LE DIT DE PERECE
Se il n'est bien deus tans de cels Qui sont laidement pereceus Que des autres qui ne font mie, Qui font que fols, vez la folie; Se de ce ne se désaerdent, Le los du monde et Dieu en perdent, Que c'est un lait mortel péchié.
Au monde a maint cors entechié Qui ne veut partir de son aise Por fère ce qui à Dieu plaise, Ainz norrist sa char en tel guise Qu'au déable en fet tel servise Que s'âme est laidement soillic, Et d'âme en viuté tooillie N'a Diex cure q'o soi la mêle, Quar il ne veut fors chose nele :
Gom cil qui est tout sanz ordure, De chose saillie n'a cure.
Cil qui par perece issi oevre Come j'ai dit, bien li descuevrc, Se il ne s'en est confessé Ainz qu'il soit de mort a presse, S'âme s'en ira au déable, Et qui fet à service avable ; Mes cil qui en péchié demeure Ne voit onques ne lieu ne eure De geler s'en par confès estre, Miex li venist qu'il fust à nestrej Si ne doit l'en tenir nul conte Fors de la dolereuse honte Que par perece a déservic.
Une gent voi qui sont en vie
Et de lor cuers ne vuelent trère,
Qu'en cest monde vueillent bien fère
Et sevent bien qu'il se mesfont;
Ce fet perece, qui se font
En lor cuers, si que ne le lesse
Aler qu'el puisl fors en la lesse,
Se ce est à corre péchier;
Mes la ver veut aperecier,
De la lesse tost les deslie
A aler fère la folie
Et au bien fère les encorde.
Fols est cil qui ne s'en descorde
Quant il se sent si encorde
Que de bien fère est descordé.
Qui perece voudroit corrompre, En sa lesse n'auroit que rompre; Cil qui se voudroit atirer A bien fère, par bien tirer Auroit tost la lesse rompue Par qoi valor est corrompue.
11 n'est nul si pereceus homme, Ce croi, par saint Piere de Rom me, Qui aucune foiz n'ait corage De lessier son mauves usage ; Si tost corn l'en vient volenté , Ainçois que ce fust talenlc, Por perece rompre et desfère, Devroit emprendre le bien fère.
De ce repraing mains chevaliers
DE PERECE. G\
Qui bien connoissent les aliers
De bien tenir bachelerie
Ou la bêle vavassorie.
J'ai véu aucun bacheler,
Ce ne vous vueil-je pas celer,
Qui estoit preus et large assez :
Quant un petit estoit lassez
De mètre le sien et despendre,
Si penssoit un petit atendre
En son païs tant qu'il éust
Mueble de qoi r'aler péust;
Et quant de mueble estoit refet,
Enprendre ne voloit le fès
De r'aler comme fet avoit,
Que par péchié qui en avoit
Est de tout prendre et ralentir
L'avoit si pris, que consentir
Ne se pooit à ce reprendre
Dont non de preudom péust prendre.
Lors le saisissoit avarisce
Par perece, qui à ce visce
L'avoit de sa lesse eslessié :
Gomme failli s'estoit lessié
Prendre à la honteuse mauvaise.
Honi soit de séjorner l'aise
De qoi l'en est mauves tenu!
Qui en armes s'est contenu
Ou se contient, comment ele oevre,
Plus qu'il n'i a mis i recuevre.
El monde n'a si haute vie Com de maindre en bachelerie
Qui à droit la set maintenir ; Mes pou s'i sevent contenir; Si lor pri que l'estre en apraingnent, Sanz perece, larguece empraingnent, Et sanz orgueil toute cointise; Gels qui bien iront en tel guise Ne pueent Faillir à valoir.
Fols est qui met en nonchaloir Ce dont il puet à bon chief trère.
Chevaliers qui ne se veut fère Droit bacheler, tost doit entendre A tel vavassorie emprendre Dont son pais li sache gré.
Vavassorie a un degré Où pereceus ne puet monter, Que trois pas n'i a aconter; Le vavassor qui ces trois monte Est si haut mis que nule honte Ne puet à son cors aprochier, S'il n'en chiet par aperecier:
Or se gart qu'il ne s'aperece, Si ert toz jors en grant hautece.
Loiautez est le premier pas, Le secont celer ne vueil pas, Fet est de débonéreté ; Le tiers si est de largeté :
Cest degré est fet de riche oevre.
Quant par monter cil i recuevre, Qui que veut, si très grant renon Qu'il a de preudomme le non.
DE PERECE. 63
Se toz (iemoranz i montaissent Et bachelers à droit alaissent , A mes compaignons faz savoir Qu'encor fussent toz plains d'avoir Et honorez par grant noblece, Dont sommes toz hors de perece, Qui maint cors a desacenssé.
Aucuns ont eu en penssé, , Selonc lor dit , de nous bien fère Que nous n'en poion retrère.
Quant du doner lor souvenoit, Perece en tel point les menoit Que la promesse regardoient Et en pereçant la gard oient, Que le don estoit avorté Ausi corn perece amorté , Si qu'el les a trop miex bonis Que el n'a nous bien demonis, Qu'el lor a tolu, ce me samble, L'onor du monde et Dieu ensamble ; S'en sui dolent et coroucié.
Cil qui trueve chemin forchié Dont chascun for à droit Pavoie, Moult est fols quant il se desvoie Por aler une fausse sente, Dont chascun forvoié le sente.
L'un for, si est bachelerie, L'autre si est vavassorie ; Qui à droit l'un des chemins oirre, Preudom est , bien le devez croire.
