DEUXIÈME INSTRUCTION

(Orirjinal.) Sans date (1500).

Mémoire à maistre Ph. Haneton de ce qu'il dira seul et à part au roy de France de par M. l'archiduc, après qu'il lui aura présenté ses lettres de credence.

1° Dira que le roy, à sa venue de par de là, estoit délibéré à la continuation de la guerre et eust en ce volentiers eu l'assitence de mondit seigneur et de ses pays de par deçà, nonobstant la paix de Paris.

Touteffois, par les remonstrances à luy faictes par mondit seigneur, il a esté content d'avoir la trêve avec icelluy roy très-chrestien, telle que à présent elle est entre eulx.

Depuis, mondit seigneur désirant l'appointeraient d'entre eulx, sachant que ce seroit le bien de la chrestienneté et de leurs parens, amis, aliez, pays et subgets et de mondit seigneur aussi, et que estans bien d'accord, et aians eulx trois bon entendement ensemble, pourroient conduire de grans choses, a par pluiseurs fois, par les meilleurs nioiens qu'il a peu, induit le roy son père d'y vouloir entendre.

Et après pluiseurs devises et communications qu'il a eu sur ce avec lui, il leur a respondu et declairé qu'il vouloit bien et desiroit avoir avec ledit sieur roy de France paix, pourveu qu'elle fust final, afin que cy après n'eust plus de débat entre eulx.

Mais comment il entend avoir ladite paix final, mondit seigneur n'a encoires jusques à présent peu tirer autre chose de luy, oultre la charge du sieur de Viry et ledit maître Philippe ensemble, fors qu'il lui a dit et declairé que, en rendant par ledit seigneur roy de France

à mondit seigneur l'archiduc les pays de Bourgogne et les trois villes d'Artois, et muant et tournant sa querelle de Milan contre les Venissiens et les Ytales, esquelles est compris le royaume de Naples, il l'aydera, favorisera et assistera par la force et de son pouvoir, et sur ce traictra et besongnera avec lui en manière que Ton devra estre content. Dont mondit seigneur a Lien voulu avertir ledit seigneur roy.

Et pour ce que en toutes choses fault commencement et que mon dit seigneur de tout son cuer désire l'appointement et amitié d'entre iceulx deux seigneurs roys, mondit seigneur prie ledit seigneur roy très-cbrestien très-humblement qu'il ne veuille mectre en nonchaloir ceste matière ne rebouter le roy son père de l'appointement et paix final, et que son plaisir soit y entendre.

Et que sur ce lui veuille mander son intention , et mondit seigneur s'emploiera au bien de la matière de son pouvoir.

Lui parlera aussi du fait de messire Robert de la Marche, lequel journellement continue en ses entreprinses, et lui suppliera y vouloir faire selon que par le maistre d'ostel Courteville et depuis par le sieur de Gimel il l'en a requis.

Ramentevra aussi le fait de madame la douagiere de ce que le maréchal de Baudricourt1 a donné par confiscation au sieur de Lanques son lieutenant et à Jehan Renart la terre de Ferriere, scituée en la vicomte d'Auxonne, ou party dudit seigneur roy de France, appartenant à niadite dame, qu'est directement contre la paix; et a l'on, en ce, fait peu d'honneur à mondit seigneur et à elle. Par quov mondit seigneur, en ensuivant la charge qu'il en a baillée ausdits Courteville et Gymel, supplie au roy vouloir mectre à néant ledit don et faire entièrement rendre à madite dame tout ce que, en vertu d'icellui don, a esté prins de ses biens, tant de sadite terre de la Ferriere que d'ailleurs.

Item, fera au roy les recommandations de M. deThou, frère de M. le

Jean, seigneur de Baudricourl , maréchal de France de i488 à 1^99-

ENTRE LA FRANCE ET L'AUTRICHE.— 1500. 23 prince de Chimay, et lui prira que , en faveur de mondit seigneur l'archiduc, il veuille avoir ledit sieur de Tliou l pour recommandé.

Philippe.

P. S. Ledit maistre Philippe dira aussi audit roy très-chrestien que mondit seigneur entend que la trêve prinse entre lui et le roy son père doit expirer au premier jour de février, et qu'elle n'est marchande ne communicative. Parquoy lui supplira que son plaisir soit donner charge à ses lieutenans et gouverneurs ou duché de Bourgongne à la prorogacion de ladite trêve, et quelle soit plus ample et communicative qu'elle n'est de présent; et mondit seigneur fera tant que le roy son père commectra gens pour y communiquer.

Sans cloute Antoine de Croy, seigneur de Thou-sur-Marne, frère puîné de Charles de Croy, prince de Chimay.

Cette année a commencé à Pâques, 1 1 avril.