L'Espoisse, commune et canton de Nangis

6. Peut-être le Moulin à vent, commune de La Chapelle-Rablais, section du cadastre.

si comme il se conporte parmi le ru et enuiron iiij arpenz de terre arable desus leitan par deuers Fontins; item, le molin de Lepoisse et le sauçoi delez le ru de leitan par deuers Fontins; item, enuiron xii arpenz do terre de sus le moulin par deuers Fontins; item, le sauçoi Grile et j arpent de terre de sus le sauçoi ; item, enuiron iiii arpenz de terre et les vignes qui sient delez le chemin qui vient de Fontins à Nangis iuque au sauçoi qui est desus le bois de Lepoisse ou len dit au Sauçoi Gros et totes ces choses tient ele dou dit escuier et se plus iauoit plus en voudroit tenir de lui.

— fo 3 —

Cest le fey que Jahen de Vernou tient de monsour Gautier Le Cornu por lui et por sa sœur : xxxvi arpenz de boys a larpent de Champaigne delez les boys a lopital de Coutençons.

Cest li fuy que li enfant au feu Moine, de La Chapelle de Erabloy, tienent de mon sour Gautier Le Cornu : cest asauoir lor meson et le iardin et vij arpenz de terre derieres séanz.

Cest le fey Agnes, de La Chapelle de Erabloy : sa meson ou elle maint et sa granche et iiij arpenz de terre en terre meson et tout, et li doit XV d. o. de cens a la Saint Rémi de lotise qui fut Gillet Le Forestier, et lendemain de Noël, les iiii parz de i chapon de ce meimes, et si tient iiii arpenz et demi de terre de vers la haie, et arpent et demi a La Flatoire, et xv quartiers au Trembles et doiuent xlv d. de cens a la S. Remj.

Cest le fie que Jehen Déniant tient de mon seignor Gautier Le Cornu a Monceaus' : sa meson et tote la porprise et xv arpenz que pré que terre et xxxiij s. de cens a la Saint Rémi et ij setiers dauene iiij chapons d"". iiii pains quariau d.

Et Henri li mères de Monceaux tient de Jehen Déniant de par la reson de la merie : sa meson et xiij arpenz et demi de terre arable ou toute la porprisse de Monceaus; item, itient de icelui seigneur ij arpenz de terre arable et vi d. de cens a la feste Saint Remy quites mon seigneur Gautier;

Item, celé dite merie vaut entor xxx s.; item, Jehens li Queuz tient de Henri enriere fié iij arpenz de terre arable et sa meson à Monceaux ou toute la porprisse et est cilJehens en lommage Henri;