Û34 NEGOCIATIONS DIPLOMATIQUES

rotz, nostre ambassadeur à Romme, sache et entende sauvent le suo cez de nos affaires touchans le fait de l'élection en Allemaigne, et d'autres occurences et pratiques qui se font illec, pour en mieux con* duire nosdicts affaires envers nostre saint-pere, nous voulons et vous ordonnons continuellement l'avertir de toutes choses que verrez servir à propos. Et il a samblablement charge de nous vous tenir de son costé bonne correspondence , et faire le pareille vers vous de ce que surviendra à Romme.

Le conte Erart de Kunigstain nous a nagueres escript, demonstrant 1 affection et leaulté qu'il porte à nostre maison d'Austrice, et le fervent désir qu'il a de nostre élection en l'empire, nous offrant y prester son service de son pouvoir. De quoy, par nos lettres que lui ferez tenir, bien et à certes le mercyons , requérant vouloir estre aydant nos ambassadeurs qui se trouveront à la journée de l'élection en tout ce qu'il verra servir à nostre promotion audict empire; et ferez bien de semblablement par voz lettres à ce l'exhorter. Car nous entendons qu'il a bonne amitié avec les princes d'alentour du Rin , et qu'il est puissant de gens, à cause de ses terres et places à l'entour de Franckfort, et que toutte sa vie il a esté dévot à feu l'empereur, mon seigneur et père, cui Dieu absoille.

Madame nostre tante, l'archiduchesse, douaigiere de Savoye, nous a envoyé certaines lettres que Melchior de Masmunster, capitaine du chastel de Nieustat en Austrice, luy a escript, l'advertissant des affaires et nécessitez qu'il avoit pour garder ledict chasteau, auquel sont les joyaulxde feu mondict seigneur et père, pryant estre secouru et assisté. Sur quoy faisons responce audit Masmunster, l'advisant de l'alée de vous, cardinal de Gurce, comme nostre lieutenant en nos pays de haute et basse Austrice, pour pourveoir à tous nos affaires illec, réduire le gouvernement et régiment à deu estât, mettre bon ordre et police à la justice , seurté , et garde de nosdicts pays jusques à la venue de nous ou de nostre frère par delà, et que doresnavant il pourra avoir recours à vous, luy requérant neantmoins qu'il veulle toujours continuera la bonne garde de nostredict chasteau. Si vous ordonnons

luy envoyer à diligence nos lettres, et, en tout ce que le verrez avoir besoing, le subvenir et donner confort et assistance au mieulx et plus tost qu'il sera possible.

Au regard de la journée de Montpellier, à laquelle sont allez nostre cousin et grand-chambellan, le marquis d'Arschost, et nostre grandchancellie? avec autres de nostre conseil , notablement accompaigniez , comme autrefibis vous avons e script, illec ne se parlera que de touttes bonnes choses, au bien de paix universelle; et ne debvez doubter que riens si face au préjudice de nos poursieultes à l'empire, quelque famé ou bruit que en pourroit voler au contraire. Car ceux qui sont de par nous à ladicte journée ont pour recommandé ensemble tout ce que touche nostre bien et honneur, et sont allez bien despeschez pour bien respondre à tout ce que Ton pourroit mettre en avant, joint les armées qu'envoyons à Naples, et que faisons dresser sur nos frontières de Navarre et Parpignan. Parquoy ils pourront parler plus hardyement, et monstrer que Ton n'a point de paour; dont avons averty lesdicts de Nassou et Armestorff, pour le faire entendre aux électeurs, sibesoing est.

Les estats de nostre pays et principauté de Cathalogne en gênerai nous ont puis quatre jours solempnellement et en grande obéissance et ylarité, receu et juré comme leur vray prince et seigneur, et les trouvons prompt à faire tous autres devoirs comme bons subgects sont tenuz. Et, Dieu mercy, nos affaires de par deçà succèdent de bien en mieux, espérant par sa grâce le mesmes de par delà. Dont vous avons bien voulu advertir à vostre joye et consolation. Donné en nostre cité de Barcelone , le xvi° jour d'apvril xix.

Depuis cestes escriptes, avons receu lettres de nostre cousin le conte de Nassou, du premier de ce mois, à Wesele, contenant les mauvaises euvres et praticques que les légat et nunce du pape font ouvertement et à part contre nous par devers les électeurs, disant que sommes incapable à obtenir l'empire, pour ce que tenons en fief de l'église le royaume de Naples, sans premiers en avoir le consentement de nostredit saint-pere. A ceste cause, avons envoyé en poste

devers nostredit saint-pere Loys de Sorye1, pour lui donner à congnoistre lesdites euvres et pratiques de sesdits légat et nunce , et que n'avons pas mérité de sa sainteté telle rétribution; et, d'autre part, luy declairer que, dès le vivant de feu l'empereur, il nous avoit accordé la dispence de l'investiture de Naples, et, en effect, le requérir et exhorter faire cesser par ses gens de telles poursieultes CQntre nous.

Et affin d'oster les princes électeurs hors ceste doubte de l'investiture de Naples, nous leurs escripvons présentement ce que verrez par la copie de nos lettres cy-rendue, lesquelles envoyons audit Nassou et Armestorff, par le chemin de Brabant, que tenons estre à l'entour d'iceux princes sur le Ryn, excepté celles que s'adressent au duc de Saxen et marquiz Joachin, lesquelles leur ferez tenir. Et oultre ce que cognoistrez par la teneur desdites lettres, vous avertissons que le pape a declairé et asseuré nostredit ambassadeur à Romme de nous bailler ladite dispensation et l'investiture. Et quant ores il n'y auroit dispensation quelconque, nous ne povons prejudicier au droit que a la royne ma mère , elle vivant , à la succession dudict royaume de Naples. Et ne faut que les électeurs doubtentcest affaire; car si nous sommes esleu à l'empire, nous en ferons bien avec nostredit saint-pere, lequel croyons, pour non déplaire au roy de France, ne se vouldroit avant ladite élection trop declairer en nostre faveur; et a bien donné à congnoistre à nostre ambassadeur qu'il ne vouldroit empereur si puissant que nous ou ledit roy de France : mais si le cas advenoit de choisir l'ung de nous deux, qu'il se contenteroit plus de nous que dudit roy de France , et ne nous refuseroit ladite dispensation ny autre chose que luy saurions demander.

Nostredit cousin de Nassou nous escript aussy qu'il se tiendra à l'entour de Mayence, pour estre plus prochain desdits électeurs; ce que trouvons bien fait. Et est nostre désir, quant verrez qu'il sera temps, vous joindre avec luy, et tenir par ensemble bon entendement

1 Cet envoyé est nommé Lope de Soria, Carroz, son conseiller et ambassadeur audans la dépêche en espagnol adressée, le près du saint-siége. 1 7 avril , par le roi de Castille , a don Luys

à l'adresse de tous nosdicts affaires de par delà, et avancer que l'élection se fâche au plutost qu'il sera possible , à cause que du delay ne saurait venir ou sourdre aucun bien ou prouffit pour nous. Donné audit Barceloine , ce xxe d'avril.

Nous envoyons audict de Nassou lettres aux électeurs selon une minute conceuparZiegler, pour deschargier lesdicts électeurs de leur promesse. Toutesvoyes, comme avons escript audit de Zevenberghe que c'est le secret de ceste matière , il y fault besongnier cautement, affin que ne demeurons deceu et abusé.

Depuis cestes escriptes et ce jourd'huy est icy arrivé Metteneye, qui a apporté touttes bonnes nouvelles de Zuisse et des autres nos affaires par delà; et vous ferons brief repponse à tout. Et sur ce que ledict Metteneye nous a dit de la prorogation de la ligue hereditable de Zwave , se ceulx de ladicte ligue s'adressent à vous pour cestuy affaire, leur pourrez repondre que icelle ligue a encoires à durer bon terme, pendant lequel nous avons vouloir d'aller en Allemagne, et entendre en icelluy affaire et tous autres à leur bon contentement ; car nous ne sommes délibérez les laisser en mains quelconque; et par ces moyens et autres les entretiendrés en tout bon vouloir et devocion vers nous l.

1 Sous la même date du 20 avril, le roi de Castille écrivait à Marguerite d'Autriche et à son conseil privé des Pays-Bas une lettre dont il suffira de consigner ici le sommaire : « Mesures prises pour le change et* la fourniture des deniers au moyen des banquiers Fugger et Welser.

Les ambassadeurs ne doivent rien payer

sans le su et avis de M. de Nassau. Remboursement de 18,000 florins d'or prêtés par Fugger. II faut s'attacher le duc de Juliers, ainsi que les comtes de la basse Allemagne. Réclamations du roi de Danemarck pour la dot de sa femme. Le roi attend de Rome une dispense de l'investiture du royaume dcjfaples, etc. »