LE DIT DE LA BOURJOSSE
A sa famé ala, si H dist maintes fois
Plusiex mos qui sunt molt à Jhesucrist cortois.
« Dame, dit li horgois, por Dex je vous requîer, Donez aus povrcs genz qui en ont granl mcstier. Vous avez bien de quoi; Diex devez mercier. De vostre enfant pensez, et si le tenez chier. »
— « Sire, dist la borjoise, tout à vostre talant Aus povres genz donrai assez et largement ; De vostre enfant aussi penserai voirement ; Jà pis n'aura de moi, sachiez certainement. »
Cil l'en a marcié; puis manda son curé,
Qui ses droiz 11 donast quant l'ot bien confessé.
Lors a-il le morsel de la mort enduré
Qui n'espargne nullui fort, foible, n'aduré.
Grant duel fist la borjoise, sachiez, de son mari. Car moult pert en cest siècle qui pert un bon ami. A tant me voudrai taire, plus n'en parlerai ci ; De son (il vous vueil dire comment il fu nouri.
La dame l'ama moult, mentir ne vous en quier; Tant l'ama que le fist avesques lui couchier. Il crut, et en barmi grant fu fort et legier. De li ne vost sa mère tant ne quant esloignier.
Li valez devint granz, si fu en bon aage De soi apercevoir; si dit en son courage : « De gésir o sa mère certes c'est grant folage. » De ce qu'elle le seufre ne la tint pas à sage.
11 s'en vint à sa mère et si l'aressonna : « Mère, dit li valez, entendez à moi çà. Faites-moi faire .i. lit ailleurs, où coucherai; Ne gerrai plus o vous, par Dieu qui tout forma!
ff Je vous dirai por quoi. Ce seroit grant folie; Nature me semont, de ce ne doutez mie, A péchié de luxure par aucune foie :
Si veil ailleurs gésir sanz faire grant détrie. *
Sa mère le regarde, si l'en pesa forment. Car ele l'ama moult, sachiez certainement; A nul mal n'i pensoit; si li dit erraument : « Ailleurs n'iras gésir, par mon commandement.
« Bien sai à quoi tu penses, de ce n'estuet douter : Tu veus aus folles famés aler et abiter Por destruire ton cors et du tout affoler. Je te couroucerai se plus t'en oi parler. »
Li fil dit à sa mère que plus n'en parlera ; L'anemi les escoute, qui moult grant joie en a : A péchié de luxure trestoz .ij. les metra, Dont la borjoisc à mort, se il puet, traitera.
La nuit , que il durent au lit aler gésir, L'anemi fu moult prest, qui les voudra traïr : Le fil fist à sa mère engendrer sanz mentir. Quant ol fait son malice en li n'ot qu'esjoir.
Encor leur fera pis, si corn orrez conter.
La borjoise engroissa ; lonc lens prist à penser
