LADRE

Père, en qui vertu repose, Puisque m'avez resuscité Je vous prie par humilité, Du déable me veilliez deffendre.

DIEU

Pierre, Jasque, sanz plus attendre, Alez ou chastel contre vous Qui est en la voie contre nous.

Là une anessc trouveicz

Liée, vous la desUerez Et la m'amarrez maintenant.

Se nul la vous treuvc amenant, Qui de riens la vous destorbesse , Dictes ly que il la vous lesse, Car le maistre veult sus monter.

s. JASQUE.

Bien sarons ce dire et conter, Sire, se Diex nous gart d'essoigiie, Tout h vostre commandement.

s. PÈRE,

Nostre maistre, mie, ne mant :

Veci l'ânesse que quérons.

Jasque, savez que nous ferons , Geste ànesse deslierons.

s. JASQUE.

Bien dictes; je l'enmeneray Sanz arrester à nostre maistre.

s. PÈRE.

Et je vueil avecques vous estre, Conpaignie je vous feray.

DIEU

Bien veigniez, dessus monteray, .

En Jherusalem en venrez.

A moy conpaignie tenrrez Que tendis que je suis en vie, Je accompliray la propliécie : Venez en trestoussanz plus dire.

s. JEHAN.

Volen tiers vous suivron, beau sire,

Puisque la besoigne est sy preste.

Dessus le dos de ceste anesse A mettre nos robes i vous plaise, Car plus en cheminerez aise.

Aussy point de celle n'avons.

Le premier enfant de Ysrael chante sus ; Gloria laus. Tu viens cy en nom de Dieu , se savons Tu soiez le bien venuz.

Nul ne puet estre maintenus Sanz toy, sire; sauve nous.

LE SECONT

.Thesu, tu dois bien de nous Estre servis et honnourez.

Seigneurs, touz Dieu adorez, C'est-il sus ceste anesse là.

LE TIERS

Frère, esten ce mantel de là, Pour Jhesu, par dessus monter, Car il vient paier et conpter Pour trestout le monde.