MINUTE

D’UNE LETTRE ÉCRITE PAR FRANÇOIS II AU DUC DE CHAtELLERAULT.

Touchant le» révoltés d'Ecosse. — Mission de Béthcncourt. — Le comte d'IIaran, (ils

du duc.

Mon cousin, j’aysceu et entendu le bon et grand debvoir que vous avez faict et ce que vous avez employé de moyen et dextérité pour rompre et empeseber les dessaings d’aucuns personnaiges mal advisez, qui, sous prétexte de la religion, se sont élevez et faict tant de maulx et telle insolence que j’ay grande occasion d’estre aussi mal contant d’eulx et de leur maulvaise intention que j’ay de contentement de vous et de l’affection que vous avez démonstrée en ce qui touche mon service, et la faveur et bonne assistance que vous avez faicte à la reine régente, madame ma belle-mère. En quoi je vous prie continuer, et y employer ce que vous aurez de puissance pour essayer de remettre les choses en bon chemin et en la droite voyc, en laquelle je désire que mon peuple chemyne à l’honneur de Dieu

et bien de son église. Et vous assure que jamais ne ferez chose qui me soit plus agréable, ne qui me vienne à plus grande satisfaction , ainsi que j’ay donné charge au sieur de Béthencourt, présent porteur, vous dire plus amplement de ma part, et aussi aucunes choses sur le faict de mon cousin le conte d'Haran vostre fds. Dont je vous prie le croire tout ainsi que vous feriez moy-mesme. Priant Dieu , mon cousin, vous avoir en sa très-sainte et digne garde. Escript à Paris le. . . . jour de juillet iSSÿ.

Au dot : A M. le duc de Chastellerault, du xvif juillet 1569.