LA. PASSION JOSEPH

Je pry à Dieu qu'il le vous rende Et qui vous vueille conforter.

Ce sydoine te fault porter, Nichodemus ; je le te baille.

ÎSICHODEMUS.

Joseph, je vous dy bien sans faille Ce sydoine moult nn'abellist :

Du corps tenir ay grant délit; La besoigne point ne m'anuie.

JOSEPH

Or en alon, Diex nous conduie.

Aujourd'uy beau don gaigné ay Que Pilate sy m'a donné :

C'est Jhesu que je vois despendre De celle crois sans plus attendre, Car je le voy moult tourmenté,

NICHODEMLS.

Joseph, se Diex me doint sancté Je ly vois le bras desclouer.

JOSEPH

Tu dis bien, je t'en doy louer :

Au pié de la crois demourray , Car recevoir je le vourray Quant je le verray jus venir.

NICHODEMUS.

Or entendez au soustenir,

Car je voy bien que il se abesse.

JOSEPH

Seurement aler le lesse

DE NOTRE SEIGNEUR. 2n5

Et vieng avant sy m'aideras, Et le sydoyne getteras Sus ly et puis l'enporteras, Et ou serqueu !e coucehras En ce sydoine dignement.

NICHODEMUS.

Sire, à vostre commandement Je suy près et appareilliez.

De le servir suis esveilliez Et seray tant com je vivray.

JOSEPH

Doulz père, vostre corps livré

Avez pour nous à grant tourment.

Contre vous ont mespris forment

Ly félon Juifz de put aire.

Quant ilz vous ont osé ce faire

Hz sont faulz et mal vais trahiste.

Doulz Dieu, j'ay pour vous le cuer triste;

Par grant tort vous ont mesheigné

Et sy ne l'avez pas gaigné.

Vous estes filz de Dieu le père

Et naquistes de Vierge mère.

Vous estiez Dieu plain de pitié

Et par vostre grant amitié

Qu'avez eu à vos amis

Que Adam en enfer tous a mis ,

Avez voulu mort recevoir,

Ghascun puet bien apercevoir.

Quant Longis, qui ne voit goûte,

Vous ot la char du costé route,

Fort vous poignv, pas ne failly, Tant que vostre sang en sailly Sus ses mains; lors les aprocha De sez yeulz et les antoucha Du sang, par quoy r'ot sa véue Qu'il avoit longuement pardue.

Longis, qui devant non voians Estoit, en fut lié et joians.

A celle heure que vous mouristes De l'angoisse que vous souffristes, Ciel et terre toute trambla.

Ce fut pour vous lors bien sambia Que definement déust estre.

Doulz Dieu, filz au Père celestre, En vous est toute m'espérance, En vous est trestoute puissance. Mors ont les chiens envieux :

De cest oignement précieux Oindray vos plaies sans faintise; Beau doulz père de bon servise, Tousjours mais vous vueil servir.

Or vueilliez que je déservir Vostre très-doulce amitié puisse , Par quoy avec vous je me truisse Quant départiray de ce monde.

NiCnODEMUS.

Doulz Dieu de qui tout bien abonde , Vous dictes, ce sçay-je de voir, Que mort vous failloit recevoir ; Au tiers jour resusciteriés,

D'enfer les vostres geteriés.

Gy a moult grant humilité; Dieu père plain de vérité , Car me vueilliez donner la grâce Que je puisse véoir vostre lace Quant la mort me fera fenir.

CAÏPHAS.

Malaquin, va sy fay venir Annes, dy-ly je le demande.

MALQUIN.

Volentiers. Caiphas vous mande Qu'à ly tantost parler venez.

ANNES.

Malaquin, bon vallet senez, Je vois puisqui l'a commandé.

Gaïphas, vous m'avez mandé.

Je suis venu sans arrester.

Sire, tout ce lessez ester ; Parlon vous et moy d'autre chof^c Que pour vérité dire je ose.

Fol est qui dit que soions sage :

Occis avons par grant oultrage Le prophète ; s'il resuscite De sa mort ne seron pas quitte Pour ce que l'avons justisé.

ANNES.

Qui dyable vous a avisé

De ce dire? estes-vous yvres?

Caiphas, gardez en vos livres.

OÙ la vostre créance est mise.

Vostre loy point ne vous devise

Que nulz homs en vie reveigne,

De quelque heure que mort le preingnc;

Grant yvresse vous oy compter.

CAÏPHAS.

C'est voir, mais Dieu puet seurmonter

Toute chose et par droicturc,

Dieu puet plus que ne fait nature.

S'il est lîlz-Dieu par vérité

Vous le verrez resuscité

Ainçois qu'il soit .m. jours entiers.

ANNES.

Je ne vous oy pas volentiers

Ces raalvaises paroles dire.

Vous estes maistre de l'empire

Et avez sy foie créance.

Bien sçay Dieu a toute puissance

Et qu'il est sans commancement

Ne jà n'ara de finement.

Quant Dieu voudra il nous touldra

La vie, mais jà ne mourra :

C'est un homs que avons tué.

CAÏPHAS.

Sire Anne, Ijien entendu é

Ce que respondu vous m'avez.

Mais de vérité bien savez

Que .1. Dieu puet tout sans nulle some

Et se met bien en guise de home.

Tantost que cest home tenismes

Jusques à la mort le balismes :

Sanglant fut devant et derrière. Se Dieu est, aie est arrière En paradis en sa maison; Que ce ne fust pas sans raison Que ainçois que la mort l'estendist Convint que la pierre fendist De son sang et en fut quassée, Et quant s'àme fut trespassée , Je vis le temps noir et ennuble Et plain d'obscurité moult horrible Dont je fu moult espoventez.

ANNES.

Par foy, vous estes enchantez

Quant de ly point vous vous doubtez :

Lessez ester, sy me conptez.

Jhesu sy est de bons amis;

Joseph, ou sépulcre l'a mis.

Nulz n'y avons qui le gardcge.

S'il avient chose qu'on l'emblege,

Geste derrenière erreur seroit

Qui très-bien y regarderoit

Plus malvaise que la première.

Or vous diray-je la manière

Gomment nous nous encheviron,

A Pilate nous en yron

Vous et moy ceste chose dire.

CAÏPHAS.

Alon, ne vous en quier desdirc ; Je m'acort bien à celle chose,

28o LA PASSION

ANNES.

Cil Dieu en qui mercy repose Gart Pilate qu'il ne ly veigne Chose de quoy son cuer se pleigne Com celly que devons amer!

PILATE

Diex qui fist la terre et la rner

Vous vueille de tous maulz deffendre!

ANXES.

Pilate, vueilliez nous entendre :

Jhesu est ou sépulcre mis.

Nous avons plusieurs anemis Qui tous de sa mesgnie sont, Qui pour sa mort courroucié sont.

Il se pourroient bien asambler Pour le prophète aler embler.

Pour .G. marcs d'or n'el vourions :

Conseillez-nous se pourrions Avoir nuUy pour le garder.

PILATE

Seigneurs, vous n'avez que tarder ., Je lo que quérir envoiez Les chevaliers, et leur proiez Que à venir cy point ne tardent.

Et que le sépulcre bien gardent ; Bon est à faire à mon avis.

CAÏPHAS.

Se on l'emble ou s'il est jà vis Forment courroucié en seray.

Par Malaquin tost manderay

DE NOTRli SEIGNEUR.

Centurion ; rien ne le teigne Qu'à mon hostel tantost ne veigne.

Sy li requerray sans tarder Chevaliers pour le corps garder.

Vallet, met-toy tost à la voie ; Dy centurion je ly proye Cy veigne, j'ay mestier de luy.

MALQUIN.

Sire, je ne doubte nully Que ce mesage bien ne face :

Bien m'en a Dieu donné la grâce.

Je y vois donc et de vous me part.

Centurion, cuer de liépart, Le grant Dieu vous gart de périr.

Par moy vous envoie quérir Caïphas ; venez-y beau sire.

CEINTURION.

Ce ne vueil-je pas contredire :

Je y vois tantost puisqu'il a dit.

Caïphas, Malquin m'a dit Que mandé par ly vous m'avez.

Or me dictes se vous avez Mestier de rien que puisse avoir.

De ma gent et de mon avoir Povez vostre volenté faire, Car par moy n'y ara contraire, Ne jà desdit vous n'en serez.

CAÏPHAS.

Trois bons chevaliers manderez Qu'à mov vcignent sansdélaier.

CENTURION

De ce ne vous fault esmaier :

Je feray moult bien ce message.

Or sus, chevaliers de barnage , Vos bonnes armeures prenez Et tout maintenant en venez Après lïioy, car je le commande.

PINCEGUERRE.

Se Diex de péril nous deffende Après vous volentiers yron.

BâUDIN.

A vous tous .III. obéiron A quanque vourrez deviser.

MOSSÉ.

Maistre, chascun vous doit prisier :

Vous avez dessoubz vous .c. homes D'armes apris comme nous somes.

Moult estes plain de grant noblesse Hardement, fierté et proesse Devez avoir plus que .1. lyon.

ANNES.

A bien veigne centurion Et sa conpaignie qui est bonne.

Chascun semble fière personne.

Foy que doy ma barbe chanue , Je suis lié de ceste venue :

Moult semblent avoir vassellage.

CENTURION

Ce sont chevaliers preus et sage :

Ils sont hardy et courageus

Et qui leur désert oultrageus.

Fort home sont et bien ésleu,

Bien esprouvé, bien cogneu ;

Je les ay mouit bien essaiez :

Oncques ne les vy esmaiez

Pour host ou chevauchie ou guerre.

Pour nul qui les envoiast querre.

J'en ay tels .c. en ma baillie :

Chascun porte espée fourbie

Et bon escu et bonne lance^

Qui tous me servent dés m'enfance,

Ne nul de eulz ne m'ose desdire.

Se ceu!x-ci ne vous plaisent, Sire,

Des autres vous yray quérir.

ANNES.

Centurion, Dieu de périr Les vous vueille tous .m. deffendre!

II me semble qu'ilz devroient rendre Trois coups d'espée sans faintise.

CENTURION

Je les met en vostre servise Et leur enjoing et leur commande Que chascun à bien faire entende Ce que commander leur vourrez.

ANNES.

Et je les prens; dès or pourrez Seigneurs fiire ma volenté.

Or vous teigne Diex en sancté :

Je vous diray que vous ferez.

Ce monument-là garderez ;

Joseph y a Jhesu couchié :

Encor n'y a nully touchié.

Je me doubt trop qu'auqiin ne Femble ;

Sy vueil qu'entre vous .m. ensanble

Allez au sépulcre veillier

Et vous gardez de sommeillier

Par quoy vous ne soiez deceu.

Soiez tous .111. bien esméu

De bien veillier et escouter.

PIKCEGUERr.E.

De ce ne vous estuet doubter :

Le monument sy bien sera

Gardé que nul ne l'emblera;

Se on l'emble nous le vous rendrons.

Au garder très-bien entendrons ; Se nul s'en vouloit approcher De m'espée le vouldroie brocher Tel coup que jamais ne gariroit.

MOSSÉ.

Moult chèrement le conparroit S'aucun estoit qui y venist.

Il convenroit qu'il defenist De ceste espée qui est bonne.

CAÏPHAS.

Moult est chascun bonne personne De vous .111. hardie et fière ; Moult y part bien à vostre chère.

Alez-vous-en ; Diex vous conduie!

PINGEGUERRE.

Ne doublez jà nul de nous fuie

Pour chose que avenir nous puisse,

Et se ainssy est que je v truisse

NuUy qui jà y soit venu,

De moy sera-il bien tenu

Que pour riens iniex ne corivenra.

BAUDIN

Qui ver le monument veura Il ly vauroit trop miex assez Qu'il eut les .11. piez quassez, Car la teste ly couperay.

MOSSÉ.

De m'espée tant fraperay, Se je y voy nully qui y veigne, Que la teste n'ara pas saine :

Jamais ne sera qui n'i père.

PINGEGUERRE.

Foy que je doy l'ame mon père.

Je croy que somes espié.

.1. pou de soupeçon j'ay

Que sa mesgnie ne nous entende.

BAUDIN

S'il y vient nully qui y tende Le doit par aucune aventure, Il sara se m'espée est dure :

Fendre ly en feray la teste.

MOSSÉ.

Se je voy nul qui se y arreste De mon coup ly ieray présent.

Je ly donrray gros et pesant De ceste espée, qui bien trenclic.

PINCEGUERRE.

Et je de la moye qui est blanche Ly vourray la leste couper.

Sy ly tourray le goloper :

Ycy tout mort le lesseroye.

Je te diray que je feroie :

Qui y venroit par son oultrage, La teste me lesseroit en gage , Ce te dy-je pour vérité.

MOSSÉ.

Tout ly or de ceste cité Pas celly ne garentiroit Qui ver ce monument yroit Qu'aler s'en péust sans eschaces.

PINCEGUERRE.

Seigneurs, car lessez vos menaces, Que se je y voy nully venir.

De rire le feray tenir, Je ly léray veufve sa famme.

BAUDIN

Conpains, je te jur par ceste âme, Se nul vient ci pour nul mal dire, Mourir le feray à martire ; Je te dy voir, quier qui te mente.

MOSSÉ.

Chascun de vous forment se vante , Mais m 'espée a telle proesse

Se nul au monument s'adresse Jusques au dens le pouifendray.

PINCEGUERRE.

Las, moy dolent ! qui atendra Ces gens qui sa venir je voy?

Seigneurs, meilleur confort n'v vov:

Fuions-nous-en tout maintenant.

Las, chétif ! que voy-je venant?

Que cy a d'ommes amassez !

Hz sont trop plus que nous assez; Fuir vueil pour moy garantir.

MOSSÉ.

Seigneurs, tost vous voy repentir

De faire ce que disiez.

Vos vantances devisiez

Et maintenant voulez luit fuire !

Or puissant mal se conduire

Se .1. petit de vent vous a vanté,

Sy estes tuit espoventé

Et pour droit nient regardez.

Comment oseriez garder

Ung grant règne ou une conté?

PINCEGUERRE.

Par le grant Dieu plain de bonté, J'ay moult très-grant paour eue.

Or est ma force revenue, Je suis tout fort et tout hardy.

BAUDIN

Se j'ay esté acouardy ,

Bien sçay que j'ayma force toute. Se nul au monument sans double Venoit tantost seroit tuez,

MOSSÉ.

Beaus seigneurs^ ne vous remuez, Ne vous devez espovanter.

C'est vent qu'avez oy venter.

Tenez-vous-cy, ne vous doublez, Mais au monument escoutez Qu'il n'y veigne nully toucher.

Et les angles sus : Fange lingua.

Seigneurs, je vieng de par celly Qui a esté en crois penez.

Grestiens, joye démenez :

Resuscité est tout de voir.

Il a voulu mort recevoir Pour trestoute cresticnlé.

En bonne église estes rente Se vous la voulez deservir.

Seigneurs, pensez de Dieu servir ; Pour vous est perciez ses costez.

Du dyable vous a tous ostez :

Recouvré bon seigneur avez.

PINCEGUERRE.

Or me dictes se vous savez Dont ceste vois puet estre yssue?

Je ne l'ay pas bien entendue Ne je ne sçay qui dicte l'a ; Mais je voy .i. blanc home là Qui sus son col une crois porte :

S'en enfer ne soit m'âme morte, De paou, le corps me croule tous.

lUUDIN.

Je sui le plus paoreus de tous, Je n'ay membre qui ne se deuille; Mon CLier tranbleplus que une fueille, De paour le poil me hcrice ; Je me tien pour fol et pour nice Quant sui venu en ce service :

Dès or mais ma vie peu prise ; De dueil mourray en cest place.

MOSSÉ.

Tel paour ay ne sçay que face :

De paour m'est le poil dressiez.

Certes, moult sera courrouciez Cayphas quant il le sara.

Moult grant dueil au cucr en ara, Car pour ce chant qu'avons oy Somes trestuit sy csbaliy Je sui devenuz tous lourdes.

PINCEGUERRE.

Bien sont abatues vos bourdes.

Moult très-bien vanter nous savons • Beau seigneurs, mal gardé avons Jhesu qui la loy despisoit.

Bien sçay qu'ersoir séens gesoit; Emblé est, s'en seron blasmc.

Or ay le cuer de deuil pasmé :

Je sui de mourir en balance.

BAUDIN

Par ma loy, sy a grant meschancc:

Véoir vueil se c'est vérité.

Las! comment s'en est-il allez?

Or devons bien estre esbahy. Oncques mais ma vie ne hay; Tel dueil ay que mourir m'estuet.

MOSSÉ.

Nagaires encor y esloit.

Las! comment l'ont peu embler?

La paour qu'ay me fait tranbler.

Certes, bien vourroie défenir :

Je ne me puis mais soustenir; Dormir me convient cy à terre.

SATHAN

Or sommes-nous trestuit en guerre.

Céens nous convient enfermer ,

Nos portes et nos huis fermer,

En nostre enfer appareillier,

Car Jhesu nous veult traveillier.

C'est force, se sçay-je de voir;

Il le nous convient recevoir.

Jhesu est bons qui a doubtée la mort

Il dist s'âme troublée jusques à mort

Estoit, et adversaires

M'a esté en tous mes affaires.

Il a esté crucefiez par moy,

Par moy est glorefiez.

Il vuidera tout cest estage

Sy com je pens en mon courage.

S'il est filz Dieu pas n'en fauldni , Mais assez tost nous assaudra.

Jhesu m'a tousjours decéu, Car aucuns mors que j'ay eu Mis en la charte de céens, Tu le sces, que tes yeulz véens, Par sa parole les délivre.

BÉELZÉBUS.

Qui est ce Jhesu qui fait vivre Par sa parole seulement Les mors ? Dy, je le te déniant.

Et non pour quant par aventure C'est cil qui de la charte obscure De séens le ladre getta Qui jà puoit, et qui dit a Qu'il briseroit nostre maison /

SATHAN

Je te respon et par raison :

C'est cil Jhesu qui nous afolle Tant seulement par sa parole Qui nulle fois ne se parjure.

BÉELZÉBUS.

Par tes vertus je te conjure Que tu ne m'amènes mie Tuit cil qui sont de sa mesgnie, Qui ne scevent amer nully.

Quant ilz oient parler de ly, N'i a sy hardy qui ne Irenble.

J'ayme trop miex celluy qui emble Ou.i. murtrier ou .1. hérite,

.1. parjure ou .1. faulz hermite :

A telz gens sont de mon convcnt ; Mais je te promet et convent Que (se) tu Jhesu y amenés, Il nous ostera nos demaines, Nos richesces, nos seignories Et toutes nos grans galeries.

Et sces-tu qui t'en avendra ?

Trestous tes chartriers en menra Avec le père espéritable Droit en la vie pardurable.

Lors tuit de mal heure serommes , Qu'il sera sires de tous hommes Et de toutes les âmes mortes.

DIEU

Princes d'enfer, ouvrez vos portes ; Le roy de gloire le commande.

Gardez que nul ne le deffende, Car je vueil aler visiter Mes amis et les vueil getter Tous hors de la maie prison.

SATHAN

Par la foy que doy Trayson Que j'aime, or suis moult esbahis :

A cestuy coup seray trahis.

Béelzebut, sy te fault venir A ces portes fort soustenir.

Fay que cil huis soient verroulé

Ou housse, batu et roullé

Serons et tuit achetivé.

DE NOTRE SEIGNEUR. 2g3

DWID,

A bon port sommes arrive ;

Foy que doy nioy, par temps verray-je

Mon droit sauveur en son visaigc.

Véez-le-vous cy qui nous vient querre :

Des ce que je vivoie en terre

Ne dy-je pas : « Aiez fiance

« En Dieu et en sa grant puissiuice ,

« Car il est vray Dieu et sera

« Et ses amis confortera? »

Je le prophetizé jadis

Qu'il nous menrroiten paradis

Et d'enfer tout sire seroit

Et les portes en briseroit.

Certainement je l'ay oy.