ENTRE EUX

Charles, par la grâce de Dieu Roy de France, à nostre amé et féal conseillier Pierre des Essars, chevalier, grant bouteillier de France, prevost de Paris et souverain gouverneur de toutes les finances venues des aides ordonnés pour le fait de la guerre, et aus generaulx conseilliez sur ledit fait salut et dileccion. Savoir vous faisons que, tant pour consideracion des bons et agréables services que noz amez et feaulx chevaliers Regnauit de Coucy, seigneur de Vrevin1, Gobert et Barat de la Bove, frères, nous ont faiz ou fait de noz guerres et autrement, comme pour leur aider à supporter les grans fraiz et despens qu'ilz ont soustenuz pour estre venuz à nostre mandement où ilz ont demouré et vacqué par l'espace de neuf sepmaines, montez et armez suffisamment à certain grant nombre de gens d'armes, sicomme ilz dient, et pour certaines autres consideracions à ce nous mouvans, Nous leur avons donné et donnons, de grâce especial, par ces lettres, la somme de mil frans d'or, à les prendre et avoir pour une foiz des deniers desdiz aides et partir entreulx par égal porcion. Si vous mandons et expressément enjoignons que, par Alexandre le Boursier, receveur gênerai d'iceulx aides, faites paier et délivrer à nosdiz chevaliers ou à leur certain mandement laditte somme de mil Irans par la manière que dit est, sanz aucun delay. Et nous voulons que, par rapportant ces présentes et quictance d'eulx sur ce, icelle somme, à eulx ainsi paiée et délivrée, soit alloée es comptes dudit gênerai receveur et rabatue de sa recepte par noz amez et feaulx gens de noz comptes à Paris, sanz aucun contredit. Non obstant autres dons par nous à eulx autreffoiz faiz ou à aucun d'eulx, non exprimez en ces présentes, et quelconques ordonnances,