POLE L'ASSEMBLÉE DES ÉTATS GENERALE
NOVEMBRE lS6o.
De par le roy.
Nostre amé et féal: comme dès nostre advénement à la couronne, nous ayons sur toutes choses désiré et procuré que Dieu lust servy en intégrité et pureté de religion catholique, en moyennant, en tant qu’il nous a esté possible , que toute doctrine erronée fust extirpée du cœur et entendement de nos subjects, et davantage que nostre peuple fust soulagé et relevé des grandes charges qu’il porte, procédant de la calamité des guerres qui ont longtemps duré; nous vous avons bien voulu adverlir que, pour venir à l’cflcct et but de
SOUS FRANÇOIS II
ccste. intention , nous avons faict assembler en ce lieu les princes de noslre sang, les gens de nostre conseil privé, inarcschaux de France, gouverneurs et chevaliers de nostre ordre, avecques lesquels nous avons consulté les moyens qui peuvent estre propres tant pour se réconcilier à Dieu , nostre Créateur et Rédempteur, en constituant ce qui est convenable au service de sa majesté divine; comme aussi pour relever le pauvre peuple qui vit soubs nostre obéissance du grant faiz qu’il porte et a cy-devant porté. Lesquels estans tous assemblés, après y avoir meurement pensé, nous ont tous d’un accord proposé deux poinetz : le premier, la réformation de l’église par ung bon concile général , si tant est qu’il se puisse aisément obtenir; ou bien cependant par une assemblée des évecques, prélats et autres membres de l’église de nostre royaulme; et l’autre, la convocation des trois ordres qu’on appelle les estats généraulx , pour, en plaine assemblée d'iceulx , oyr et examiner les plaintes de tous les aflligés, et, sans exception de personne, y donner tel remède que le mal le requiert ; les soulager en tant que les affaires de nostre estât les pourront porter, et y pourveoir de sorte que chacun puisse cognoistre le zèle qu’avons de leur faire sentir les fruietz qu’ils attendoient, tant de la paix qui est, par la bonté de Dieu, universelle en la chresticnté, que de nostre perpétuelle amour et bénévolence envers eulx. Laquelle proposition nous a semblé non-seulement utille, mais aussi très-honneste pour, au commancement de nostre règne , rccongnoistre la grâce que Dieu nous faict en nous maintenant ceste volunté de procurer que toute corruption soit desracinée de son église, et d'ailleurs reprendre l’ancienne forme de communiquer, par le moyen desdits estats, avecques tous ceulx de nostre obéissance, et leur faire congnoislre combien nous désirons les favoriser en tout ce qui touche leur repos et soulagement, et aussi confesser ce que, selon l’exigence des nécessités du royaulme, ils font pour nous; mais d’autant que la convocation desdits estats nous a semblé devoir précéder l’assemblée éclésiastique, tant pour estre universelle des trois ordres, et que les matières qui y seront proposées y ponr-
fi38 NÉGOCIATIONS
ronl prendre briefve résolution , et pour avoir plus de temps et loisir à procurer la célébration du concile général, selon l’espérance que nostrc sainct-père le pape, l’empereur, le roy catholique et autres princes nous en ont donnée. En quoy n’avons obmis ny obroettrons cy-après faire tout office à nous possible, comme aussi pour ne différer plus à oyr les plaintes et doléances de nostre peuple, ausquellcs désirons promptement remédier. A cestc cause, vous advertissons et signifiions que nous commancerons & tenir lesdits estats le \r du mois de décembre prochain, en nostre ville de Meauh. « Si ordonnons et vous enjoignons qu'ayez incontinent, les présentes veues, à faire entendre à tous ceulx de vostre ressort, et qui autrement sont sous vostre charge , qu’ils ayent à s’assembler, selon la coustume et ainsi qu’il fut gardé et observé aux derniers estats tenus en la ville de Tours, pour conférer ensemble des plaintes et doléances qu’ils auront à proposer par leurs dcppultés qu’ils cuvoveront en l’assemblée desdits estats. ■ Comme aussi de ce qui leur semblera tourner au bien public, soulagement et repos d’un chacun. Cependant nos lieutenans et gouverneurs des provinces visiteront respectivement leurs villes et autres lieux de leur charge, pour entendre par le menu, et après nous rapporter les doléances du peuple ; adviseront aussi ce qui sera utile d’estre ordonné pour le bien des provinces et leursdits gouvernements, en leur faisant entendre le désir que nous avons de les soulager, que pour l’advenir avons en cest endroict maintenant commancé par la réduction des tailles à l'estât où cy-devant elles estoient en temps de paix ; avecques espérance de faire mieulx, selon que nos affaires cy-après le pourront porter. Et au regard des évesques, prélats et membres de l’église de nostre royaulme , lesquels, selon les exortations par nous faites, sont retirez en leurs diocèses et lieux où ils doivent résidence, oultre ceulx qui seront depputez par les provinces pour se trouver èsdits estats, nous les advertirons de se tenir lors prests et appareillez pour s'encheminer vers nostre ville de Paris, et se retirer là par où nous serons pour pouvoir estre et comparoir au xx' de janvier au
SOUS FRANÇOIS II
lieu qu’entre icy et ledit temps nous leur ferons entendre , afTtn qu’estans là assemblez, et oyz tous ceulx qui auront à remonstrer quelque chose concernant l’honneur de Dieu et réformation de son église, lesquels nous entendons y pouvoir comparoir, venir et retourner en toute liberté et seureté, ils advisent par ensemble ce qui sera digne d’estre remonstré audit concilie général, où il y auroit apparence qu’il se tint bientost; et attendant iceluy, retrancheront et réformeront ce que, par intermission des concilies, négligence des prélats, et autrement par corruption du temps, leur semblera digne d’estre retranché et réformé comme choses répugnantes à la doctrine de Dieu et des saints concilies de l'église. Cependant vous ne fauldrez de tenir l’œil ouvert, et donner ordre que les esprits malings qui pouroient estre composés des reliques de la rébellion et tumulte d’Amboise ou d’autres gens studieux de nouvelleté et d’altération d’estat (si aucuns en y a) soient tellement descouverts et, selon la sévérité de nosdits esdicts, relenuz que, par leurs machinations, soubz quelque prétexte qu’ils les couvrent, ils ne puissent corrompre ceulx qui les peuvent escouster; attirant les simples à leur faction par exemples de leur impunité, et soubz la confiance de la clémence dont cy-devant avons usé (ou autrement par leur artifice) n’altèrent la transquillité de nos bons et loyaux subjects; lesquels (Joibvent attendre toutes bonnes choses de l’yssue de si sainctes assemblées qui se feront bientost, soit pour appaiser l’ire de Dieu et establir ce qui concerne son service, soit pour retenir la concorde et unyon qui doibt estre entre les hommes, et mesmement entre ceulx qui ne recongnoissent qu’un seul Dieu et ung roy. A tant, etc.
LK MOI Ali PRÉVÔT DE PARIS.
1 I NOVEMBRE I 56o.
Sa majesté donne avis de la translation des états À Orléans. (Ms. Colbert, vol. a5a, in-fol.)
