LANSSAC À LA REINE MÈRE DD ROI

Touchant le rétablissement de la reine catholique et le mécontentement de ceux des gentilshommes français qui ne seront pas admis à faire partie de sa maison.

Madame, le partement du siéur de Vaulx a esté retardé jusque. s icy affin qu’il vous peut porter nouvelles de l’entière convalescence de la royne vostre fille, dont vous sçaurez la certitude parce que le roy son mari et elle vous en csçripvent : et ne vous en diray aultre chose, sinon que je vous puis asseurer, madame, quelle ne se sent auculnemcnt de sa maladie et qu’il n’y paroist riens ny au visaige ny aulx mains. Je suys après la poursuite de ma despêche, mais j’ai affaire à des gens si longs qu’on n’en pcult venir à bout; si est-ce qu’ils me donnent espérance que je l’anray dans peu de jours.

Madame, il y a beaucoup de gentilshommes et officiers de ladite dame vostre fille qui se trouvent en grant peine pour ce que nous entendons on ne luy veult pas entretenir la moytié de ceulx quelle a amenés, et en veult-on retrancher la pluspart pour y mectre des Espaignols en leurplace, affin que, estant royne d’Espaigne. elle soit,

à ce qu’ils disent, servie par ses subjccts et à la fasson du pays, comme la raison le veult; et aussy qu’il y a icy plusieurs serviteurs du feu empereur et de l’impératrice lesquels il est raisonnable de pourveoir; et pour ceste cause ils luy ont demandé un extraict de ceulx qu’elle a plus recommandez en son estât; lequel extraict elle a faict par l’advis de monsieur d’ambassadeur, de madame de Clermont et de moy, et le leur a baillé. De fasson que si ce qui y est contenu y demeurait, peu auraient cause de se plaindre ; mais pour ce que je crains qu’il s’en fauldra une bonne partye et que partant vostre majesté pourrait avoir par lettres beaucoup de plainctcs et doléances, j’ay bien voulu vous faire entendre ce que dessus, vous asseurant, madame, que mondit sieur l'ambassadeur et moy ne fautdrons à faire tous les bons offices qu’il nous sera possible en faveur de tous, principalement de ceulx que nous cognoistrons estre plus requis et nécessaires pour la suite de ladite dame royne vostre fille, et que nous entendrons d’elle et de maditc dame de Clermont luy avoir esté recommandés plus particulièrement de vostre majesté. L’on nous dict que ceulx qui seront retenus seront fort bien et favorablement traictcz, et qu’à ceulx qui s’en retourneront le roy cathoiicque usera de très-honnestes libéralité*."

Madame, je supplie le Créateur vous donner, en parfaite santé, très-longue et très-contente vye. De Toliedo, le premier. jour de mars tâôq.

Vostre très-humble subject et très-obéissant serviteur,

LANSSAC.

Aa dos : A la royne, mère du roy.

SOUS FRANÇOIS II

LANSSAC à M. LE CARDINAL DE LORRAINE.

l" MARS lS5g.

I) s ci) rapporte, pour les nouvelles, à sa lettre «le ce jour à la reine mère.

Monseigneur, n’estant riens survenu icy depuis mes dernières du xxi* du passé que j’estime digne de vous estre escript, oultre ce qu’il vous plaira veoir par la lettre que j’envoye présentement à la royne mère du roy, je ne vous feray. longue la présente, mais vous diray seulement que j’espère, avec l’ayde do monsieur l’ambassadeur, faire si bonne poursuite pour ma despesche que j’en auray en peu de jours la fin pour m’en retourner en diligence et vous rendre compte plus au long de tout ce que j’auray veu et aprins par deçà. Cependant je vous supplie, et pour jamays, d’estre conservé en vos bonnes grâces, que je salue de mes très-humbles recommandations, pryant le Créateur de vous donner.

Monseigneur, en parfaicte santé, très-longue et très-contente vye. DeTolledo, le premier jour de mars i55ç),

Vostre très-humble et très-obéissant serviteur, LANSSAC.

Au dot : A monseigneur, monseigneur le cardinal de Lorraine, archevesque et duc de Reims, premier père de France.