GEOFFROY CHARLES AU CARDINAL DWMEOISE

Difficultés et objections du roi des Romains pour l'investiture du duché de Milan. Son entretien avec Geoffroy Charles; il faut gagner temps et ne pas trop s'arrêter aux paroles de ce prince variable et inconstant. (Orig. autogr. Biblioth. du Roi j ms. de Béthune 8466. )

16 mars, à Novarre.

Monseigneur, combien, ainssi que havés peu sçavoyr, le roy des Romains heust fayt entendre au roy par monsieur le trésorier Robertet qu'il estoyt délibéré luy donner l'investiture de sa duché de Milan et le reccevoyr à foy et hommaige en sa court, toutes et épiantes foys ledit seigneur envoyeroit ses ambassadeurs devers ledit roy des Romains, et autant clepuys m'en ha fayt escripre audit seigneur et envoyer dire de bouche par maistre Richard le Moyne , et en oultre escript à monsieur de Piennes et auitres ambassadeurs qu'ils vinssent pour reccevoyr ladite investiture, et combien eulx arrivés, leur en heust dit autant de sa propre boche, sans fayre difficulté ny sur les fylles ni auitres heritiesr du roy en droyte ligne ou collatérale , ainssi

que l'ambassadeur d'Espagne, député par ledit roi des Romains à conamuniquer avec nous , nous a souvantes foys dit, ayant sur ce regard aux aliances et promesses faytes de madame Glaude et de monsieur le dauphin pour les enfans de monsieur l'archiduc son fils, e1 s'arrestant ledit ambassadeur tant seulement sur la forme delà revocation de l'investiture du seigneur Ludovich pour l'honneur dudit royaume des Romains. Depuis toutes ces chosses, ledit seigneur nous ha mis en avant pluseurs difficultés, totalemant voulant reprouver l'appointemenl faycl à Bloys avecques le -roy par monsieur l'archiduc son (ils, ettousjours tachant de nous induire à l'enfraindre et fayre obligacions et promesses pour derroguer audit trayctié etlereduyre à néant; ce que n'havons voulu pour chosse qu'il nous ayt sceu dire ni prescher.

Au surplus, il s'est fort plaint que par ledit trayctié le roi ne luy lia accorde que quatre ou cinq cents mille francqs pour l'expedicion contre le Turch , disant que c'estoyt bien peu, et ha mis en avant lesdiles difficultés : c'est à sçavoyr des quatre-vingts mille escus qu'il dit lui estre deubx de reste des vieulx trayctés et mesmement par le traycté fayl avesques le feu roy Charles, dernier decedé, des rebeles de Milan que entendoit estre réintégrés de présent, quelque chosse qu'il en heust mandé au roy par monsieur le trésorier Robertet, et qui fust traycté audit Rlois par monsieur l'archiduc, du seigneur Ludovic qu'il voulovttoutellemenl estre relaxé et mis en sa liberté hors du royaulme; et oultre qu'il fust appointé luy et ses successeurs par le ro\ a quelque rante annuele; et toutes ces chosses entandoyt ledil roy des Romains estre fayctes devant ou quant et quant ladite investiture. Depuys nous ha trouvé à dire que le pouvoyr de fayre l'hommaige en la personne de monsieur de Piennes n'estoyt pas soulfisanl , ainssi ([ue le tout plus amplemant pourrés oyr par le procèsverbal que vous envoyons. La matière ha esté ainssi bien desbatue que lia vous doux la bouche tant audit seigneur que à ceulx qu'il ha souvantes fois envoyés vers nous, qu'ils n'ont sceu que répliquer; et vous asseure . monseigneur, qu'il n'y ha mot au traycté de Tridente qui

n'aye esté mis sur la balance , et que ledit roy clés Romains n'est pas content d'estre bridé de la sorte qu'il est par ledit trayctié. A la fin, quand bavons cuydé tout estre résolu , et bavoyr nostre investiture , de laquelle le secretayre Langh bavoyt tenu deulx jours notre minute, en la sorte que entendions de la vouloyr bavoyr, l'embassadeur d'Espagne s'est désisté de s'en vouloir plus mesler, soubz coleur de quelques nouvelles qu'il bavoyt receu de Romme, selon qu'il disoit, de quelque guerre qui se commanzoyt entre les gens du roy et ceux du roy d'Espagne , sus les limittes de la division de la seigneurie et estât du royaulme de Naples. Et nous lia ouffert ledit roy des Romains ladite investiture pour le roy et ses boyrs masles tant seulement, aveques protestations qu'il vouloyt fayre tant devant que après ladite investiture en notre présence, pour ycelle rendre, tamps advenu, de nulle valeur; ce que n'bavons voulu accepter sans préalablement en advertir le roy. Et depuys l'havons prié, tant à part que devant tout son conseyl, que son playsir fust fayre le serement, presens nous, tout tiel que le roy bavoyt fayt en présence de monsieur l'archiduc, sus le précieux corps Notre-Seigneur, pour l'observation dutraycté de Tridente; ce qu'il ha refusé de fayre, allegant excusacions frivoles , ainssi que pourrés veoyr par ledit procès-verbal.

Monseigneur, le jour que partismes dudil roy des Romains, il m'envoya quérir assés matin et me dit les motz que s'ensuyvent :

« Président , je vous ay fayt venir pour vous déclarer à plain ce que j'ay dedans mon estomacb, à fin que en puyssiés bien advertir mon frère le roy de France et monseigneur le cardinal. Nous sommes bien près que d'accord des matières que ces jours passés bavons desbatues. Et touchant les bannitz de Milan, j'ay outroyé à mondit frère le roy de France, ainssi que par Robertet luy ay fayt sçavoyr, envoyé expressément devers moi pour ceste cause, que j'attendroye ung an sans luy en donner aulcune payne, car en faisant mon voyage et passant par l'Italie, et là reformant es terres impériales, pourveroye ausdits bannis de quelques confisquacions . moyennant lesquels se pourroyent entretenir.

k Au regard de f appoinclement dû duch Ludovic et de ses successeurs, hier en bien regardant ce que mon iils le prince d'Espagne ha fayt avecques mondil frère le rov de France, le tout esl ternis au traycté deTridente, donl je m'en contente assés; et tandis cpie ledit Ludovic ha esté en seigneur, jamais ne luy ay porté amour [joui ses euvres qui u'estoyenl pas bonnes; et qu'il soyt vray, dernièrement luv estant à Nouvare et quelque peu devant qu'il fust prins, il me îvquisl e1 prya Tort que voulsisse lui donner ayde, ce que ne voulsistz fayre. Et est bon à sçavoyr, considéré qu'il y havoyt cinquante hommes d'armes dedans ledit Nouvare, assiégés, et les murayles abatues de troys pièces d'artiglarie qui havoyent autreffoys esté miennes, e1 se vous y regardés trouvères encores mes armes raclées, que si je lui beusse donné ayde, les affayres fussent venues d'aultre sorte; et Le pouvoye fayre bonnement, car la trieuve fagloytlors entre mondil frère le roy de France et moy, et estove largement garny de gens de guerre et argent pour ce que y estoit requis. Mays je estove mai tv contre Ledit duc Ludovich et entre aultres chosses, pour ce que moy avant volu, luy estant à Brissine, entreprandre de le reniée! re en la duché de Milan, pourvhu qu'il voulsist avancer cent mille ducats pour souldoyer gens de guerre, jamays ne voulsist s'y accorder, combien que du mien y voulsisse mètre cent mille florins: et avecques ce , domp Frédéric lors fornyssoit d'une grosse somme de deniers, lu ce fust la cause principale qui me meut à non donner conb il aulchun audit duc Ludovic du tamps qu'il estovl audit Nouvare. \ ray est que depuys qu'il lia este prisonnier j'ai heu pytié de Luy. J'ai donne charge à Robertet de troys chosses, des bannis preemanl , el vouldroye bien savoir se mondil frère le roy de France se contante de ce que en ay dil a iceluy Robertet. La seconde est de L'armée de mer et de la fayre conduyre en la mer Méditerranée, et dn ii' mbre de gens qu'elle pourra mètre en terre et d'y bavovr entre aultres quatre mille Souysses et que sache de quoy m'en pourray servir cl ayder. La lierze est de la reformacion de l'eglvse ; et du tout j'attands i esponce.

« Dites à monsieur le cardinal qu'il se vuegle travagler à fin que le traycté de Trydente soyt entretenu du cousté de mondit frère le roy de France , et qu'il ha xxiv ans que suis en guerre avecques les roys de France contre lesqueulx j'ay acquerru tout l'honneur que j'ay. Et semblablemant lesdits roys, moyenant la guerre qu'ils m'ont fay et, ont aussi acquerru de l'honneur. Je clesireroye fort que ladictepaixfaicte à Tridente se observast; car se aultrement est, et que les chosses viengnent en rupture, ainssi que quelque bruyt est desjà en Alemagne , considéré que suys en quelque dissension avecques les ellecteurs et prince de l'empire et que le Turch me solicite de prandre accord et appointemant avecques luy, je le feray et donneray Italie in propinam. » (Je cuyde qu'il vouloyt dire in predam ] ; ces fusrent ses propres mots en latin , et replicha ces paroles par deux fois.)

« Aussi dires à mondit sieur le cardinal que je vouldroye bien que monsieur de Piennes fust continuelement avecques moi ambassadeur pour mondit frère le roy de France ; car je consulteroye aveques luy les matières que j'auroye à desmeler contre lesdits Turchs. Il est sage et prudent et ha la langue alemande. Et à Tridente fust aussi dit entre monsieur le cardinal et moy que ledit segneur de Piennes se tiendroye auprès de moy pour ceste cause. J'attendray response sur ce que vous ditz du roy de France mondit frère avant que face aultre chosse, et vous prie le bien informer et aussi mondit sieur le cardinal. »

Je luy clitz : « Sire, au regard du traycté de Tridente, suys seur, ainssi que de mourir, que le roy l'entretiendra et ne fauldra point de sa part à l'observer, tout ainssi qu'il l'ha promis et juré, et havés peu cognoistre par ci-devant ce qu'il en a fayt, et croy que vous ferés le semblable; car de vous alier avecques le Turch, pardonés-moy si ditz chosses qui vous desplaise, ce seroyt une très-malvayse chosse et sériés mal conseylé, dont Dieu s'en courroceroyt et se meteroyt du tout contre vous et toutes vous affaires. De monsieur de Piennes qu'il ayt esté conclus entre vous et mondit sieur le cardinal à Tridente qu'il se

1 Maximilien disait bien ; propina signi- Voyez M. Paul Lacroix , Eut. duxvie Siècle, fie, dans le droil allemand, don gratuit. t. II, p. 170.

doygt tenir auprès de vous ambassadeur ou nom du roy pour consulter es matières dudit Turch, jamays n'ay rien sceu ny entendu. Très-voluntiers de ce et aullres cliosses qu'il vous ha pieu moy dire, en feray le rapport auroy et à monsieur le légat. Vous demandiez pour soy tenir iscy auprès de vous que le roy vous envoyast monsieur le marquis de Kotolin et de ce en donnantes charge à monsieur le trésorier Robertet. » A quoy m'ha respondu le roy des Romains qu'il entendoyt que ledit de Rotolin vint devers luy pour parler à luy et demeurer quelque peu de tarups, et depuys s'en retorner, et que mondit sieur de Piennes y demeurast résident.

Je dits audit segneur que incontinant que haurions nouvelles du ro\ notre maistre, s'il s'accordoyt d'accepter l'investiture de la duché de Milan, pro se et masculis, que reviendrions devers luy pour Phavoyr et y fayre les foy et hommage, et que je estoye fort eshay, considérés les aliances et mariages faytz et promis entre madame Glaude et le fils de mondit sieur l'archiduc son fils, monsieur le dauliin et l'une des figles dudit archiduc, qu'il feist difficulté à oultroyer ladite investiture, pro liberis ulriusque sexus et heredibus in linea directa et collatéral/; car ce qu'il en feroyt seroyt pour les enfans de son fils et pour son propre sangh. Ledit seigneur m'ha respondu que quelque response que ayons du roy, supposé qu'il fust conseillé d'accepter ladite investiture pour luy et ses hoyrs masles, que ne vinssions point devers luy sans prealablemant l'advertir; car pourroyt estre que maintenant qu'il lia pardu Ponte et sa rojeur, qu'il nous y feroyt quelque difficulté qui redondroyt au deshonneur de luy, du roy et de nous. Et quant à donner l'investiture au rov pour les figles, ainssi qu'il vous accorda â Tridente , jamais ne le feroyt, de sorte que les ellecteurs et princes y voulsissent consentir ny confirmer ycelle investiture; car jamais ne condescendroyent que ung tel fief deust tumher en figles, et mains pour les aliances faytes de madame Glaude au fils de mondit sieur l'archiduch; car ils diroyent que ce qu'il en fayl est pour ses enfans. Mais quant l'investiture pour le roy et ses ho\ i > masles sero\ I fayete et conferméc, quelque peu de temps après,

non pas tant seulemant vouldroyt donner letres à l , à fin que

madite dame Glande succedast en ladite duché , ains en prieroyt le roy qu'il lavoulsist accepter; car ce seroyt le bien et preufit des propres enfans dudit roy des Romains.

Au surplus, il m'ha dit que souvantes foys, nous estant en chemin, escripve des nouvelles se point n'ay du roy ou de ce que mondit sieur le trésorier Robertet haura besogné sus la charge qu'il luy havoyt donné ou d'aultres chosses concernantes le bien des deulx roys, et que adresse les lettres à Langh et non point à l'ambassadeur d'Espagne.

C'est, monseigneur, le dialogue feyt entre ledit roy des Romains et moy, en ung poyle où estoyent le conte de Sorne, ledit Langhe et certains aultres, mays il me tira à part en personne chosse qui soyt dessus pourroyt le nyer

tant il lui playroyt, mays il est ainssi sus mon honneur et ma conscience.

Monseigneur, considérés les variabilités, changemants et instabilité de l'homme à qui bavons à fayre, havons advisé quelques letres dont vous envoyons la minute pour tousjours l'entretenir et gaigner tamps sus luy; ce qui, me samble, se pourra fayre, ainssi que plus à plain vous dirons, nous estre Ihà. J-'ây esté ung peu longh en mes letres; car la matière le veult et ay bien voulu vous informer du tout, puys que seuremant vous puys escripre, estant hors de son pays, à fin que le tout communiqué au roy, y donnés provisions tieles qu'il semblera audit seigneur. De s'arrester au roy des Romains, ce seroyt simplicité, ny aussi de y prendre fondemant, mays gaygner sus luy tamps et l'entretenir par letres et quelques effectz , ce sera bien à mon advis. Nous sommes* partis dudit seigneur en toute doulceur et ha fort louué le chemin que havons prins du cousté de Milan parles postes, ayant grand paour que passissions par Alemagne, à cause des électeurs et princes.

Monseigneur, je me recommande, etc. Escript à Rouvare , ce merchredi matin xvie de mars.

Les mots laissés en blanc correspondent aux endroits où l'original se trouve lacéré

NEGOC. DIPLOMAT.

Monseigneur, j'ai communiqué à M. de Piennes ce que le roy des Romains m'ha dit, et lequel se tient tant vostre serviteur qu'il ne cuyde point que lui voulsissiés donner ceste pénitence

Vostre très-humble et très-obeissant serviteur, Jeffroy Charles.

Nota A la suite de cette lettre, on trouve, dans le manuscrit du roi 8466 , fonds de Béthane , une lettre par laquelle Maximilien expose au cardinal d'Amboise les motifs qui le portent à différer l'acte de l'investiture-; mais cette lettre étant lacérée en plusieurs endroits, nous ne pourrions en insérer ici que des lambeaux informes. D'ailleurs elle m i-on'ient rien d'essentiel qui ne soit dans la lettre ci-dessus de Geoffroy Charles.

Cette année a commencé à Pâques, 27 mars.