Ü90 NÉGOCIATIONS
dicte future espouse de vingt mille livres tournoys de rente annuelle et viagère, la vye durant d’icelle dame seullement, franchement et quictemcnt de toutes debtes; avec un chastel ou maison pour sa demeure, tel qu’il plaira nommer audict sieur son futur espoux, fourny de meubles jusques à la valeur de deux mille escuz , pour en joïr par ladicte dame sitost que douaire aura lieu : lequel douaire sera porté et payé pour moytié par lesdicts enfans du second mariage si aucuns en y a ; soit que lesdicts enfans soient héritiers dudict sieur duc de Nyvernoys leur père, ou qu’ils se tiennent à ladicte donnation. Et lequel douaire demeurera entièrement esteint par le décès de ladicte dame, comme diet est; et n’en pourront lesdicts enfans dudict mariage, ou héritiers, aucune chose demander, fors les arrérages qui en pourvoient estre deubs lors dudict décès.
Et moyennant ce, ladicte dame Adrienne de Touteville, pour la bonne amour quelle porte a ladicte dame future espouse sa fille, a quicté et promis acquicter icelle de tout ce quelle pourroit debvoir jusques à huy. Et aussi ladicte dame future espouse quicte ladicte dame duchesse sa mère de toute l’entremise et administration quelle auroit eu par cy-dcvant de tous ses biens et revenus jusques à huy, tant à cause de la succession dudict feu sieur, son père, que autrement, à quelque cause ou occasion que ce soit : et en ce faisant demeureront les fruicts et deniers qui en sont deubz et escheuz jusques à huy, au prolfit de ladicte dame Adrienne, duchesse d’Estouteville , sans aucunement desroger ou préjudicier au douaire d’icelle dame sur ledicl conté de Saint-Pol et autres terres et seigneuries de ladictc succession dudict feu sieur duc de Toutteville, père de ladicte dame future espouse. Promettant, etc.
Fait et passé & Saint-Germain-en-Laye, le deuxième jour d’octobre, l’an mil cinq cent soixante, pardevant nous, secrétaire d’estat du foy et de la maison et couronne de France.
DE L’AUBESPINE
SOl'S FRANÇOIS II.
MÉMOIRE
DK CR QUI A ETE DIT RT REPRESENTE AU ROI CATHOLIQUE , PAR MONSEIGNEUR L'EVEQUE DE LIMOGES, AMBASSADEUR DE S. M. T. C.
