LE DIT DE LA RÉBELLION

Mais bien tenir ne les vaudroit.

Trestous ainsi le vous feront :

Des pais, y aras-tu souvent

Qui ne tendront foy ne couvent,

Car mal tailliées sont et cousues ;

Tele pais ne sont pas tenues

Des Anglois, où il n'a fiance.

Or sachiez dont , Roys, sans doutance,

Que tant comme Englois te sauront

Prez d'eulz , que pais à toy n'auront.

Ne ne te donront convenant.

Por coy penses durement

Aquerir, ne jà ne le lesse;

De cause et raison as expresse,

Qu' Englois ne facent leur devoir.

Fai leur tantost apercevoir

QueGascoingne est de toy tenue.

Soit, ce n'est pas descovenue,

Et te fais seigneur droit clamer

De tout ce qui est deçà mer.

Soit la mer borne et dessevrance

De l'Engleterre et de la France;

Car nul qui atcnt que soit fait,

Tu n'auras bonne pais de fait ;

Ne doit avoir succesion ;

Au lis n'avez li portion,

Liépart, por ce qu'en avoutire

11 prent sa sustance et matire.

Non fait aussi que le lyon

Qui ne garde discrétion

En son sexe corporelment

En parlant esperitelment.