C.VYPnAS

Je vous pry par grant amitié Que de Jhesu me délivrez.

Maintenant soit à mort livrez, Ne m'en alez plus à l'encontre.

PILATE

Vecy Jhesu, je le vous monstre ; Prenez lay et crucifiez, Mieulx que povez le chastiez, Point ne truis qui soit malvaiz home,

CAYPHAS.

Il doit mourir et c'est raison Et c'est droit selon nostre loy.

Il a faicte nouvelle loy Et filz Dieu se fait appeler.

PILATE

Vien sa, Jhesu, ne me celer

Dont tu es, tantost te me dy.

N'enten-tu pas ce que je dy ?

Or dy se à moy tu parleras.

Se tu n'y parles mal feras :

Tu sces bien que j'ay sus toy puissance

De délivrer ou de grevance.

Se je vueil, morir le feray, Se je vueil je te laisseray, Dont bien parler à moy déusses.

DIEU

Sus moy puissance n'eusses, Mon corps en tes mains pas ne lust Se povoir donné ne te fust Du souverain père de gloire; Et (le ce me dois tu bien croire, Car cil qui en tes las m'a mis Plus grant pechié sur ly a mis Que tu n'as à faire ceci.