BALLADE V

Longtemps me dura la léesse

Beau doulx frère, que je vous dy ; Car ma belle plaisant maîtresse Plus et plus toujours m'abelly

Et plut ; car son doulx cuer vouloit Au mien plus de bien qu’il n'avoit ; Et cette léesse joyeuse

A toute heure me présentoit

Sa belle beauté gracieuse.

Son joyeux regard plain d’humblesse, Son plaisant maintien seigneury, Son doulx parler qui en tristesse Ne me laissoit jour ne demy,

Son beau corps gent, joliz et droit, La fraiche couleur que portoit

Sa douce accointance amoureuse, Sa loiauté qui tant valoit,

Sa belle beauté gracieuse.

Fol. 76 | |

Celle fut m'amour, ma déesse ;

Et son noble cuer m'enrichy

Tant, que de si haute princesse Voult que fusse nommé amy,

Qui toutes les beautez avoit

Que bouche deviser pourroit,

Et de grâce fut eureux

Plus qu'autres ; mais toutes passoit Sa belle beauté gracieuse.