DÉPÊCHE D’ANGLETERRE

LE CHEVALIER DE SEL RE , AMBASSADEUR EN ANGLETERRE , AU ROI. ai SEPTEMBRE >56o.

Touchant l'inexécution, paria France, du traité d'Ecosse et d’Angleterre. — Entrevue a\ec le secrétaire d'état Cécil, avec la reine Elisabeth. — Mécontentement de cette princesse et ses résolutions.

Sire, je receuz jeudy dernier deux despèches de vostre magesté : l’une du dixième de ce moys, par ung de la poste de Boulongne.et l’autre du seizième, par ce porteur. Pour auxquelles satisffaire je despeschay incontinant ung homme des miens à Windesorc, où est encore ceste roync, pour demander audiancc : mais il trouva au sortir de ceste ville le secrétaire Cicill venant icy, auquel il feit entendre l’occasion de son voyage, pour ce que je luy avois adressé, et sus de là il le ramena q liant et luy, disant qu’il n’estoyt besoing que j’allasse encores vers ladicte dame, pour ce qu’elle l’envoyoit vers moy, et falloitque auparavant M. Wothon et luy me veinssent trouver pour me parler de quelque chose de sa part; ce qu’ils feirent le lendemain au matin. Et m’ayant présenté une sienne lettre portant comandement de les croyre , me demandèrent en premier lieu si messieurs de Valence et de Rendan estoient point encore revenuz , suyvant leur promesse, pour vuyder le résidu des différends, ainsi qu’il est porté par le traicté; ou bien si j’avois eu quelques nouvelles de leur retour, disant avoir eu charge ‘de ladicte dame, leur maîtresse, venir icy pour cet effect, affin d’y satisfaire de leur costé ou au moins se y offrir dans le temps convenu , pour faire congnoistre qu’il ne tenoyt à eux que les choses promises ne feussent du tout accomplies. A quoy ils adjouxtèrent encore, pour plus grande preuve du dévoiles

où s’en mettoit ladiéte dame , qu’elle avoit jusques alors attendu si je irois point la requérir de ratiflîer ledict traicté; à quoy elle s’estoyt dès longtemps disposée et préparée : et aiant vcu que je n’en faisois autre diligence, elle en avoit faict faire ung double, qu’ils tirèrent, sur ce propos, d’ung sac, et à icelluy faict mectrc la ratiflication qu’elle avoit signée de sa main cl fait sceller de son grand sceau, et leur avoit commandé de l’apporter pour le me bailler si j’avoys charge et pouvoir de vostre magesté de le recepvoir : ce qu’ils me demandèrent aussi avecques prière et sommation de leur répondre à tous ces points. Je leur dis que le jour précédent j’avois receu une despéche de vostre magesté qui concernoit ce faict, et encore que ce ne feust selon leurs demandes , si espérois-je que ayant faict entendre à ladicle dame ce qui m’estoit mandé par icelle, elle le trouveroit si raisonnable quelle s’en contenteroit. -

Ils me feirent response qu’ils avoient charge de leur maîtresse d’ouyr tout ce que je vouidrois dire là-dessus, et que je ne devois différer de m’en laisser entendre , veu que c’estoit chose qu’ils avoient traictée et estoit remise sur eux : où ils poursuy virent asseï longuement leur projios avecques autres raisons, sans pouvoir riens davantage tirer de moy, sinon en terme* généraulx , pour ne me priver de l’occasion d’aller vers ladicte dame :mais enfin ils me dirent qu’ils n’avoient que faire de m’en presser, uy moins leurdicte maîtresse de plus solliciter vostredicto magesté de ce à quoy ses depputea l’a voient obligés par ledict traicté, sinon autant que vostre commodité porteroit, pour ce qu’ils sçavoient bien, en tout événement, à quoy s’en tenir, et qu’ils rentreroient en leurs actions, lesquelles n’avoient riens perdu des moiens et commodités qu’elles avoient auparavant.

Qui fut cause, sire, que, pottr ne les laisser partir avec quelque mauvaise opinion, je leur touchay sommairement la pluspart de ce qu’il vous avoit pieu nj’cscripre et tuesme la response faicte par delà à leur ambassadeur; dont ils ne se contentèrent aucunement, disans que leur faict ne devoit eslre retardé pour celuy des Es-

SOUS FRANÇOIS II

cossoys, qu’il en cstoit bien séparé et n’y avoit rien de commun, combien que la clause mentionnée en vostredicte response y soit contenue, car elle ne leur peult porter prouffict ny à vostre inagesté aucune obligation , sinon en tant qu'ils l’acquerront par l’accomplissement de la condition dont elle est suyvye; et qu'ils sçavent bien par une aultre response auparavant faicte à leurdict ambassadeur, bien différente de ceste-^y, que le tout ne tend que à longueur. A quov je leur répondis que s’ils vouloient bien considérer la raison, j’estimois qu’ils la prendraient autrement qu’ils disoient, car leur traicté oblige .par trop vostre magestc à l’endroyt des Escossoys pour y passer si légièremcnt par-dessus, et que oultre cela vostre dignité seroyt offencée de s’obliger à ses subjects, avant que de sçavoir autre chose de leur intention; ce que je pcnsois qu’il seroit de tel pouvoir envers leurdictn maîtresse, qu’elle jugeroit combien ce que en avet faict est fondé en raison , sur quoy nous en demourasmes. Et de là ledict Cecille me parla de ces quatre mil écus dont je luy dicts ce que vostre magesté en avoit faict, et néantmoins je ne veulx faillyr de vous dire que je n’en ay encores eu d’autres nouvelles.

Le jour mesme, incontinent après leur parlement, j’envoyay vers ladicte dame pour avoir audience, laquelle elle monstra n’avoir pas grand vouloir de me donner, ayant, comme je croy, desjà auparavant receu la response de son ambassadeur et sceu de lui que j’ayois faict icy à sesdicts conseillers, et sur ce me feist faire response quelle n’avoit pas grande comodité de me recevoir là où elle est et quelle seroit dans cinq ou six jours à Hamtoncourt, où je pourrais aller et la veoir tout à loysir : y mettant néantmoins une réserve que si j’avoys à luy dire chose d’importance, je y pourrais aller quant je vouldrois. Ce que ayant entendu, je m’y en allay dimanche, et envoyay devant pour le luy faire entendre et retenir le logis, qui me fut baillé là où avoit esté le trein et l’ambassadeur d’Espagne, qui y avoit demouré sept ou huit jours, et en estoit parti le mesme jour que lesdicts Cecille et Wotbon s’eu estoient venus en cestc ville.

Le lundi , après dîner, je fus receu de ladicte dame, qui se monstra, dès mon entrée, décontenancée, assez altérée; et néantmoins je ne laissay de luy dire bien doulcement tout ce qu’il vous avoit pieu me commander : luy ayant faict récit des honnestes offres et langaige que son ambassadeur vous avoit usé de sa part et du contentement qu'en aviez eu, ensemble les remerciemens que m’escrivez avec asseurance de trouver tousjours en vous corespondence de la bonne et sincère amytié quelle vous démonstroyt par tels tesmoignages que les occasions pourroient requérir. Et que au surplus vous aiant, son ambassadeur, requis et sollicité de ratilüer le dernier traicté fait entre les depputez de vos magestez, vous luy en aviez faict response si raisonnable , que estimez que l’aiant considérée comme elle en estoit digne, elle la prendroyt en bonne part; dont, combien que l’eussiez faict bailler par escript à sondict ambassadeur, vous m’aviez commandé de luy faire encore entendre la teneur. Ce que je feis , sire, et la suppliay, suyvant icelle , croire que ce que vostre' magesté en a faict n’est pour délayer ny mectre quelque scrupule en la bonne paix et amytié que avez tousjours désiré garder et entretenir avecques elle, ny moins pour rien dimynuer à l'endroyt des Escossoys de vostre bénignité et clémence; avec plusieurs autres choses faisant à ce propos, sans touttefois en rien m’esgarer de ladicte responce et de l'aultre mémoyre que m’avez envoyé.

Sur quoy, après m’avoir assez attentivement escouté , elle me respondit premièrement que l’on cognoistroit tousjours de son costé une sincérité d’amytié et vray désir de la conserver et entretenir perpétuelle avecques vostre magesté , par tous les moyens qui luy seroient possibles : et que à cela pouvoit servir de tesmetignage le zèle qu’elle avoit eu à la pacification des différends, le traictement faict à vos soldats, la comodité qu’elle leur a donné, l’argent qu’elle a faict prester à vos ministres pour leur subvenir, le congé qu’elle leur a libérallement donné à trestous, sans regarder à l’obligation qu’ils avoient passé, tant pour la vuydange du surplus desdicts différends que pour ledict argent et la retraicte et désarmement de

SOUS FRANÇOIS II

toutes ses forces : et davantaige, qu’elle cstoit bien aysc d’avoir esté la première à faire et offrir la ratification du traicté, par où vostre magesté et tout le monde pourroit assez juger de son intention ; mais qu elle voyt bien tout le contraire d’icelle du costé de vostre magesté, et que toutes ces longueurs sont plus fondées sur peu de volunté de satisfaire au debvoir dudict traicté que sur aucune raison , n’estant celle qui a esté alléguée à sondict ambassadeur bonne ny légitime; et s’il l'avoit receu pour telle, ainsi que luy disois qu’il semblât comme homme raisonnable avoir faict, elle ne l’emploicroit jamais en chose de son service, car il n’y a point d’apparance que le faiçt des Escossois doyve retarder le sien , qui n’a rien de commun avecques eulx, ny ne leur peut donner aucune faveur s’ils ne satisfont à ce qu’ils ont promis, dont la condition est si claire en son traicté, que leurs seules actions et déportemens peuvent obliger vostre magesté, et non la ratifücation dudict traicté. Par quoi est bien aisé à juger où tendent ces excuses, avecques ce que vous estes aussi peu soueyé de renvoyer vosdepputés pour parachever la terminaison des choses ainsi qu’il estoit accordé, dont le terme est presque expiré aussi bien que celuy de la ratification. Et d'ailleurs, elle est bien advertie de beaucoup de choses qui se manyent de vostre costé, assez élongnées de l’asseurancc que luy voulez donner en apparance, de sorte qu’elle ne sçauroit recevoir ladicte responce en bonne part, et est bien marrye que les choses ne tiennent meilleur chemin : dont , s’il advient autrement quelle ne désire , elle prie à Dieu de faire démonstration de sa grandeur sur qui aura eu tort.

Je cherchay de l’adoulcir le plus qui me feust possible , et m’efforçay luy persuader et voulloir mieulx considérer la raison de ladicte responce, et que vous promettiez bien tant de son amvtié et bonne volunté, que estant vostre dignité mesléc en cela comme elle est, elle ne la vouldroit soufrir de tant engaiger comme elle seroit, vous obligeant envers ceulx de qui n’avez aultre asseurance : la suppliant vouloir laisser toutes mauvaises oppinions et impressions quelle pourroit avoir au contraire de ce que aviez dict à son ambassadeur, et que je luy avois aussi faict entendre de par vous.

Tant que monstrant se modérer quelque peu, après m’avoir réitéré quelle trouvoit ces excuses très-mauvaises, elle me dict que pour ce que elles estoient fondées sur choses dont la fin se pourroit bien tost voir, estimant que lès Escossoys seront de brief vers vous, elle se résolvoit d’attendre; et qu'il ne tiendra jamais à chose que son honneur et seurcté permette que la bonne paix qui est accordée entre vos magestez ne continue et soit inviolablement observée. Me commandant ainsi l’escripre à vostre magesté , et que si après tout cela il en advient aultremcnt, elle s’en sentira assez justiffiée envers Dieu et le monde, et se résouldra à ce qui en pourra succéder et se tenir au plus seur. Sur quoy je prins congé d’elle, et estant ce jourd’huy de retour en ceste ville, je n’ay voulu faillir vous renvoyer incontinent ce porteur pour vous advertir de tout, ainsi qu’il vous a pieu me commander.

Sire, je supplie, etc.

De Londres , ce xxmi' jour de septembre 1 56o.

• ( Copie non signée.)

EXTRAIT

Dtmt carrez de moksiecb de sarna A messeignecbs les cabdieal di lobbaiwi