In debitis
COMPTE
nent ladicte nef, en chascun desquelz il a mis une grosse cheville d’argent ; et avoir ressoudé et redrécié l’un des chiens du bout d’icelle nef. Pour ce, pour argent, dorer et façon, par quittance donnée le premier jour de juillet, l’an mil ccc iiijxx et vij. 48 s p.
Audit Simonnet, pour sa paine et salaire d’avoir appareillié une des roes de la nef d’argent dorée de madame la Royne, et avoir ressoudé et rassiz un lyon d’argent emmantelée, sur un des bous de ladicte nef. Pour argent et façon, 1 2S p.
Summa . 1921 18s4d ob. parisis.
Ouyraiges de broderie, pour le Roy nostre sire, pour madame la Royne, et pour monseigneur le duc de Thouraine, faiz et délivrez par le temps de ce présent compte.
A Robert de Varennes, brodeur, armeurier etvarlet de chambre du Roy nostre sire, pour deniers à lui paiez, qui deubs lui estoient, pour les parties de broderie qui ensuivent : C’est assavoir, pour la broderie faicte par lui sus deux longues houppellandes de satin vermeil en graine, l’une pour le Roy nostredit seigneur, et l’autre pour monseigneur le duc de Thouraine. En chascune desquelles a bâtons doubles appellés copeis , faiz au travers d’icelles houppellandes tout du lonc et au travers des manches, entre lesquelz bastons sont faictes de broderie, ceintures et lettres qui dient Espérance, et plumes aux bouz avecques annelès faiz de broderie de fil d’or et d’argent de Chypre, et fleurettes de mars semés parmy. Toute ladicte broderie faicte d’or et d’argent de Chippre, et de plusieurs soyes. Pour ce, pour façon et estoffes de
DE L’ARGENTERIE DU ROI. 193
chascune houppellande, par marchié à li faict, 961 p., valent 1 92! 1 p.
A lui, pour la broderie faicte par lui en et sur deux houppellandes courtes faictes de drap vert, l’une pour le Roy, et l’autre pour monseigneur le duc de Thouraine : C’est assavoir, en chascune une ceinture de broderie d’or, cousue de vert, et les lettres qui dient Espérance, d’or cler, et les blouques et mordans de fil d’or et d’argent de Chippre. Pour ce, pour la broderie de chascune houppellande , par marchié à lui fait, 1 12ls p., valent 1 1 1 4 s p .
A lui, pour la broderie par lui faicte en et sur deux jaquettes de veluiau vermeil en graine, l’une pour le Roy nostredit seigneur, et l’autre pour monseigneur le duc de Thouraine : C’est assavoir, avoir fait de broderie deux grans bandes de fil d’or trait de Damas, du large de une palme, qui se prennent au costé destre au dessoubz desdictes jaquettes, et vont par dessus l’espaule tout autour, et se lassent les derreniers bous au laz du costé senestre, et est en manière d’un grant annel ouquel il a un autre petit annel pendant, fait et ouvré de semblable broderie, dedens lesquelz il a fait grosses lettres faictes de fil d’or trait, qui dient Espérance, et entre chascune lettre grosses frèzes ou boutons, ouvrez et fais de fil d’or trait. Et pour lassier pardevant lesdictes jaquettes, sont fais et ouvrez de broderie gros boutons d’or trait, et sont yceulz annelès ouvrez par dedens de fin or de Chippre et de soyes menuement ouvré, et lesdiz anneaulx bordez sur le hault, tout autour, de fil d’or trait de Damas. Pour ce, pour ladicte broderie faicte par ledit brodeur, pour peine, or de Chippre, soyes et autres estoffes, excepté
COMPTE
fil d’or trait qui lui a esté délivré de garnison. Pour ce faire, pour chascune jaquette 36^., valent 721 p.
Et de garnison, sans pris, de fil d’or trait de Damas,
x onces.
Audit Robert de Varennes, pour la broderie par lui faicte en et sur deux autres jaquettes de satin vermeil en graine, pour lesdiz seigneurs, en chascune desquelles il a fait huit ceinctures de broderie, faictes et ouvrées de fil d’or de Chippre et de soie de plusieurs coleurs; dont les quatre ceinctures sont assises par derrière, et sont faictes lettres dedens y celles ceinctures qui dient Espérance, et menuz poins entre les lettres, faiz et ouvrez de fil d’or de Chippre, les blouques et mordans desdictes ceinctures faiz et ouvrez de fil d’or et d’argent de Chippre,, et en chascune jaquette huit autres ceinctures semblables sus les manches, font xxxij ceinctures : C’est assavoir, pour chascune ceincture faire, ouvrer et asseoir par la manière que dit est, et pour estoffes 40 s p., valent 64 1 p.
Ycelles jaquettes délivrées devers lesdiz seigneurs, le tiers jour de mars, CCC iiijxx et vj.
Audit Robert de Varennes, pour la broderie par lui faicte en et sur deux manteaulx de drap vert, doubles, à chevaucher, l’un pour le Roy nostredit seigneur, et l’autre pour monseigneur le duc de Thoraine : C’est assavoir, sur chascun d’iceulz manteaulx une tige de geneste, faicte et ouvrée de broderie d’or cousue de soye vert et d’autres colleurs et les costes faictes d’or nue, ycelles tiges contenans chascune deux aulnes et plus, et assises sur les diz manteaulx ; et s’étent ladicte tige ou costé destre et va tout autour par dessus
DE L’ARGENTERIE DU ROI
l’espaule et se ferment ou costé senestre. Pour ce, pour peine, sallaire, façon et toutes autres estoffes,
pour chascune 2S01 p., valent
A lui, pour deux semblables tiges, faictes et ouvrées de la divise dessusdicte, mises et assises, comme dessus, sus deux houpellandes pointes de satin vermeil en graine, pour lesdiz seigneurs. Pour chascune, 201 p.
comme dessus, valent
Yceulz manteaulx et houppellandes délivrées devers lesdiz seigneurs, le xxiije jour de mars, CCC iiijxx et vj.
A lui, pour deux longues ceinctures de broderie, faictes par lui de fil d’or de Chippre et de fil d’or trait, en chascune desquelles sont faictes au lonc lettres qui dient Espérance, et petites plumes faictes de broderie entrelacées èsdictes ceinctures; et les blouques et mordans d’icelles ceinctures faictes de semblable divise, et dedens chascune un cerf volent, de fil d’argent blanc et brodé de fil d’or trait, et testes de lyons et annelès de fil d’or et d’argent entretenans. Lesquelles ceinctures sont mises et assises en et sur un manteau de veluiau vermeil en graine : C’est assavoir, l’une par devant, qui se prent en la poictrine du costé destre et descent tout au lonc dudit manteau, et l’autre par derrière, semblablement assise, et avec ce deux renges d’annelès de fil d’or et d’argent de Chippre, assises semblablement sur ledit mantel. Ouquel ouvrage de broderie a esté mis 5 onces d’or trait de Damas, de garnison, à lui bailliées par l’Argentier. Pour ce, pour peine, sallaire, fil d’or et d’argent de Chippre, soye et autres estoffes, pour chascune ceincture, 361 p., valent 721 p.
COMPTE
Et de garnison de fil d’or trait de Damas, sanz pris,
v onces.
A lui, pour la broderie par lui faicte sur deux courtes houppellandes de drap vert, et deux chapperons, pour le Roy nostredit seigneur et pour monseigneur le duc de Thouraine : C’est assavoir, en chascune une tige ou branche de geneste de fil d’or cousue de soyevert, et les cosses faictes de fil d’or de Chippre. Lesquelles branches sont assises entour le collet des dictes houppellandes . Pour chascune 8 1 p . , valent 1 6S p . Et pour deux autres petites branches de genestes, faictes de semblable broderie, mises et assises en la pâte de chascun desdiz chapperons, la pièce 20 s p., valent 40 s p . Pour tout 1 8 1 p .
Yceulx manteau, houppellandes et chapperons délivrés devers lesdiz seigneurs, le vje jour d’avril avant Pasques, l’an mil CCC iiijxx et vj.
Audit Robert de Yarennes, pour quatre branches ou tiges de genestes, faictes et ouvrées de broderie d’or cousues de soye vert, avec les costes faictes et ouvrées de fil d’or de Chippre, et la graine, de soye noire. Ycelles mises et assises : C’est assavoir, deux sur l’une des manches d’une longue houppellande d’escarlate vermeille, pour le Roy nostredit seigneur, et les deux autres sur une semblable manche d’une longue houppellande de mesmes pour monseigneur le duc de Thouraine. Pour ce, pour chascune manche garnie et brodée comme dit est, délivrée devers lesdiz seigneurs, le xxe jour d’avril, CGC iiijxx et vij, 1 04 s p. Valent KPSsp.
Et de garnison d’or trait, une once.
Audit Robert, pour la broderie faicte par lui en et
DE L’ARGENTERIE DU ROI
sur xxvj houppellandes de drap vert, faictes et ordonnées par le Roy nostre sire, et pour xxv autres seigneurs pour le premier jour de May : en et sur chascune desquelles il a fait, mis et assis une grant branche de geneste de broderie d’or, cousues de soye vert avec les cosses de fil d’or de Chippre. Laquelle branche est assise et se prent la racine en l’espaule destre par derrière, et desent par dessoubz le bras senestre et se lace ou quartier devant en la poitrine. Pour ce, pour peine, salaire et façon, avec toutes estoffes, au pris de 6 1 8S p. la pièce, valent 86*8^.
A lui, pour la broderie faicte par lui en deux courtes houppellandes de veloux vermeil en graine, l’une pour le Roy nostredit seigneur, et l’autre pour monseigneur le duc de Thouraine : C’est assavoir, en chascune houppellande, grans losanges larges, ouvrées de broderie d’or de Chippre, à un point au travers d’icelles et aussi au travers des manches ; et en chascun coing desdictes losanges sont atachées et tenant une petite pallette d’argent dorée fin vermeil, faicte d’orfaverie en manière d’une losange. Esquelles houppellandes et en ladicte broderie sont entrées environ 900 desdictes losanges. Pour ce, pour salaire, façon, avec fil d’or de Chippre et autres estoffes sanz l’orfaverie, pour tout, 84 1 p.
Et de garnison, d’or trait, une once.
A lui, pour avoir garny de fil d’or de Chippre et d’or soudis environ viijc lx queues d’ermines, mises et assises sur un grant mantel de veloux vermeil en graine, fourré de hermines; pour ce, pour peine, sallaire, fil d’or de Chippre, or soudis et autres estoffes, pour le Roy nostredit seigneur, pour tout, 16^.
COMPTE
Ycelles houppellandes et manteau délivrées devers lesdiz seigneurs, le xviij0 jour de may, l’an mil CCC iiijxx et sept.
A lui, pour la broderie faicte par lui en et sur deux longues houppellandes de drap vert, l’une pour le Roy et l’autre pour monseigneur le duc de Thouraine : C’est assavoir, une branche ou tige de geneste en chascune d’icelles, faictes d’or de Chippre, cousues de vert. Lesquelles se prennent et se noent sur les espaules en dessendant tout contreval par la fante d’icelles. Et les boutons, faiz de semblable broderie. Ycelles houppellandes délivrées devers lesdiz seigneurs, le pénultime jour de may, CCC iiijxx et vij. Pour ce, pour peine, sallaire, façon et estoffes de chascune houppellande, 191 4S, valent 38 1 8 3 p.
A lui, pour la broderie faicte par lui en et sur deux longues houppellandes faictes d’escarlate vermeille, l’une pour le Roy nostredit seigneur et l’autre pour monseigneur le duc de Thouraine : C’est assavoir, en la manche senestre, en chascune, une branche de genestre ouvrée de broderie de fil d’or cousue de rouge et de soye vert. Lesquelles branches vont autour desdictes manches, etparmy entrelacées deux ceinctures de broderie et lettres qui dient Espérance. Délivrées devers les diz seigneurs le derrenier jour de may, ccc iiijxx et vij . Pour ce, pour peine, façon et estoffes de chascune 1 0 1 p., valent 20 1 p.
A lui, pour la broderie par lui faicte en et sur deux courtes houppellandes d’escarlate vermeille, l’une pour le Roy nostredit seigneur, et l’autre pour monseigneur le duc de Thouraine : C’est assavoir, en chascune six branches de geneste de fil d’or, cousues de vert. Les-
DE L’ARGENTERIE DU ROI
quelles sont mises et assises sur les coustures des corps et des manches d’icelles houppellandes. Pour ce, pour paine, sallaire, façon et estoffes desdictes houppellandes, 5114sp.
A lui, pour la broderie faicte par lui en et sur deux autres courtes houppellandes de drap vert, l’une pour le Roy nostredit seigneur, et l’autre pour monseigneur le duc de Thouraine. En chascune desquelles il a fait une branche de geneste de broderie, faicte et ouvrée de broderie de fil d’or, cousue de vert. Lesquelles se noent sur les espaules d’icelles houppellandes et vont tout autour du colet, et se lacent par devant. Pour ce, pour façon et estoffes de chascune houppellande, 81 p. Valent 1 6 1 p. Pour ce, ès dictes parties de broderie faictes par ledit temps, par quittance dudit Robert, donnée le viije jour de juillet, CCC iiijxx et sept.
1 1 1 1 12is p.
A Colin le Roy, brodeur, demourant à Paris, pour deniers à lui paiez, qui deubz lui estoient. En et sur ungs gans de parement pour le Roy nostresire, lesquelz il a brodez autour et fait en chascun un gros bouton de perles. En laquelle broderie il a mis deux onces de perles de plusieurs sortes et une pièce de bisète de fil d’or de Ghippre. Pour ce, pour peine, salaire et façon, perles et autres estoffes, par marché à lui fait et par sa quittance donnée le xxiiij e jour de juing, l’an mil CCC iiijxx et vij . 1 9 1 4 s p .
A Robert de Varennes, brodeur, armurier et varlet de chambre du Roy nostre sire, pour deniers à li paiez, qui deubz lui estoient, pour les parties de broderie qui ensuivent : C’est assavoir, pour la broderie faicte par lui sur deux manches de deux houppellandes, de
COMPTE
satin vermeil en graine, pour le Roy et monseigneur le duc de Thouraine : C’est assavoir, en chascune manche deux branches de geneste de broderie, mises et assises au travers desdictes manches. Pour chascune manche, 1 1 1 4S p. Valent 221 8S p.
A lui, pour la broderie faicte par lui sus un grant manteau de veluiau vermeil en graine pour le Roy nostresire : C’est assavoir, dessasis deux longues renges d’annelès de broderie et en lieu d’icelles avoir fait et assis branches de genestes de broderie, entrelacées au Jonc dudit manteau. Pour ce, 1 9 1 4 s p .
A lui, pour la broderie faicte par lui sur deux longues houppellandes de drap vert, pour le Roy et monseigneur le duc de Thouraine : C’est assavoir, en chascune une branche de geneste de broderie, assise au dessoubz de la manche senestre en manière d’un croissant. Pour chascune houppellande , 61 8S p., valent 121 16s p. Pour tout, ès dictes parties, par quittance donnée le viijejour de septembre, l’an mil CCC iiijxx et sept. 54 1 8 s p.
A Estienne Bièvre, dit le Hongre, brodeur et varlet de chambre de monseigneur le duc de Thouraine, pour deniers à lui paiez, qui deubz lui estoient, pour la broderie par lui faicte en manière d’une ceincture de broderie, par li mise et assise sur une hoppellande de chamois pour ledit seigneur. Pour ce, par quittance dudit Estienne, donnée le viije jour du mois de may, mil CCC iiijxx et vij . 1 9 1 4 s p .
Et de garnison, d’or trait de Damas mis et emploié en ladicte ceincture, sans pris, une once et demie.
Audit Estienne, pour la broderie d’une petite ceincture de plusieurs coleurs et lettres qui dient Espé-
DE L’ARGENTERIE DU ROI
rance, par lui mise et assise sur un chappeau de bièvre pour monseigneur le duc de Thouraine, et bloques et mordans de fil d’or de Ghippre. Pour ce, par quittance donnée le xxxe jour du mois de mars, l’an mil ccc iiijxx et sept. 61 8S p.
Summa . 101 01 16s parisis.
Et . 2 marcs, 2 onces, 1 0
esterlins argenti deaurati tracti de Damasco.
Madrés et Cailliers, pour le Roy nostre sire, pour madame la Royne et pour monseigneur le duc de Thouraine1.
Joyaulx d’or et d’argent, pour le Roy nostre sire, pour madame la Royne et pour monseigneur le duc de Thouraine, baillés et délivrés par le temps de ce compte.
A Jehan du Vivier, orfèvre et varlet de chambre du Roy nostre sire, pour deniers à lui paiez, qui deubz lui estoient, pour les parties qui ensuivent ; C’est assavoir, pour avoir fait et forgé une verge d’or fin et d’argent blanc, partie pour deux moitiez, l’une moitié d’or, et l’autre d’argent nest, esmaillée par dedens à lettres blanches et par dehors à K et à E entrelaciez tout autour dudit annel. Délivré devers la Royne, le xije jour de janvier, CGC iiijxx et vj. Pour ce, or, argent et façon dudit annel, pour tout, 61 8S p.
A lui, pour avoir fait et forgié une autre verge d’or fin pour ladicte madame la Royne, en laquelle il a mis un dyamant de son Inventoire, fait et mis en ladicte
