LE CARDINAL DE LORRAINE A M. LE DUC D'AUMALE

10 OCTOBRE l56o.

Au sujet des réunions de bailliage pour les remontrances qui doivent être présentées aux prochains états généraux qui seront tenus A Meaux. — Départ du roi pour Orléans.

(Biblioth. royale, fonds Delainare, n" 9484.)

Mou frère , j’ai veu ce que vous m’escrivei de la difficulté que ceulx de vostre gouvernement font de s’assembler en chacun baillage, pour adviser à ce qu’ils devront remonstrer aux estats généraulx qui se doivent tenir à Meaulx en décembre prochain 1 ; disant qu’ils ont accoustumé de convenir tous ensemble en une ville de

1 On sait qu'à l'assemblée de Fontaine- qui indiquait, pour le to décembre, la bleau , le u6 août, on avait publié an édit tenue des états du royaume à Meaux.

SOUS FRANÇOIS II

vostre gouvernement, et là se résouldre des affaires du pays. Je vous advise, mon frère, que cela a esté faict ainsy par toutes les provinces de France, et mesme en celles qui se gouvernent par assemblées d’estats, aussi bien que Bourgongne; alïin que plus particulièrement ceulx des pays puissent considérer leurs affaires et mieulx remonstrer leurs plainctes pour y estre pourveu par le roy, comme il désire; aussi pour éviter les grands frais qui se font à la convocation desdicts estats. Par ainsi, mon frère, le meilleur sera que vous laissiez faire la publication des lettres qui ont esté escrites aux bailliages de vostre gouvernement, et suivre par eulx la forme y prescripte : leur faisant entendre que c’est pour leur commodité qu’il a esté ainsi ordonné , et aflin que le bien et le mal qui y sera soit mieulx entendu pour le soulagement des subjects. Qui est tout ce que vous aurez de moy pour ceste heure, vous ayant hier esté faicte une despcsche expresse pour vous faire achemyner à Orléans, où le roy s’en va et part présentement d’icy. Priant Dieu, mon frère, vous donner bonne vyc et longue. De Sainct-Gcrmain-en-Laye, le x' jour d’octobre i56o.

Vostre antièremant meilleur frère et amy, CHARLES,

Cardinal de Lorraine.

Au dos : A mon frère, monsieur le duc d'Aumalle, pair de France, gouverneur et lieutenant général du roy en Bourgongne.