AU SUJET DU DÉLAI QU'IL APPORTE X LA RATIFICATION DU TRAITÉ DE MADRID

(Archives générales de Belgique. — Copie. )

2 avril , à Mont-de-Marsan.

Le roy, après veu ce que le vice^roy luy escript par le commandador Pennaloze, et oy ce que de sa part luy a esté dit, respond qu'il luy desplaist ne povoir satisfaire à la voulonté d'icelluy visroy; et si seroit marry ledit seigneur que Ton pensast que en cest affaire voulsist user de longueur et de dissimulacion, laquelle ne luy pourroit de riens servir ne prouffiter; aussi la dilacion et longeur ne pourtoit aucun interest ne préjudice à l'empereur. Il fut dit au sieur de Praet, ambassadeur de l'empereur, àla dernière assemblée où fut parlé de cest affere, que, suyvant la teneur du traicté, se devoit faire la ratifficacion à icelluy qui avoit povoir et mandement dudit seigneur empereur. Ledit seigneur, avant que faire autre responce, se pourroit targer sur icellui povoir, et après qu'il seroit venu, trouver autre moyen d'excuse, ce qu'il ne veult faire , ains de présent declairer ce qui est survenu depuis laditte responce faicte à icelluy ambassadeur, qui est que jà çoit que par ses ambassadeurs fust dit, en fesant le traicté de Madril, qu'il estoit besoing tenir l'affaire de Bourgoingne secret, afin que le roy fust le premier qui le puist dire à ses subgectz, et leur remonstrer les causes qui l'auroient meu de ce faire, pour les faire condescendre à sa voulenté; ce néanmoins, icelluy traicté a esté imprimée Anvers, Rome et Fleurance, où plusieurs choses ont

esté adjoustées, et par ceste voye la congnoissance de cest affaire venue à ses subgectz et tous estatz, lesquelz ont grandement murmuré, monstrans en estre mal constans; et si y en a de principaulx qui ont escript audit seigneur que son plaisir fust ne procéder à la ratiflicacion du traicté sans préalablement les ouyr ; et d'autant que ledit seigneur désire ses affaires estre oonduitz ainsi qu'il appartient, luy a semblé ne le devoir ratiffier sans preallablement entendre leur intencion, et mesmement qu'il en y a plusieurs ayans le crédit bon et reputacion grande aux estatz du royaulme, desquels principalement ledit seigneur se veult aider. Par ainsi leur veult bien jusqueslà complaire de ne ratiffier icelluy traicté sans avoir sceu et entendu ce qu Hz veullent dire; et espère ledit seigneur, avec l'aide de Dieu, conduyre l'affere de sorte qu'il les fera condescendre à sa voulenté. Et quant ledit seigneur promptement vouldroit bailler aucune ratifficacion sans préalablement ouïr les desusdits, les pourroit mutiner, en sorte que difficile chose luy seroit povoîr accomplir et venir à fin de ce qu'il veult fere. Et quant au fait de Hesdin1, qui despent de nul arbitre et est en la voulenté dudit seigneur, il le veult rendre promptement ; et à ces fins a despesché homme exprès pour le faire jdelivrer par le capitaine aux commis et députez de l'empereur son bon frère, lequel espère, comme sage, prudent et regardant à la raison, qu'il les prendra à bonne fin. Et d'autre part, croyt bien fort ledit seigneur, icelluy vysroy luy mener la royne son épouse, et penser quelz ostaiges ledit seigneur a en ses mains, lesquels ledit seigneur ne vouldroit pour riens perdre. Et quant en cest affaire ledit seigneur vouldroit user de dissimulacion, ne fauldroit avoir meilleure occasion que la retencion de ladite royne; ledit seigneur est icy l'actendant, où ne peult gueres demeurer, actendu ce qu'il a affaire pour l'accomplissement dudit traité, et pour lequel mectre à exce? cution a envoyé quérir les principaulx personinaiges de Bourgoingne

1 Par l'article 9 du traité de Madrid, le la Tille, château et bailliage de Hesdiq, roi avait promis de restituer à l'empereur .comme membres du comté d'Artois.

NKGOC. DIPLOMAT. — II. 83

pour eulx trouver au-devant de luy en chemin, avec lesquelz espère conduyre à ce que ledit seigneur leur coifamendera. Fait au Mont de Marsan, au conseil du roy, le 2e jour d'avril i5a6.