Montigny-Lencoup, canton de Donnemarie-en-Montois

à Fontanailles* et à Grioit; item, Ix arpanz de boys que mestre Miles de La Brouce tient de lui séans delez Coutançons ;

Item, la partie que Guillaume a es haies de Brie : cest asauoir en la haie de Moutiers* et en la haie dou ChastcP ou il a luitieme en lune et la sezieme en lautro dou il ne set la somme.

Cest le fey que Guiot dou Pré tient à Fontenailles : premièrement, sa meson dou pre et ses iardins qui sont en viron, et xxxii arpens de terre arable, et vij arpenz et demi de prez, et vi libres et xs. de cens, et viij setiers et iiij mineaus dauene de coutumes et toutes lor suiuances et ij arpenz et demi de vignes séans tout en la paroisse de Fontenailles; item, liiij arpenz de boys séans à La Nooe Jart ;

Item, iiij^^ arpenz de boys et xxx arpens de terre arable seanz delez Coutençons; item, iiij libr. de cens et xxiiij arpenz de bois séanz en la paroisse de Fontenailles à la Flatouere* et au chemin de Grosbec, les boys que il a achatez de un escuier que len appelle Perrinet de Villouis^ qui fu des ayrs'' de Avelli" les quiex cens et les quiex boys leu tenoit de Guiot en fuy* a orre le tendroit de vos en fey se ainsinques estoit que il ne le fut retrait, que li anz et li lors nest pas passez; cest tout ceu de quoi il est apensez que il teigne de vos fors de ceaius qui teinnent en fey de lui et il les tient de vos en fey.

— fo 2 —

Ce sunt cil qui tiennent en fyeu de Guiot don Pré : Jacques de Bezart" vi arpenz de terre et la moitié dou clos dou bois; La famé feu Blondiau, de La Charmée, iii arpenz de terre; Thomas Moreaus,de Fontins"^, vi arpenz et demi de terre au Noier; Jehen Rigoute, de La Charmée, v quartiers de terre et sa meson; Jehen li gendres, de La Grandie*', v arpenz et demi de terre;