I.E CARDINAL CHATILLON À MONSIEl R LE CONNÉTABLE

, sS rémiEfe 1559.

Touchant le don qu'a fait le Languedoc nu connétable; disposition du chancelier Olivier. — De l.i reme mère et de madame de Mûutpcnsicr. — Craintes de guerre avec l'Angleterre. — L'amiral mandé à A ni boise.

Monseigneur, s’en allant monsieur de Montpezat, présent porteur, «levers vous, je n’ay voulu faillyr de vous faire response à ce qu’il vous a pieu me faire entendre par Dupin , que vous voulez que je face pour vos affaires en ceste compaignie; par lequel j’ai esté pareillement très-aise d’avoir entendu si amplement de vos bonnes nouvelles; et pour commencer par ce que vous m’avez mandé du don que le pays de Languedoc vous a faict ceste année de xvm mil livres, et à monsieur le comte de Villars de vi mil, et à monsieur Joyeuse de iii mil 1 , je n’ay failly, suivant vostre intention , aussitôt que je suis arrivé en ce lieu, d’en parler à monsieur le chancelier, lequel n’a différé, pour aultre occasion, à en despécher et sceller les lettres qui luy ont esté présentées par vos gens, sinon parce qu’il les a trouvées très-mal faictes et d’une forme peu seure et non accoutumée , parce qu’il est porté par icelles que ledit pays laict offre et don des sommes susdites, s’il plaist au roy; de quoy il avoit adverti vos gens pour les faire refaire. Et a pareillement semblé à monsieur de l’Aubespine que les lettres précédentes en pareil cas, dont il dict en avoir despêché aucunes, n’estoient faictes en ceste forme, qui a esté occasion que monsieur le chancelier luy a donné charge de les refaire, et y user d’une aultre voye, lui ayant semblé meilleure d’en faire deux lettres, l’unes adressantes auxdits estats dudit pays de Languedoc, par lcscpielles il leur permet de vous faire ledict don et l’approuve; l’aultre adressante à vous pour le recepvoir : lesquelles doibvent dès ce jourd’huv estre despêchées. Vous advisant, monsieur, que j’ay trouvé ledit sieur chancellier fort affectioné à

1 Voir ci-dessus, p. i3q et i/»o

SOUS FRANÇOIS II

tout ce qui vous touche; et s’il n’est si prompt à despêcher comme par cy-devant a esté le cardinal de Sens , il ne vient d’aultre chose que d’une pesanteur et gravite qu'il a toujours eue et qui est née. avec luy, ayant voulu tousjours payer et digérer les choses premier que les dépescher l. Et quant aux x mil livres restant du don qui vous avoit esté faict l’année passée par ledit payâ pour ayder à payer vostre rançon, premier que je fusse arrivé en ce lieu, il en avoit scellé les lettres, comme pareillement monsieur de Beauregard avoit relaie* les lettres du bailliage du Cotantin, et les avoit baillées à vos gens. Je n’ay pareillement failly, monsieur, de parler à la royne mère pour les terres que vous tenez du doumaine du roy, qui dcsjà en a commancé à parler à ces messieurs qui sont autour de luy : sur quoy on faict quelque difficulté pour la conséquence, et actendu que ung chacun laisse ce qu'il en tenoit; si est-ce que je ne laisseray d'en parler encores et essaîer à conduire cela et tout ce que m’avez mandé à quelque bonne fin, s’il m’est possible. Quant aux cinquante mil escus restant du don que le feu roy vous feist pour payer vostre rançon, je n’ay encores trouvé ladite dame à propos pour luy en parler et regarder quelque moyen de vous assigner et dresser de ceste partie; mais bien ay parlé à madame de Montpensicr 2, qui monstre avoir fort grande affection à tout ce qui vous touche, pour luy parler pour vos confirmations de vos capitaineries, m’ayant semblé meilleure pour ce faict faire ouvrir ce propos par elle, quène

1 « François Olivier, personnage illustre par son intégrité, par la politesse et l'agrément de son esprit, par sa sagesse et son expérience des affaires. Le cardinal de Lorraine, en retirant les sceaux à Jean Berfrandi pour les conGer à un homme si zélé pour la justice, avait cru éblouir par là le peuple crédule, à qui la réputation des grands hommes fait goûter presque toujours les réglements les moins justes ;

mais Olivier fut trompé le premier Il

passa le reste de ses jours dans un honteux

esclavage, jouet de l’ambition des grands et exposé à raille dangers , sous un gouvernement arbitraire. » ( De Thou. )

* « Jacquette de Longvic, de la maison aucienne de Givry, issue de celle de Ch a a

Ion et des Palatins de Bourgogne Du

temps du roy Henry, elle eut beaucoup de faveur, car elle devint plus habile et gouvernoit fort la reine. Le roy François 11 vint à son règne , où elle put beaucoup , car je l'ai veue également bien gouverner le roy et la reyne. * ( Brantôme.)

doubte que ladite dame ne voudrait prendre argent de vous pour lesditcs confirmations, non-seulement en si petite somme, mais en beaucoup plus grande. Je n’ay pareillement obmis à parler au roy à ce qu’on ne touche aui deniers qui ont esté par vous consignez au greffe de la court de parlement de Paris , pour le prix du décret de la terre du Belley, au cas' que sa majesté levast, par emprunt, les consignations estant au greffe de ladite court , dont j’ai faict faire le ■commandement à monsieur de l’Aubespinc, et lui ay baillé la minute des lettres que m’avez envoyées, qui les doibt incontinent dépescher. Remectant au reste à parler au roy pour la douzaine d'arbres que vous demandez de la forest de Neufville, jusques sur la fin, et alors que j’auray parlé des aultres choses qui importent plus.

Qui est, monsieur, satisffaict à tous les poincts que m’avez mande par ledit Dupin, et parce que ledit sieur de Montpezat, présent porteur, vous pourra faire amplement entendre le branle et doubte en quoy nous sommes d’entrer en guerre avec les Anglois pour les démonstrations qu’ils font de nous vouloir clorre tous les passages, et empescher que le secours que le roy veut envoyer en Escosse n’y puisse entrer : chose qui viendroit si mal à propos , comme trèsbien vous entendez , qui a esté occasion que depuis quatre ou cinq jours monsieur l’admirai mon frère a esté mande *. Je ne m’estendray à vous en faire aultre discours ny redite par ceste lettre, à laquelle je feray fin, après m’estre très-humblement recommandé à vostre bonne grâce, suppliant le Créateur vous donner, monseigneur, en parfaicte santé, très-longue et heureuse vie. D’Amboyse, ce xxv” février 1 56o.

( Prop . mari. ) Monsieur, j’espère pouvoir partir de ceste court pour vous aller trouver environ le VI* du moys qui vient. Il est vray

' On prétexta l'apparence d'une guerre contre l'amiral de Chastillon et le sieur prochaine avec l’Angleterre pour mander Dandelot. et pour cela les ht mander à la

à Amboise les seigneurs de Chàtillon , que cour, où étoit le cardinal , leur frère, qui

le cardinal de Lorraine n'eût pas été fâché les devoit cependant avoir asset justifies de comprendre dans les conjurés dont il par les devoirs qu'il rendit à cette occasavait déjà les projets. « 11 eut ce dessein sion. • ( A Ad. atu r \fin i. de Castelnau )

SOUS FRANÇOIS II

que je iray passer par Chastillon, là où je n’arresteray que troys ou quatre jours affin que plus tost je puisse avoir ce "bien que de vous veoir : ce que désire bien fort

Vostre très-humble et très-obéissant nepveu,

Le Cardinal de CHASTILLON.

Au dos : A monseigneur, monsieur le duc de Montmorancy, pair et connestable de France.