LE ROI CATHOLIQUE AO CARDINAL DE LORRAINE

DO l4 JUILLET )55g.

Touchant la mort de Henri II. — Don Loys Ponce de Léon.

Mon cousin, je me déporte de vous dire le regret que j’ay eu des douloureuses nouvelles de la mort de feu monseigneur mon bon père et frère le roy très-chrestien, tant pour nous en refreschir la playe que pour me tenir tout certain que vous pouvez assez comprendre combien et moy et tous aultres qui le ont aimé et estimé le ressentent. Ettouttefois, pour faire l’offre que je doibz à monsieur mon bon frère le roy très-chrestien moderne, je n’ay voulu remettre d’envoyer de delà le seigneur don Loys Ponce de Léon , auquel j’ay donné charge de vous aller visiter de ma part , qui me gardera de faire ceste plus longue, sinon pour vous requérir de le croire en ce qu’il vous dira, comme feriez à ma personne propre. A tant, mon cousin , nostre Seigneur vous ail en sa sainte garde. De Gand, ce xiiu' de juillet i55<).

MOI LE ROI