AVRIL

Item Dierick ende Aelbrecht Bouts grehruederen, wettig*e kinderen meesters Dierix Bouts schilders, die hy heeft van Katlynen wilen Van den Brug*gen die men hiet Metten gelde, zynen y ersten wive, ten by wesen ende met consent desselfs vaders, qui eos prius modo delito emancipavit, ende afflrmerende dat dit gedaen wert in orbore ende prouffite gemeynlyck der

selver gebruederen ende oick van Katerine ende Gertruyde hueren susteren, in presencie hebben gekint ende gelydt openbaerlyck dat de selve hueren twee susteren prius emancipatas en den gfodshuyse daer inné zy zyn, opdat zy daer inné professie doen selen, in deyling'çn volgen ende toebehoeren ende tôt eeuwige dage bliven van allen den g-oeden chysen renten oft pachten hen gebleven ende verstorven van ende nae de doot der yoirseide wilen huer moeder, ende die hen bliven mochten ende versterven van ende nae de doot desselfs meesters Dierix huers vaders, het zy dat zyn beruerlike oft onberuerlike goede, met wat name genoempt, vliegende erve oft andere, die thien mudden corens goet ende payabel maten van Lovene erfpachts, die huere ouders voirscreven behielden met deylingen van scepenen brieven van Lovene, van der daet xiiiic tsestich, xvii in december, aen ende op 't hoff ende goede van Leefdale die Janne Van Leeuwe ende Gertruy den Van der Bruggen, geheeten Mette gelde, zynder weerdynnen, in^deylingen vielen, nae inhoud der brieven dâir af synde, op welken erfpacht voirseide de voirgenoemde twee gebrueders tôt behoef der voirscreve huere susteren ende der cloesteren dair zy inné geprofessyt ^elen wordden, opdat sy tôt professien comen ende anders niet, volcomelic halmelic ende met rechte geworpen gerenuncieert ende vertegen hebben ende gelooft dair af altyt genoech te doene, wair zy dair af te luttel hadden gedaen, zoo dat dat tôt eeuwigen daigen vast ende zeker hen zy, by alsoe nochtan dat de goidshuysen dair zy inné geprofessyt selon wordden terstont als die professie gesciet eer dese vorseide kinnesse op hen slaen sal oft stat gripen moigen, den voirseide gebruederen geven selen huere brieve in der bester

formen met verdrage ende consent van hen allen gemaict ende behoirlic besegrelt ende by hueren oversten gpeapprobeert, dair mede zy renuncieren selen^ mits den voirscreven thien mudden corens erflic, aen allen den rechte, actien ende g-edeelte dat sy in den name der selver gesusteren alsdan hebben selen oft naemaels in eeniger toecomende tiden hebben mochten in eenige andere goeàe hâve oft erve chyse rinten oft pachten beruerlyc ende omberuerlyc, waer die geleg-en zyn oft bevonden mochten wordden, van wien die oie den selven susteren bliven aencomen vallen oft versterven mochten in eenigen manieien. Coram Vos, Heykens. Aprilis penuUima *.

(Greffe échevinal de Louvain , V* chambre, registre de Tannée 1474-1475).

]Vo 3.

Les fils de TAierri Bouts, Thierri et AlheH, partagent, pardevant les échevins de Louvain, les biens que leur avaient laissés lewrs parents.

22 JOiN 1476.

Cont zy allen lieden dat eene deylinge ende scheydinge geschiet ende gemaect zynde tusschen Diericke Bouts, ter eender, ende Aelbrechte Bouts, zynen brueder ter andere syden, sonen wilen meester Dierix Bouts,

* En marge : Dupliciter : una pro monast&tio de DommeU, ubi sorores jam morant'U7^j et aliapro fratribus.

scilders, die hy achtergelaeten heeft van wilen Katlynen Van der Brug*gen gelieten Metten ghelde, synen yersten wyve, ten bysyne ende met consente Henricx Van der Bruggen alias Mettenghelde, oem der voirseide gebruederen Bouts van huerder moeder weg-en, ende Gielys De Vos als bnrgrermeester der stat van Lovene, in de stat der maegrhscap van huers vaders weghen, aise van den goeden hierna bescreven. Te wetene, van den steynen huyse metter porten savoeren ende den anderen twee cleynen huyskens metter schueren neven een gelegen in de Mynderbruederstrate, tusschen thuys ende hof der voirseide gebruederen Bouts, dair Jan Tybe inné te wonen plach ende nu bewoent Lysbeth Van Voshem, weduwe der voirseide wilen Dierix, ende den goeden der erfgenamen Everarts wilen Van Wynghe te Ledichstraten weert, op d'een zyde, ende den goeden des cloesters van Percke te Mynderbruederen weert op d'andere, achter weert streckende totter wyngarde der voirseide twee gebruederen. Item van den selven wyngarde metten hove in een gelegen metten gebruyke van den waterputte staende achter thuys Gielys wilen Hanckart, nu toebehoerende Janne Waute, tusschen den goeden der erfgenamen des voirseide Everarts Van Wynghe, Janne Waute ende tcloester van Perke op d'een zyde, tselve cloester op de andere twee zyden ende den voirscreven hoff der voirseide twee gebrueders Bouts op de vierde. Item van eenen stuck wyngarts alsoet gelegen is op den Eoeselberch tusschen den goeden der weduwen Van Honshem op d^een zyde ende Mathys Vandendale op dandere. Item van eenen gulden peter der munten hertogen Philippus van Bourgoignien ende van Brabant goet ende ghinge te wetene achthien stuvers der munten tshertogen voirseide, de stuver te m plecken

voir den selven peter g'erekent erflic vàllende jaerlix te kersmesse aen ende op een huys metter schaelgien ende allen zynen toebehoirten Jans Slachmolders, geleg'en in de Craechofstrate tusschen den g-oeden Jacops de Raymakere, op deene, ende Janne Vanderbrugghen g-eheten Metten ghelde, op dandere zyde, te deylen. Soe zyn bleven ende gevallen der voirseiden Dierieke Bouts in zynder deylingen tvoirscreven steynenhuys metter vouten ende camers daer boven, porten savoir ende allen zynen toebehoirten, metten g-edeelte van der schaelgien ende bout, alsoe tselve erve van voir tôt achter van den anderen erve dat den voirscreven Aelbrechte in d^eylingen gevallen is, aldaer verscbeiden ende geteekent staet streckende totten hoeke van den ghevel want van den voirscreve II cleynen buyse die den vorseiden Aelbrechte in deyiingen gevallen syn ten alsoe voert dratrecht achterweert totten hasellere staende aen den vorscreven wyngaert getekent omtrent der middelt van den voirscreven hove. Item tghedeelte van den vorscreven wyngarde ende hove metten gebruyke van den waterputte vorgenoemt, te weten tghedeelte dat ghelegen is te Ledichstraten weert, tusschen den goeden der erfgenamen des voirseiden wilen Everarts, Jans Waute ende tcloester van Percke in twee syden ende tghedeelte dat den voirseiden Aelbrechte in syn deylinghe gevallen is, ende aldaer van malcanderen verscbeiden is, op d'andere. Op den commer van seveii guldene Eyders der munten ons genedichs heeren tshertogen Philips saliger gedachten goede ende ghinge erflic van dien acht gelike ryders erflic, die diverse persone te zekeren gheltdagen opt voirscreven steynenhuys, op. de twee cleynen huysen metter schueren, hoven, wyngarde, en op thuys ende hof

dair de voirseide weduwe des vorseiden wilen Dierix innewoent, jairlix hebben. Item es noch gevallen den -voirseiden Diericken in zyn deyling-he den voirseiden peter erflycop thuys metter schaelgrien toebehoerende Janne Slachmolder g-elegen op de Craechofstrate. Item syn bleven ende gevallen den vorseiden Aelbrechte Bouts in zyn deylinghe de voirscreve twee cleyne huyse metter schueren ende der gedeelte van der schaelg'ien ende hove also die dair van den vorseiden erve des vorseiden Dierix verscheiden staet, greleg-en naest den selven erve des vorseiden Dierix, ten Mynderbruederen weert, tusschen den goeden des voirseiden cloesters van Percke, streckende achterweert totten vorseiden wyngarde ende hove dair achter gelegen, tusschen tghedeelte des voirseiden Dierix op deen zyde ende den goeden des voirseiden cloesters van^Percke op dandere twee zyden, op den commer van eenen guldene ryder der munten voirseiden, erflic van dien achte gelike ryders erflic vorseide, die diverse persone opt voirseiden tsteynenhuys ende op d'erve vorseiden dat den vorseiden Aelbrechte in deylingen gevallen is, ende oie op thuys ende hof dat de vorseide weduwe besedt, jairlix hebben. Item is noch gevallen den voirseiden Aelbrechte in zynder deylingen tvorseide stuck wyngarts gelegen op den Eoeselberch, op den commer dair uutgaende. Op de vorweerden ende condicien hier nabescreven, te wetene, in den yersten dat de voirseide Dieric ende Aelbrecht malcanderen gelooft hebben ende elx anders erve voirseide tôt eeuwegen dagen tontheflFen ende quyt te houden van zynen gedeelte der voirseide acht ryders erflic, naden onderscheide voirscreven, ende elc zyn quote van dier renten jairlix te betalene also in tyts, dat deen voir danders gedeelte niet gepraempt en sal

zyn. Ende in meerder vesticheit van dien hebben zy deen den anderen malcanders erve voirseide met consente tsheeren van den g-ronde in title van wettigen onderpande tôt eenen pande gesedt. Vort is vorweerde dat de camers staende boven de voirseide voûte hueren overspronc tôt eeuwegen dag'en alsoe dien nu is hebbien ende behouden sal op den vloer van den huyse dair de voirseide weduwe inné woent, dat zy besidt tôt huerer tocht ende dair af dat de voirscreve Dieric ende Aelbrecht erfliede zyn, maer des sal tselve huys in dien staet hebben ende behouden tôt eeuwegen dagren den solder staende boven de vorseide camers, also tselve huys dien tôt hier toe g-ehadt heeft. By also de besitters van den vorseiden steynenhuyse ende den huyse voirseide dair de voirseide weduwe innewoent, tôt eeuweg'en dagen gehouden zuUen zyn te houden van goeder :reparacie tack staende boven de selve camer te geliken coste. Item es vorweerde dat de vorseide Dieric tsynen coste sal doen maken ende houden teeuwegen dagen eenen dooden vrede oft met wyngartrancken oft roesellers, int dweerste staende achter den voirseiden hof boven neven den vorseiden wyngaert, welcken vrede begynnen sal aen den vorseiden geteeckent hasellere staende aen den voirseiden wyngart, omtrent xxxji voete verre ten erve weert, der erfgenamen des voirseiden wilen Everarts van Wynghe, ende desgelix eenen geliken vrede van dair vorts beghynnende ende nederwaerts ghaende ter Veedemerct weert totten teekenen staende in den muer aldair neven derve des vorseiden cloesters van Percke, ende dair af den vorseiden Aelbrechte en synen erve voirseiden ontlasten. Item sal tvorseide erve, dat den vorseiden Dierick Bouts in deylingen gevallen is, hebben zynen waterloep doir derve vorscreven, dair

<le vorseide weduwe des vorseiden wilen Dierix innewoent dair naest grelegen te Ledichstraten weert, alsoet tôt hertogeloepen heeft ende anders niet. Item is vort vorweerde dat getogen sal wordden van den hoecstile van den ghevel waude der voirseide twee cleynen huysen vorseide, die den vorseiden Aelbrechte in deylingen g'evallen zyn, eenen draet recht g'aende totten vorseiden geteekent hasellere staende achter inden vorseiden hof boven aen den vorseiden wyngart omtrent der middelt van den vorseiden hove, dair op dat de vorseide Aelbrecht eenen derden vrede wyngartrancke oft roesellers sal doen maken ende dien tôt eeuwegen dagen houden van den vorseiden hasellere ter Mynderbruederen straten weert totten porten van den voirseiden hove des vorseide Dierix dair aen neven de hemelicheit. Ende van dair vort eest vorweerde dat de vorseide Aelbrecht terstont ter vorseide straten weert totten vorseiden hoecstile tsynen coste sal doen maken een gescipte omtrent x V« voeten uuter eerden hoeg-he, weclk gescypte de vorseide Aelbrecht ende de besitters der erve vorseide die hem in deylingen gevallen is tôt eeuwegen dagen gehouden suUen zyn also te houden in goeden state, zonder daer opte tymmeren oft hoeger te mogen maken, oft ten erve wert des vorseiden Dierix daer inné eenighe vynster oft gâte te hebben, mair des sal tôt eeuwegen daeghen derve vorseide des vorseiden Aelbrechts also hem dat in deylingen gevallen is, hebben den waterloop over derve ende onder de porte voirseide des voirseiden Dierix, alsoet tôt hertoegeloepen heeft ter straten uut. Item noch is vorweerde dat de vorseide twee cleyne huyse, die den vorseiden Aelbrechte in deylingen gevallen zyn, ter zyden van de vorseide schaelgyen wert des vorseide Dierix gheen lîcht noch vynsteren

hebben en sal, ende die vynster ende dore die daer nu in den g*hevelwaut staet, sal de vorseide Aelbrecht toemaken. Ende ten slote eest vorweerde dat de tymmeringhe van den vorseiden twee liuysen die den vorseiden Aelbrecht in deyling-en gelyc vorscreven is g*evallen tôt eeuwegen dag'hen zuUen bliven staende alsoe die nu staet op den muer van der vorseiden steynender porten van voir tôt achter, zonder weder* seggen des voirseidenDierix oft zyndernacomelingen, mair des sal die metselrie soe verre die tymmeringe vorseiden daer op staet gehouden worden van goeder reparacien by den vorseiden Aelbrechte en zynder nacomelingen. Ende dese deylinghe ende vorweerden aile ende yegewelk vorseide hebben de vorseide gebrueders Bouts malcanderen geratificeert ende geaprobeert, ende elc op des anders gedeelte behoirlyc, na rechts vertegen, ende vorts elc den anderen van des voirseiden is, gelooft genoech te doen wair dat zy ergerens te nauwe hier af gedaen hebben, also dat elcken van hen ende hueren nacomelingen vast ende zeker sal moigen wezen. Coram Pynnoc, Cock. Jnnii xxii.

(Même greffe, 111' chambre, registre de l'année 1475-1476).