieu puissant et roy célestre, Cy nous lessiez longuement estre ; Nous souffrons cv tant de douiour!
Entens, sy te plaist, ma clamoui- Et nous ostez de ceste paine.
DANIEL , prophète.
Grier devons à haulte alaine De la douiour que nous sentons :
Ha , roy Jliésus, toy demandons.
Dessens tost , sy nous vien hors traire.
BELGIBUZ.
Jh pour vosire crier ne hraire
DE N. S. JÉSUS-CIIRIST. /\5
N'istrez cncor de noz prisons ; Vous y serez longues saisons Pour réparer la forfaiture Que Adam fist en la morsseurc En la pomme que il menga.
Eve de lui bien se venga Comme conseillic luy avoie.
Elle ensny tantost la voie De faire mon commendemenl. Ainssy pluseurs communément S'aclina bientost envers moy , Et sy déçut autry que soy.
Fay, Bélias, fay bon feu de là , .
Et j'en feray aussy de sa.
Nous en venrons trop bien à chief Et leur ferons assez meschief Avant que soient eschapez.
BÉLIÀS,
Il sont ore bien atrapez Geulz que teno!is en noz prisons; De crapaux aront venoisons , Rost de serpens et de couleuvres.
On lez sert touz selonc leurs euvres ; Puis entremez d'escorpions, De chesnes ardens lez lions; Ainssv servons-nous noz subgiez.
VSME.
Hé, vrai Dieu, sommes-nous jugié A touzjours sanz rédempcion ?
Accomplissiez , nous vous prion ,
LA NATIVITE
Car forment sommes engaigié.
BELGIBUZ ,
Je cr'oy que cilz sont enragié, Qui tant braient ore forment.
BÉLIAS.
Belgibnz, ii ont sentement De ce que Diex leur a prorais, Et pour ce le te diz, amis ,. Une vierge est mariée ■ Que Dieu a partant honnourée Par laquelle au monde vendra.
Vierge devant , après sera , Et sy sera de tel regnon Que qui réclamera son nom Ne pourra faire tant de mal.
Soit véniel ou criminal, Soit par promesse ou par don , Que ne ly face vray pardon Qui se voudra à elle offrir.
BELGIBLZ.
Faisons-leur assez mal souffrir Tendis que nous les tenons , Puisqu'ainssy perdre lez devons ; Par Eve lez avoie conquis, Et par paine el labour aquis.
DIEU
Gabriel, vien çà, douz amis; Je vueil que tu soiez commis.
Ma promesse vueil acomplir Certainement sanz défaillir,
DL N. S. JESUS- CIIRIST
Et cez prophètes que j'o là
Crier en enfer lonc temps a ,
Je ne puis plus leur cry souffrir.
Mez cielx me convient aourir
Et pour eulz devanciray homme;
Mort souffreray.poiir celle pomme
Qu'Adam manga; ce fut mal fait :
Sy fault que par moi soit refait.
En Nazareth tu t'en yras,
Marie ou temple trouveras,
A qui tu diras de par moy
Que je voudray naistre de soy,
En luy voudray char et sanc prendre;
Je ne puis en meilleur descendre.
Avant que je feisse le monde
La prédestinai-ge sy monde
Que pour moy on ne pourroit miex;
De luy naistray et homs et Dicx.
Je luy seray et filz et père;
Elle est ma fille et sy est ma mère.
Vierge avant et aprez sera,
Ne jà son corps n'enpirera.
En luy prendray humaine vie ;
De moy sera touzjours servie
Et touz humains racheteray ,
Et gloire et joie leur donrray
Va-t-an bientôt sanz faire arrest
GABRIEL
Sire , g'i vois et suis tout prest.
A la vierge digne et loial
Qui n'ia pas le cuer desloia! ,
Je voiz tantost sanz riens doloir .
Et feray tout vostre vouloir.
Cy voise à Nostre-Dame , et die à genoux : ylve Maria gratiâ plena.
Marie, Dieu te sault, Marie.
NOSTRE-DAME
Ha, mon clouz Gréatour, vostre aïe!
Onques mais ne viz tel clarté.
GABRIEL
N'aiez le cuer espoventé , Envers Dieu as grâce trouvée ; Par toi est joie recouvrée Qui par Evain estoit perdue.
N'aiez paour de ma venue, Marie , en trestout bien encline.
Voy Élizabeth, la cousine, Qui estoit brehaigne clamée ; Nostre Sire l'a tant amée, Et sy bien y a proveu , .VI. mois a qu'elle a conceu.
Marie Vierge , yceluy Diex , Qui créa la terre et lez ciex, De sa grâoe t'a remplie, De ses angles seras servie.
Cv muray le nom Eve En tov disrml lez douz ave.
Diex te mende qui est ton père , Qu'il est ton filz et lu sa mère ; En tov il prendra char humaine
DE N. S. JÉSUS-CHRIST. /^g
Pour ccz amis oster de paine ; .1. tel entant tu concevras Dont à ton cuer grant joie auras :
D'Adam vuelt paier le forfait.
iNOSTRE-DAME.
Angles, comment sera-ce fait?
Oncques n'eu d'omme atouchement.
J'ay touzjours vescu chastement ; Dy-moy comment estre pouroit Que vierge mère enfanleroit ?
N'en plus ne pouroit avenir Que en ce pot peust florir Une verge , ce seroit fort.
GABRIEL
Marie, n'aiez desconforl, Mais soiez certaine et seure Tu demoras et saine et pure, Et vierge ton corps demorra ; De riens qui soit n'enpirera , Mais tout ainssy com la verrière Du soleil qui demeure entière Quant son ray par my oultre passe Qui ne la brise ne ne quasse , Ainssy demoura ton corps sains.
Du lait dez ciex est ton sain plains , Marie, de quoy sera norris Et aletez le doulz Jhesucris; Car en toy prendra forme d'omme Ly Roys des roys, ce est la somme ; Tu es sa mère, il est ton (iex ;
5o LA NATIVITÉ
De toy naistra et homs et Diex.
Dieu fu avant par déité , Homs sera par humanité.
Adonc se mettra en toy Et abatra la maise loy ; Nulle rien impossible n'est A Dieu sy tost com il li plaist :
En toy vendra le Saint-espéris.
NOSTRE-DAME
Ainssy soit fait com tu me dis :
Diex en qui est toute bonté , De moy face sa volenté ; Car je vois la verge florie.
Diex, qui sur touz as seignorie, Mon Créatour, je suis t'encelle , Je suis ta serve , je suis celle , Preste suis de toy recevoir.
GABRIEL
Marie , plus cy remanoir
Ne puis , je m'en revois es ciex.
NOSTRE-DAME
A vous me rens , gloriex Diex , A faire vostre volenté.
Dez biens me faites à plenté , Mon cuer savez certainement, Et mon désir entièrement.
Faites de moy tout voz plaisir , En vous amer est mon désir.
Cy descende .i coiiloin qui soit fait par bonne manière.
DE N. S. JÉSUS-GimiST. 5l
LE MESAGIER.
Cy ne fais rien certainement, Aler m'en vueil isnellement; Homs oiseux ne vault une pomme.
Je m'en yray tout droit h Romme.
L'évesque n'a de moy que faire, Vers l'emperiére me vueil trair.
Bien say s'il me veult retenir Moult grant profit m'en puet venir, Meillieur ne puis aler quérant Et je suis légier et courant, Aler y veuil sanz plus atendre ; A celle fin vueil-je entendre.
JOSEPH
Gériez durement suis lassez, Car j'ay souffert paine assez Et ay longuement séjourné; Or suis, Diex mercy, retourné ; A paines me puis soustenir ; Hasté me suis de revenir.
Marie, belle trez-doulce amie, Pour Dieu ne vous desplaise mie De ce que j'ay tant demouré.
NOSTRE-DAME
Louez soit Dieu et aouré !
Je vous désiroic forment Bien veniez certainement.
Estez vous sain et bien haitié ?
De voz travail ay grant pilié.
Comment le fait noz parenté?
JOSEPH
J'avoie trez grant volenlé De retourner, ma mie chiére. Nos amiz font touz bonne chière.
Ghascun d'eulz ne se feint mie De vous saluer ; doulce amie, Grant désir ont de vous véoir.
NOSTRE-DAME
Venez vous delez raoy seoir Se il vous plest, et il est raison ; Vous avez par longue saison Demoré hors sanz revenir; Joseph , bien puissiez vous Avenir !
Cy viegne le mesagier à l'emperière et die
LE MESAGIER.
Empereur, Dieu vous parface Et vous doint s'amour et sa grâce En exaussant vostre empire!
l'emperière.
Ça, beaus compains, que veulz-lu dire?
Mesagier ez de bel a faire.
le mesagier.
Vers vous, sire, me vieng retraire. ■ ' En Nazareth me suis tenuz
Par moult grant espasse de temps;
Or, est venu en mon pourpens, S'il estoit à vostre plaisir De vous servir ay grant désir , Sv vous reqiiier que a vous soie.
de n. s. jésus-christ. 53
l'emperière.
Beau sire, je le vous octroie \ Comment avez à nom ? dictez le moy.
LE MESAGIER.
Legier ay nom , sire , par foy ; Ainssy m'apel-t-on certainement.
l'emperière.
Legier semblez-vous vrayment ; Je vous retien, mon mesagier.
Maistre Sartan, sanz plus targier, Envoiez-le où vous savez.
SARTAN.
Legier, ne say s'apris l'avez , Il convient que tantost errant En Bethléem , alez courant Crier par toute la contrée Que chascun sanz laire arrestée Viegne à César sanz délaier Pour sa distribucion paier A quov il sont trestouz tenuz.
LE MESAGIER.
Tantost je seray revenuz
Et feray voz commandement.
SARTAN .
Va-t-an bien tost legièrement Et met en sauf ceste monnoic
LE MESAGIER.
Maistre Sartan^ Dieux vous doint joie!
Je n'ay que de courir talant, Boire me lauldra en alant.
JOSEPH
Vrais Diex, que mes cuers est plains Et de douleur est mon cuer tains, Et que trez forment, il m'esnoie!
Gertez , estre mort je vouldroie Que trop laidement suis deceu.
NOSTRE-DAME
Joseph , qu'avez vous appei'ceu , Qui démenez tel marrement?
Je vous voiz penssis malement ; Avez chose qui vous ennoie.
JOSEPH
Certes, bien mourir je vouldroie, Que j'ai le cuer abosme et triste.
NOSTRE-DAME
Quel chose vous a esté dicte , Trez-doulz frère ? dictez le moy.
JOSEPH
Il est escript en nostre loy Que famé prise en advoultire Son corps est livré à martire:
Tantost est arce et lapidée ; Y ceste loy est en Judée, Or , voy-je bien qu'ainssy mourrez :
Excuser ne vous en pourrez.
Vous estez grosse, bien le voy ; Pas ne direz que c'est de moy , Et puisqu'ainssv estez ensainte, Convaincue estez et atainte.
En ce pais n'a haulte dame,
S'il luy avcnoil tel diframme, Qui ne fust errant lapidée.
Quant on sara la renommée Que n'estez pas grosse de moy , Arse serez, ce poise moy.
L'évesque m'avoit enchargié Que voz corps ne fust empirié, Or, avez-vous trestout gasté Et perdue vostre chaste ; Ensainte estez de vif enfant:
En voz flans le voy remuant.
L'en vous faisoit et necte et pure , Mais or voy lever voz sainture , Et combien que soiez deffaite Ne pourroie véoir que deffaite Fussiez, et pour tant m'enfuiray, En longtain païs m'en yi'ay, Et sy ne say quelle partie.
Diex sy a pure départie, Je m'en voiz, vous demorez lasse, A grant douleur vous serez arse ; Se poise moy ne vous puis aidier.
NOSTRE-DAME , à genous.
Vrais Diex qui me feistes nuncier Par l'angle et dire le salu Qui me vauldra le mien salu , Vous reposez dedans mon corps Tant que bien appert par dehors Onques n'en senty nulle paine, Mais dcmourrav entière et saine,
Et sy say bien certainement
Que je vous sens pesiblement
En mcz (lancs. Vrais fîlz et vrais père.
Confortez voz fille et voz mère,
Et ce preudomme qui s'en fuit,
Envoiez luy vray conduit,
Et luy donnez sy bon confort
Par quoy il reviegne à droit port ;
Vray Dieu, à vous me suis donnée.
DIEU LE PÈRE
Gabriel, va sanz demorée A Joseph ; de par moy li dis Qui ne s'en voit point hors du pais Pour Marie, c'elle est ensainte.
Car elle est Vierge, pure et sainte :
Du Saint-Esperit est toute plaine ; D'elle, naistra mon filz sanz paine, Jà son corps n'en empirera ; Vierge devant, aprez sera.
Il fait que fol de s'en fouir, Mèz il se deult bien resjoir Et tenir bonne compaignie.
GABRIEL
Sire, g'i vois, n'en doubtez mie, Faire vueil voz commandement, Trez doulz père du firmament.
JOSEPH
Vray Dieu, vray père omnipotens, Je suis au cuer triste et dolens, Quant de IMarie me souvient
Et ainssy aler m'en convient.
Vray Dieu, pour quoy avez souffert Que Marie la vie pert, Et qu'elle a fait sy grant oultragc Qu'elle a brisée son mariage.
Or, convient-il que je la lesse ; Jamez nul jour je n'aray léesse.
Or, suvs-je certain sur mon âme Qu'il est fol qui se fie en fomme.
Doulz Diex, cnvoiez li contort!
GABRIEL
Joseph, pren en toy reconfort, Ne te vueille desconforter.
Nouvelles te viens apourter, Et angles suis qui viens à toy.
Dieu dez ciex te mende |)ar moy, Que tantost tu ne lessez mie Que ne ristournes à Marie, Et gardez bien que à nul fuer Tu n'aiez couroux à ton cuer.
Diex l'a de sa grâce inspirée Dont elle n'est point empirée, Car elle conçut dignement Et sanz charnel atouchement.
Son fruit le mont rachètera, De douleur le délivrera ; Retourne tosl sanz contredire.
JOSEPH
J'obaïray à nostre sire, Avec M;u'ic me tendrav
E diligamment garderay, Puisque l'angle ainssy m'a dit Qu'ensainte est du Saint Esperit.
LE MESÂGIER.
Je veuii cy crier haultement
Et faire le commandement
De Césaire qui m'a commis
L'emperière, et m'a transmis
A crier cy à haulte voix :
Oez, seigneurs, oez, oez,
De par l'emperière de Roinme
Et le graigneur de touz lez hommes,
Que portez voz distribucions
Chascun ou temple, c'est raisons,
En la cité de Bethléem
Assez prez de Jhérusalem ;
Alez y sanz arrestoison
Dedans .m. jours, que c'est Faison.
Sachiez qui ne l'y pourtera
A l'emperière tort fera ;
Or, y alez hastivement,
Que c'est raison certainement.
JOSEPH
Vers vous reviens, ma doulce amie, Pour Dieu ne vous desplaise mie Que certez vous ay mespris.
NOSTRE-DAME
Loé soit le doulz Jhesucris Qui ainssy vous a visité !
Sien avez-vous touzjours esté ;
De vostre retour suis bien aise.
JOSEPH
Pour Dieu, m'amie, ne vous desplaisc Du blasme que je vous ay dit. Point ne le tenez en despit :
Mercy vous en ay humblement , Car je sçay bien certainement Que vous estez et nete et pure Sanz nul péché, sanz nul ordure, Et sy portez entre voz flanz Le roy qui partout est puissans.
Or, vous ay folement mescreu Que d'autre vous eussiez conceu ; Trez doulce amie, non avez, Je le sçay et vous le savez :
Mercy vous cry doulce Marie.
NOSTRE DAME
Joseph ne vous courrouciez mie ; Pardon vous fais certainement.
Loé en soit Diex haultement De quoy vous estez revenu ; Or, sachiez que Diex l'a volu.
Sy voiz visiter ma cousine Elizabeth qui est moult digne, Qui est ensainte vrayement D'un saint enfant certainement, Car le saint angle le me dist.
IIONESTASSE.
Dame, tout ce sy passera
6o LA NATIVITÉ
Ce povez savoir ceste nuit,
Et pour Dieu qui ne vous ennuit
Une autre fois miex vous feray.
NOSTRE-DÀME.
Joseph, cy me reposeray, Mais vous n'arez pas loisir, J'en suis certaine, de dormir j Il vous fauldra aler bon erre En ceste ville du feu querre ; Pour certain je veuille traveiller.
JOSEPH
Ne sai qui m'a vouldra bail lier Pour certain, ma trez doulce amie, Mez pourtant ne demorra mie Que je n'en quière ou prez ou loing Si tost qu'il en sera besoing.
Je n'v feray pas longue attente, A vous servir metray m'entente, De toutes eztez non pareille.
LE MESAGIER.
Il est temps que je m'apareille Pour m'en aler tan tost arrière ; Devers mon mestre l'emperiére En Roménie retourneray Tout au plus tost que je pourray Bonnement sanz moy traveillier Gentillement comme mesagier.
NOSTRE-DAME
Joseph, se Diex vous puist secourir Alez bien tost du feu quérir
DE N. S. JÉSUS-CHRIST. 6l
Ne faites pas longue demeure, De traveillier s'aproche l'eure, Joseph ne vueilliez plus aclcndre.
lOSEPlI .
Volontiers j'yray du feu prendre En l'hostel de ce marichal.
LE MMCIIAL.
Trainez à queue de cheval Puist estre aujourduy mon varlet ! Assez pis vault qui ne souUoit Que de mon profit peu s'en soigne.
Point ne veult venir en besoigne.
En luy ne trove point d'aventage, Mez que tout couroux et domage Pas ne me fault ycy songier, Et mettre me fault à forgier.
NOSTRE-DAME, à genous.
Ha ! douz père du firmament Qui tout feistes certainement Le ciel et la terre et la mer, Vous dov-je servir et amer ?
El sy savez bien la mesure Combien ciel, terre et mer dure.
Sire Dieu, quand le ciel fut fait D'angles l'amplistez tout-à-fait ; Mez ceulz en enfer descendirent Qui à orgueill se consentirent.
S'y vous prie douz roys dez ciex Qui estez pères et vrais Dicx Que confort me vueilliez donner ,
62i LA NATIVITÉ
Et vostre grâce habandonner ; Pas ne m'avez mis en espasse Du quel don, de la quelle grâce.
Trez doulz Diex, je vous regracie Irez humblement et remercie, Car plus de grâce fait m'avez Que de biens en moy ne savez.
Puisqu'il vous a pieu à moy faire Tel don de Irestout mon affaire , Je vous requier et vous supplie, Qu'ainssy com vous m'avez remplie De vostre filz et sanz délit Doulz père sy com vous abelit, Veulliez souffrir par vostre amour Que sanz doulour, que sans clamour A l'enfanter. délivre soie A sauveté et à grant joye.
Michiel, Gabriel, venez à moy ; Alez-vous en, sanz plus d'asnoy, En Bethléem sanz arester Ces cierges à Marie porter :
