PHILIBERT NATURELLI ET PHILIPPE HANETON À MARGUERITE D'AUTRICHE

Entretien avec la mère du roi et le grand-maître de France. Conduite du seigneur de Fleuranges expliquée et censurée en ce qui touche la cession du Luxembourg. Explication du roi lui-même à cet égard. Prorogation de la trêve de Frise. ( Original. )

16 mars, à Paris.

. . . .Et premièrement, madame, je receus, le VIe de ce mois, deux vos lettres du uf d'icellui, avec les copies des lettres que le prevost et le capitaine d'Yvuys vous ont escriptes. Et quant à Tune d'icelles, j'ay veu au long ce que vous plaist m'escripre de Tentreprinse du sieur dé Florenges pour surprandre ladite ville d'Yvuys, La seconde est de mesme substance, ditée à propos pour la monstrer au roy très-crestien.

Madame, le jour avant la réception de vosdites lettres, ledit sire roy s'estoit parti pour aller à Saint-Germain en Laye , lieu esleu pour l'accouchement de la royne de France, et n'est tourné depuis; et dois le mequerdi ensuyvant debvoit estre le partemant du grand-maistre de France et le mien. A ceste cause, et que ledit sire roy estoit par les bois et difficile à trouver, j'esposay à madame sa mère et atlssy audit sieur grand-maistre bien au long ce que m'escripviez, en y adjoustant tout ce que m'a semblé convenable et servant à ce propos, et entre autres chosses leur exposay comme j'estoye très-desplaisant du meschant acte quavoit fait ledit sieur de Florenges, non pas pour chose que le doubtiez ne tous ses semblables, ayns pour ce que une partie de ses gens s'estoient retirés à Mouson; par quoy estoit clerement donné à cognoistre à ceulx de par delà que telles entreprises pouvoient procéder du sceu dudit sire roy; et tant plus quand je pensois à ce que le sieur de Brienne avoit dit qu'il n'avoit point donné le droit qu'il pretendoit à la duché de Luxembourg sans le sceu du roy, et combien que je savois que vous, madame, pensiez bien quiln'eatoit pas vray. Ce neantmoins la reste des pays du roy ne les voisins à

Googte

l'entour n'en povoient penser que ce qu'ils en veoient , qu estoit bien mal à propos du voiage que nous voulions fere. Et pour ma conclusion leur dis que encoires ung autre mal y estoit : c estoit que, se ledit de Florenges voulloit continuer, qu'il pourroit estre que quelque gentilhomme ou aultre des gens dudit sire roy, se ils se trouvoient au passage, seroient prins ou tuez, et que aussi, s'ils estoient prins, les feroit Ton morir, pour ce qu'il est assez à présumer qu'ils n'y viendraient par le consentement dudit sire roy. Toutesfois telles choses ne pourroient engendrer que tout mal, leur priant, pour les éviter, de voulloir fere pugnition de ceulx qui ont esté à ladite entreprinse, et aussi dudit sieur de Florenges qui est serviteur dudit sire roy; car il est assez à croire que, s'il n estoit son serviteur, qu'il ne oseroit seulement penser de vouloir entreprendre bcaucop moindre chose que cela. Ladite dame me fett response que elle estoit très-desplaisante de telle chose et qu'elle sçavojt très-bien que le roy son fils le seroit de mesme, et que pour riens du monde il ne soutiendra ne advouera ledit de Florenges en tels actes, ne permettra jamais que personne de ses subjects ne aussy des gens d'ordonnance que ledit de Florenges a de lui, voisent ou s'emploient à fere aucun déplaisir au roy catholique son fils ne à personne de ses pays, et me dit en outre que ledit sieur grand-maistre alloit le lendemain prendre congié du roy son maistre, et qu'il l'advertiroit de ce que lui avois dit, et que, sans faulte, il m'y feroit bonne responce. Ledit sieur grand-maistre rcprint la parole en confermant ce que ladite dame m'avoit dit, et y adjousta plusieurs autres choses que n estoient gueres bonnes ne à l'avantage de tout le lignage dudit de Florenges ; puis dis que à ce jour icellui de Florenges avoit escript une lettre au sieur d'Orval , contenant ces paroles : « Les Bourguignons ont voulleusurprandre ma maison de Mesancour; mais ils en ont esté bien gardés et je suis bien délibéré les en garder pour l'avenir. » Lors ladite dame dit que ledit de Florenges avoit escript ce que dessus pour couvrir son erreur, et qu'il ne falloit que j'escusasse ce passage; car on savoit assez qu'il n'estoit pas vraisemblable que le roy catholique ou ses gens pensassent d'entreprandre telle

chose; mais, pour conclusion, que ledit sieur grand-maistre partirait le lendemain pour aller vers le roy son maistre, et qu'il luy dirait toutes les devises.que j'avois.eu aveques. elle et ledit grand-mai stre, pour m'en.rappqrter ou envoler finale responce.

Madame, ledit grand-maistre ne s'<en alla jusque» au, jeudi et accompagna la royne, laquelle se trouva cette nuyt malade à cause d'un flux, et en reste en bien. grand dangier* aiQSj.que Ton dit; toutesfois elle. est guarie; et ce jourd'huy, xjme, Ton Ta menée à Saint-Germain, en Laye, là où elle est arrivée, à ce soir, comme ma dit mon lacquay, qui en est venu tout à ceste heure ►

Madame, ledit grand-maistre m'envoya hier son maistre d'hostel, Corcol, pour me dire la.responce sur ce qu'il avoit dit audit sire roy touchant, l'afiaire que dessus; qu'estait que ledit sire roy avait bien et au long entendu tout ce que j'avois dit à sa mère et audit grand-maistre, et que sa mère lui en avait parlé bien acertes, et pour conclusion me faisoit responce, pour. vous en advertor, que en toutes ces choses il desavoue ledit de Florenges et n'est pas délibéré en façon du monde les lui souffrir, comme son , serviteur ny à ses gens estant sous la. charge dudit de Florenges, eux empeschier ou trouver à entreprise ou chose du monde préjudiciable ou desplaisant au roy catholique son beau-fils, et que. s'il en est trouvé aucuns, il en fera telle pugnition que l'on aura cause, de, s'en bien contenter; et oultre plus est trèsrcûntent que se ils y sont trouvés, que Ton en face que l'on voudra et, en ce cas, ne lui fera point de desplaisir. Et pour satisfaire à ce que j'ay dit, que aucune partie d'iceulx qui estaient à l'entreprinse de robber ladite ville d'Yvuys s estaient retirés à Mouson, ledit sire roy despechoit dois ce jour un chevaulseur d' escurie et escrivoit au sieur de Montmoir, capitaine et gouverneur dududit Mouson, en luy commandant très-expresaement qu'il se. deut informer quels sont ceux qui se sont retirés audit Mouson, et qu'il luy envoie pardeçà l'information ; et que icelle estre veue il promest d'y fere une telle démonstration de pugnition que l'on cogneistra qu'il luy en desplaist. Et m'a dit ledit maistre d'hostel Corcol que

ledit grand-matfetre'son mfaistre fre povoit bonnement croyre que 4 auctins se Soient retirés :audit Moiison; car le lieutenant dudit lieu estoit arrivé vers luy à ceste heure, <jue ne luy en avoit pas dit un mot; toutesfôys qtïe leroyson maistre yenvoioit. Et tant que touche la personne dudit de Florenges, ledit sire rdy me faisoit response qu'il n'estoitpas son subjet ny à sa pugnition; toutesfois qu'il luy commandèrent 'soy désister, et s'il ne le faisoit et d'aventure mal luy en prist Ou ilfetrt prins de nos gens, que realement il ne le demanderait ou ayderdit j&tti&ïs. ¥élà , madame , quant à ce point, ce que j'en ay peu fere. Et cependant est survenu monsieur l'àudiencier, auquel j'ay communiqué le tout. Et à ce soyr ay receu vos lettres escriptes à Mali nés, du xn6 de ce mois, avec la copie de la proposition des ambassadeurs de France estans au Liège, et aussi la copie du rapport que vous tfnt fait les députés qu'avés envoyé à Utrecht pour la prorogation de ta trêve defhrize; aussi la copie de la lettre que le sietir de ia Guiche vous a escript pour conclure ladite trêve pour six mois; le tout a esté leu etveu par l'àudiencier et moy. Nous actendons demain icy le retour dudit sieur grand-maistré, et avons délibéré aller devers luy pour luy parler de tous ces affaires.

Toutesfôys, mondit lacquay m'a apporté nouvelle à ceste heure, environ dix heures en la mfyct, que ledit sieur grarid-maistre ne sera icy jusques à mequerdy au disner ou au soir; ainsi fauldra que demeurions suspens demain tout le jour; car d'aller audit lieu de Saint- Genftain, où il n*y a point de logis et y sont encoires toutes choses en confusion pour la maladie de la royne et s'en tournent les generaulx et aûltrés gens, â ceste cause ne seroit pas possible d'y pouvoir demain fere chose convenable; màys, cependant que nous actehdons la venue dudit sieur grand-ftiaistre , auquel et au chancelier estant en ce lieu serions tousjours remis, viendra le gentilhomme dont nous èscripvés; et avant nôstre pkrtemeut y prendrons une résolution, la meilleure que nous sera possible , et despcohêrons tout incontinent la poste pour vous en advértir à diligence.

Madame, hier matin, xv* de ce moys, arriva le sieur d'Asnei par

lequel l'audiencier et moy avons actendu le surplus de vos bous plaisirs, quant au fait de la prorogation de ladite trêve et pour ce que ledit affere est précis et d'importance, et que ledit sieur grand-mais^ tre ne faisoit semblant de venir cedit jour, feusmes d'avis d'envoyer ung homme bien instruit dudit affere vers lui audit lieu de Saint- Germain, pour, après l'avoir ouy et remonstrer ladite affere audit sire roy avant son partement, y fere ordonner despesche conforme aux instructions que ledit d'Asnel a apportez, et y envoyâmes l'homme du sieur dom Prévost que partist d'icy environ le midi. Et après qu'il eust abordé ledit sieur grand-maistre et lui declairé lesdits afferes qu'il trouva bien estranges, actendu ce que M. de Gheldres avoit accordé au roy, lui estant icy, et ce que le sieur de la Guiche vous avoit esescript, dont nous luy envoyasmes le double, demanda à nostredit homme nostre advis quant à l'expédient de ceste affere; lequel lui dit, selon que l'avions instruit, qu'il nous sembloit que, actendu ce qu'il avoit pieu audit sire roy estre inventeur et mettre en yvant la prorogacion de ladite trêve, en fere parler au roy catholique nostre maistre par le sieur de la Roche son ambassadeur, aussi ce qu'il lui avoit pieu en dire à moy, dom Prévost , pour le luy escripre et à vous madame , à quoy le roy nostredit maistre avoit voluntiers condescendu tenant la chose pour assurée sur la parole dudit seigneur roy, combien que auparavant n'y eust pensé; actendu aussi que ledit de Gheldres l'avoit de rechief accordé et conclu avec ledit sieur de la Guiche son ambassadeur, à l'assurance et advertissement duquel vous, madame, avez envoyé les députés du roy nostredit maistre au lieu d'Utrccht, pour satisfaire au bon plaisir dudit seigneur roy et conclure ladite prorogation, ainsy qu'il luy avoit pieu lamoienner, il nous sembloit que ledit seigneur roy debvoit escripre de bonnes et expresses lettres audit sieur de la Guiche pour dire et déclarer rondement de par luy audit de Gheldres qu'il trouvoit le delay de la prorogation de ladite trêve et les articles mis en avant par ses gens, à l'assemblée d'Utrecht, bien estranges et repuguans k ce qu'il a tousjpurs kit dire et escripre au roy catholique, son bon fils, et à madame de Savoye, et

au conseil dudit sire roy en ses pays d'embas, sur ce qu'il luy avoit prins et accordé, luy estant derrenierement en ce lieu, et qu'il l'avoit nagueres confermé et concleu avec le sieur de la Guiche son ambassadeur, et qu'il s'esbahistde la difficulté; et quç, puisqu'il a mis en avant ceste prorogation pour le bien des deux parties et en a prié le roy catholique qui n'y pensoit point, à quoy toutesfoys il s'est voluntiers condescendu, il désire, veult et entend que ladite prorogacion se face pour six mois sans rien innover du premier traictié, et qu'il escripve à ce propos lettres de créance audict de Gheldre sur ledict de la Guiche. Ledit sieur grand-maistre, après avoir ouy nostredit homme , lui dit qu'il estait marry de la difficulté et qu'il ne voudrait que, pendant son voyage, les choses se desrivassent de ce costé ne d'aultre; car ce seroit chose dangereuse et bien mal à propos. Et de ce parti, se retira vers le roy son maistre pour l'advertir de ce que dessus, et dit à nostredit homme qu'il l'attendit et il le feroit despesché incontinent. Tantost après qu'il eust parlé audit sire roy, sortit hors de la garderobe et dit à nostredit homme que le roy s'esbahissoit et estoit marry du delay et de la difficulté de ladite prorogacion, attendu mcsmement ce que ledit sieur de la Guiche en avoit escript à vous, madame, et qu'il lui avoit ordonné escripre au chancelier et à Robertet estant en cedit lieu, nous fere sur-le-champ telle despesche que demanderions : ce qu'il feroit dès le soir mesme par che vaulcheur exprès et leur envoieroit la copie des lettres dudit sieur de la Guiche pour mellieure instruction , et que nous nous retinssions vers eulx et qu'ils nous feriont telle despesche que sçaurions demander1. Ledit sieur grand-maistre dit, en oultre, à nostredit

1 Le roi adressa en effet à M. de la Guiche une lettre ainsi conçue :

« Monsieur de la Guiche, vous savez le désir que j ay que entre le roy catholique, mon bon filz, et mon cousin le duc de Gueldres n'y ait aucune nouvelleté; ains, jusques à ce que la paix se pourra faire entre eulx, que la tresve qu'ilz ont eue par

NÉGOC. DIPLOMAT. II.

cy-devant entre eulx , pour le fait de Frise , soit prolongée ; qui a esté la cause pour laquelle vous ay envoyé par devers mondict cousin. Et pensoye , en ensuy vaut ce que m'aviez escript,. que la conclusion en feust prise telle que demandoye. Touteffois, ma cousine la duchesse douhairiere de Savoye m'a fait savoir que, à cause de

homme qu il avoit différé son parlement pour soy trouver icy au jour qu'il nous avoit promis, actendant et espérant que la royne deut fere son enflant; mais elle se porte bien, et ny a apparence quelle le doibve fere de xv jours; qu'il avoit à expédier avec les generauli quelque affere de finance et que demain,, que sera le xvu, il sera sans faillir en ce lieu au soir pour pouvoir partir sabmedi prochain et achever le voiage de Montpellier; mais que, avant son partement de là où il est, il fera expédier vostre affere dont mondict homme lui a parlé, et Ta ledit sieur grand-maistre prins à sa charge. De Paris, ce xvie de mars m Ve xvm.

Vos très- humbles et obeissans serviteurs,

Philibert, prevost <FUtrecht. Philippb Haneton.

Nota. Les députés envoyés à Utrecht par le roi de Castille, pour négocier la prorogation de cette trêve, étaient : Maximilien de Homes, seigneur de Gaesbeke; Ghérardt Mulart, conseiller aux conseils de Hollande et de Frise; Antoine Sucquet, conseiller et maître des requêtes de l'hôtel; et Pierre de Bucquigny, secrétaire en ordonnance.

quelques articles que mondit cousin veult adjouster à icelle prolongacion de tresve , oultre ce qui est contenu es précédentes , n'y a eu conclusion audit affaire, dont il me desplait. À ceste cause, j'en escriptz, par ce porteur que je vous envoyé expressément, à mondit cousin de Gueldres, lettres de créance sur vous. Vostre créance sera que vous m'avez asseuré par voz lettres, en ensuivant ce qui vous avoit esté promis, qu'il prolongeroit icelle tresve de six mois , et que à présent il fait le contraire, dont ne me puis trop esmerveiller qui le meut de ce faire , et que je luy prie bien fort de vouloir tenir ce qu'il m'a fait escripre par vous , et qu'il veuille considérer ce que par plusieurs foiz luy ay

mandé, tant par vous que autres, qu'il n'a besoing de faire ne entretenir la guerre contre mondit filz, et que trop mieulx luy serait une paix certaine que une guerre hasardeuse à laquelle à la longue il ne pourrait nirnir, et que, par les traktez et convenances que ày avecques mondit filz et l'amour que luy porte, quant viendrait là, je ne le pourroy ayder ne secourir; et me despiairoit le voir tomber en inconvénient. Et pour ce, faictes tant que ladite tresve se conclue pour lesdits six mois, sans aucune innovacion, selon que, par voz lettres, dont j'ay veu le double, l'avez escript de par moy a madite cousine de Savoye. Adieu, M. de la Guiche, etc Escript à Saint- Germain en Laye , le xvi* jour de mars. •

HENRI DE NASSAU A MARGUERITE D'AUTRICHE

D attend les obligation» des villes d'Anvers et de Matines. Le cardinal de Mayence veut avoir sa pension assignée en Allemagne. Les comtes allemands ne se contenteront pas d'un mois de traitement; du reste « il faut se bâter d'envoyer leur» lettres de pension. (Original, Mone» i836, 129.)

16 mars, à Dîast

XÇVL

JEAN DE MARNIX À MARGUERITE D'AUTRICHE

Le roi de Hongrie et son conseil réclament la reine Anne avec les deniers de l'amende encourue pour la non-consommation du mariage en temps opportun ; et en cas de refus, 3s menacent de déclarer la guerre à l'Autriche. On croit qu'ils sont poussés à cela par le roi de France et par le duc de Saxe, qui voudrait que son neveu épousât la reine Anne. Nécessité et moyen de pourvoir aux événements que ferait naître cette déclaration de guerre. ( Original , Mone , 1 836 , 1 3 1 . )

16 mars, à Augsbourg.