DÉPÊCHE D’ESPAGNE

L’ÉvÊQl’E DE LIMOGES AG CARDINAL DE LORRAINE. ao£t i56o.

Il dénonce te secrétaire du comte de Villars comme réfugié ayant pris part au tumulte d’Amboise et parlant mal de la maison de Lorraine. — Opinion du nonce du pape au sujet du concile natioual. — Il demande des gratifications.

Monseigneur, il est arrivé en ccste court ung qui se dict avoir esté secrétaire de M. le conte de Villars, estant maintenant, ainsi que j’ay peu entendre , payeur de sa compaignie. S'estant retiré par la poste jusques à Narbonne, d'aullanl qu’il se trouva à Tours, comme il s’est secrettement descouvert à quelques François de par delà lorsque cestc sédiction y fut, logé en une maison d’où il eschappa , et fut le surplus prins et puni , et procédé contre luy par informations et aultres plus rigoureuses procédures, à ce que l’on peult tirer de ses paroles : d’aultant que j'entends qu’il lenoyt des propos suivant ce que dessus, assez maulvais et mesme de vostre maison, je n’ai voulu faillir à vous en donner advis, affin que si estimés bon que secrettement je le face prendre, il vous plaise m’en advertir et envoyer ce qui sera contre luy en toute diligence, de crainte qu’il ne s’absente. Estant l’inquisition telle et si roidde icy, que ce n’est pas le lieu où tels galands doibvcnt establir leurs repaires. Vous advisant au surplus, monseigneur, que le nunce du pape m’a fait une fort grande instance de ce qu’il dist estre accordé en France, qu’il se feroit quelque assemblée en forme de concile national; me remonstrant le mal qui peult procéder de là au désadvantage de l’église et du saint-siège; en quoy je n’ay failly à lui poyser la nécessité que nostre royaume en avoit, et qu’en ce defifault, si

SOUS FRANÇOIS IL

l’on alloil à la longue et aux parolles, il seroit fort mal aisé que ne feussiez contraint de satisfaire en quelque partie à l’instance qui vous en estoit faite; le priant pour ceste cause en solliciter la prompte célébration, et aider au roy et à vous, monseigneur, à .... ce qu’ils sçavoyent leur estre le plus digne. En quoy il ne semble qu’il s’employe par commandement du pape, sentant assez qu’au commencement ceulx-cy se sont montrés durs et peu enclains à ceste célébration. — Je continueray, monseigneur, par la fin de ma lettre, à vous presser et supplier humblement mectre en considération la despensc que je fais et porte icy, sans que le roy m’ait donné ceste année ung seul escu, ce que jamais en charge ne m’est advenu, estant l’estât de sa majesté si peu de chose; aussi, monseigneur, que de la perte que j’ay faicte en mer, je n’en ay encore senty ni receu récompense ; d’aultant que la partie des six mille livres que le roi m’accorda, lorsque monsieur de Fresne partit de la court, est si mal fondée, que je ne sçay si j’en doybs rien attendre. Tellement que, continuant et temporisant tant que je puis, en ceste despense et perte, je suis forcé, monseigneur, comme à celuy auquel j’ay seul espérance, de me plaindre, et vous supplier qu’il plaise à sa majesté et à la royne mère y avoir esgard, d’aultant que l’abbaye de Chastiz, qu’il vous avoit pieu me faire donner, m’a esté ostée.

Monseigneur, je me recommande très-humblement à vostre bonne grâce, vous disant à Dieu, auquel je prye vous donner, en santé, très-heureuse et longue vie.

J’ay seu depuis que ledit personnaige se nomme Dageuneau.

Au dos : A monseigneur, monseigneur le révérendissime cardinal de Lorraine.

D'une autre main : De la main de l'évcsque de Lymoges. — De moy. — Non enregistrée.