JACQUES

Sire, se Dieu me doint santé Je ne seray ja travei liiez De vous servir, mez esveilliez.

Alons-y, car bien m'y acorde.

JUDAS

Maistre plain de miséricorde , Trestout vostre vouloir feray, Car je vous aime de cuer vray, Sire, car je y suis bien tenu.

SVMON.

Sire, vous soiez bien venu!

Mesiau ay esté , se savez ; Vostre mercy guéry m'avez.

Ghascun vous doit de cuer servir, Car bien le sevez deservir Que vous estes plain de pitié.

Je vous pry par grant amitié, Et de tout mon cuer vous supplie, Que vous et vostre compaïgnie Veigniez reposer en ma maison.

Symon^ tu dis bonne raison , Et je y voiz sanz plus demourer,

M\GDALAINE.

Las, meschante, bien doy plorer Gomme pécherresse chétive La plus qui en ce monde vive.

Plaine suis de péchié d'ordure ; En punézie de luxure J'ay vescu toute ma jouvente; De péchier ne fu oncques lente Mais en ay esté tousjours preste.

Vilain , bourgois^ clerc ou prestre , Las, trop ay esté foie famé , Dont j'ay moult enconbrée m'àme.

Je ay deservy paine et hontage , Lasse chétive, que feray-je ?

Dés or est ma vie eunuieuse :

Lasse, tropt suis malheureuse.

Se aincy péusse venir Je voulsisse bien deffénir, ïi- 10

Mais que je bien confessée feusse

Et pardon de mes péchiez eusse,

Dieu sy le me vueil ottroier.

Vers Jhesus vois pour l'en prier .

De péchié me vueille getter

Et par pénitance aquitter

De mes péchiez, dont j'ay grant somme.

En l'ostel Symon le preudomme

Là est Jhesu , je n'en dont mie ,

Et avec luy sa conpaignie;

Pardon requerray doulcement.

Et de cest très digne oignement

Le corps, lez piez ly en oindray:

Certes^ jamais ne me faindrav

De servir le doulz débonnaire.

Dy, Malquin, pourroies-tu faire

Que .1. peu parlasse à ton maistre.

MALQUIN.

Par le grant Dieu qui me fist nestre Je y vois tout maintenant savoir.

Cil Dieu qui fait tout bien savoir Vous sauve gart et bénéie , Doulz Maistre , et vostre conpaignie !

Là hors vous demande une famé.

s Y MON.

•Je vois à lui tantost par m'âme Pour savoir ce qu'elle veult dire.

MAGDALAINE

Symon, bien veigniez-vous, beau sire; A vous demander je vouioie

Se ver vous tant faire pourroie Que je peusse Jhésu véoir,

SYMON

Cil que voiàs véez là seoir, Dame, c'est cil que demandez.

MAGDALAINE

Beau doulz père, car m'entendez, Je vien à vous mercy crier De mez péchiez , et déprier Donnez m'en veilliez pénitence, Car j'ay bien bonne repen tance.

Le fez de mez péchiez m'esmaie , Sire , combien que meffait aie , Pardon demant dévotement De cest précieux oignement , Le chef, le corps je vous veil oindre. De bonne volante, sans faindre , De moy toute vous faiz hommaige.

JUDAS

Symon, véez-vous cy grant ontraige

De cet oignement respandu :

Miex le vaulsist avoir vendu

Et pris de l'argent pour repestre

Lezpovres que oindre le maistrc.

Il valoit bien, se Diex me voie,

.CGC. .D. de la monnoie.

Et jamais riens ne puet valoir.

DIEU

Qui lez povres en nonchaloir Laissera pas bien ne fera

lO

ï48 LA. PASSION

Et cil qui bien lez amera Il ne perdra mie sa paine :

Pour vérité le vous tesmoigne.

Touzjours en nostre conpaignie Seront, mez ycy ne seray mie^, Sachiez le tout certainement.

Symon, enten-moy sagement , Je t'ay aucune chose à dire.

SYMON

Dictes vostre volenté, Sire, Et je bien vous escouteray.

DIEU

Et tantost le te conteray.

Qui ambeduy deniers dévoient A .1. fort usurier riche homme, Et .1. en devoit en sa somme •v. cens deniers pour sa partie.

Ly autre quitte n'estoit mie.