LE DUC DE GUISE À M. LE CONNÉTABLE

l5 OCTOBRE l56o *.

Compliments de condoléance sur 1a mort de son petit-fil». — Nouvelles du prince de Condé , du roi de Navarre, des troubles d'Angers et de Montbrun , retiré dans le Comtat, où Lamolbe-Gondrin a ordre de l'aller châtier.

Monsieur, j’ay receu vos lettres du xm de ce moys par ce gentilhomme présent porteur, estant bien marry de la fortune qui est advenue à madame la mareschale de Montmorency, vostre belle-fille, pour la perte qu’elle a faicte de son petit fils et de ce quelle est malade, dont il fault louer Dieu et se conformer à sa volunté; estant encore jeune comme elle est, elle en pourra avoir d’aultres, ne doubtant point que vous n’en portes tous ung grand regret.

Quant aux nouvelles qui se présentent pour ceste heure, j’ay bien voulu vous advertir, comme sa majesté n’a point changé d’avis, laquelle a esté advertye que le roy de Navarre et monsieur le prince de Condé s’en vycnnent à bonnes journées. Quant k la Guyenne, les nouvelles continuent tousjours telles que vous avez entendues pour le faict de la religion ; mesme à Angers sont survenues quelques nouvelietez où le roy délibère de bien pourveoir. Quant à Montbrun,

1 Soue la date des 1 6 et 1 8 octobre, mais lettre du maréchal de Trrmes, et une

à l'article qui suit du procès du prince de autre du roi de Navarre, non moins inté- Condé, nous avons placé une curieuse ressente.

il a abandonné sa maison, et s’est retiré en une ville du Contât, ayant sa majesté mandé à monsieur de la Mothe-Gondrin qui le suive et chastie comme il mérite. Voylà, monsieur, tout ce qui se présente pour ceste heure, dont j’ay bien voulu vous advertir, comme j’espère que je feray cy-après s’il survient quelque chose : me recommandant humblement à vostre bonne grâce. Priant Dieu, monsieur, qu’il vous ayt en sa garde. De Toury, le xv* octobre 1 56o.

Vostre bien humble amy,

FRANÇOIS DE LORRAINE

Au dos : A monsieur, monsieur le duc de Montmorancy, pair et connestable de France.