DE VÉRITÉ

Mais tu n'oses par aventure ; Tes mestres qui t'ont pris en cure

Ne vueulent mie, Qu'il ont paour que je ne die Leur fausseté , leur félonnie,

Leur maie tèche :

Chaz scet trop bien quel barbe il leiche.

Que s'il te tiennent en leur creiche

N'ont mie doute Que fortune à court les débouté; Maiz folz devant qu'il prent, ne doute.

Hay, Hay !

Par poy que je ne di trahy.

Tu aimes ceus qui font hay :

Péril y a.

Geluy qui forma Maria Confunde qui ce te mena,

Et il te doint Mener ton pais si à point Que de maie mort soient point

Ti anemy Avant que soit la Saint-Remy, Et qu'il te souviengne de my

Arrière mettre.

Ici vueil deûner ma laitre Si com je m'en say entremettre.

A ma requeste, Roy, fai sus ceste chose enqueste :

Lors trouveras Vérité preste. »

ExplicU.

£t Bit ht la CHueut ht ïttnart '♦

Ms. 1132, supplément français, Bibliothèque royale.

Pour ce que j'ai fet mention

De renardie et fiction

A ce que chascun droit regart

Àist, et miex de péchié se gart y

Quar fiction ne renardie

À Dieu ne plaisent n'a Marie,

Un dite diray de Renart :

Chascun de vous en a sa part.

Très-douce gent, entendez,

Que Dieu vous gart de contrauvez ï

Par moy seront recordez

Biaus raos, s'il vous plaist atendez.

Aucuns me vont demandant

Quant par Paris vois chantant,

Se say parler par nule art

De la queue de Renart.

i Le Ms. 1132 indique encore, à la table, un autre dit de Renart. Malheureusement ce dit a été enlevé du Ms. , qui est en fort mauvais état. (Voyez la note B, à la fin du volume. )

De Regnart scey bien parler :

J'ay mis ma mélancolie En gracieus mos rimer; Raison est que je les die;

ne chevalier

Qui ne se porte mult fier Qant puet avoir à sa part De la queue de Regnart.

Regnart se doit miex prisier Au jour d'ui que nule beste :

N'est duc ne si haut princier Qui de sa queue n'ait feste.

Ghascun la porte sur H :

Gay s'en portent et joli; Entendez, que Dieu vous gart, Au jour d'ui règne Regnart.

En chapiaus, par grant revel , Est la queue. Regnart mise :

H ne vaut pas un porel Qui n'a chapel en tel guise; Cil qui premier le trouva , Ne scé de quoy s'apensa.

Ghascun se porte gaillart De la queue de Regnart.

En haut dessus leur cheveus La portent tuit cilz jone homme, Menu vair ni escureus Ne prisent pas une pomme; Ermine ne blans aigniaus,

Ne gros vair ne les chevriaus Ne valent pas un hasart Vers la queue de Regnart.

Regnart est en haut montez :

Chascun au jour <Tuy l'onneure ; Prélas , évesques , abbez , Chascun au jour d'ui labeure ; Prestres, moingnes, jacobins, Cordeliers et li béguins Qui font bien le papelart, Sous leur chapes ont Regnart.

Regnart est quant vueut abbé Et quant il veut il est moingne, Doien , prestre coronné, Et quant vueut il est chainoingne; Quant il veut l'aumuce prent :

Tout à son commandement Fait par tretout par son art :

Nul n'a povoir à Regnart.

Regnart est flsicien ; Quant il veut houce a fourrée, Quant il veut logicien N'a meilleur en la contrée ; Quant il veut sire est de lois :

Regnart a toutes ses lois.

Ne li chaut, soit tost ou tart, Sous sa main a tout Regnart.

Regnart va à court plaidier :

De tous est tenu pour sages.

En esglises va preschier j Regnart va par les vilages.

Regnart fait sa main blanchir, Regnart fait tout son plaisir; Ghascun atrait à sa part : Trop grant queue a le Regnart.

Béguines et ces nonnaîns Et Files-Dieu, nul n'en doute, De Regnart sont souverains :

Ghascune vers soy le boute.

Regnart par son grant derroy Se fait sur tous prince et roy \ Fauvel atrait à sa part Par son engin le Regnart.

A sa court le vont servir Roy et prince , duc et conte :

Tout fait vers lui obéir :

A li n'en est pas la honte.

Fauvel le sert au mengier, Au lever et au couchier :

Bestes de diverses part Obéissent à Regnart.

A toutes gens de mestier Loe-je, conseil et prie Qu'il voisent sans atargier Querre du Regnart partie.

Orfèvres, esmailléeurs, Chasubliers et cliangéeurs,

Alez quérir vostre part De la queue de Regnart.

Mareschaus et cherpentiers, Sauniers, gens de tannerie, Et marchéans et bouchiers, Derreniers ne soiez mie; Et tailleurs de robe aussi, Peletiers sans nul détri, Gardez ne soiez couart De traire vers vous Regnart.

Procureurs et avocas, Escrivain, gent de clergie, Qui de rien faire estes cras, Regnart vers vous s'umilie.

Poissonniers et harengiers, Espiciers et regratiers, On vous tendra pour musart Se vers vous n'avez Regnart.

Drapiers et cordouenniers Doivent estre de la feste :

Roulengiers et espiciers Seront aussi de la geste; Armuriers et fourbisseurs , Gainiers, tabletiers, broudeurs, Alez quérir vostre part De la queue de Regnart.

Lormicrs, seliers, baudroiez, Or bateurs ne targiez mie ;

Couraiers, mesgeyciers Et gens de messagerie, Et cherbonniers et bûchiers, Taverniers et chandeliers, Courez tost comme gaillart Prendre vo part de Regnart.

Auquetonniers et merciers Et laboureur de terre, Foulons, laniers, tainturiers, Courez tantost Regnart querre; Marchans de vin , courratiers, Vendeurs d'oublées, huilliers, Alez quérir vostre part De la queue de Regnart.

Cervoisiers et bufetiers, Vous arez de vo partie Cote sercot , lanterniers, Estoliers, je n'en dout mie, Porte-platiaus, savetiers, Pour ce que le vin est chiers; Vous les avez prins au (art :

Fourrez serez de Regnart.

Il n'est au jour d'ui mestier

Ne nule marchéandise,

Excepté le poullailier,

Qui le Regnart n'aime et prise ;

Mes poullailiers ont juré,

Se Regnart est si osé

Qu'il leur vigne faire esgart,

La queue aront de Regnart.

Vous qui oï nous avez, Ne vous doit mie desplaire, Quar on dit, bien le savez , Que Regnart ce qu'il vueut faire Fait en tous lieus vraiement; Mes ordonnez liéement, Que Diex d'encombrier vous gart :

Malicieus est Regnart.

Regnart si fait guerroier Quant il vueut, ce oï dire; Quant il veut fait apaisier ; Mes le Lion, qui est sire Des bestes, l'en paiera, Le Regnart trébuchera :

Trop haut monte com quoquart, Chéoir faudra jus Regnart.

Et pour ce vous lo et pri Que vous le traiez arrière De vous, quar li anemi Par sa très-fausse manière Fait Regnart ainsi régner Pour ceus en enfer mener Qui se traient à sa part :

11 est trop mal le Regnart.

De Regnart vous vueil laissier, Mes prion d'une acordance Dieu qui est roy droiturier

Qu'il ligne en ferme puissance Nostre roy et ses amis.

Le dous père Jhésu-Cris, D'annui et de mal nous gart!

Cy fineray de Regnart.

Explicit.

Voyez, plus haut, p. 23 et suiv., la pièce intitulée Du Plaît Renart de Dammartin. Cette pièce et La Queue de Renart , jointes à celles qui se trouvent dans le remarquable volume de mon ami M. Ghabaille ( Supplément au Roman du Renart, publié par Silvestre), complètent la série des petits poëmes français connus jusqu'ici dans notre ancienne littérature relativement au héros de vieille épopée satirique de Perrotde Saint-Cloud.

£t Bit ht» Ipaintrts 1 .

Ms. 1132, supplément français, Bibliothèque royale.

Bonnes gens, je puis tesmoignier Qu'il n'est ne roy, ne duc, ne conte, S'il veut aus paintres guerroier, Qu'il ne leur viegne honte.

Bourdes ne vous vueil pas conter, Quar pas n'est sézon de trufer,

Mes forment me merveille Comment paintres puéent trouver Leur vies, quar à painturer

Trop de gent s'apareillent.

Plus sont de gent, au mien penser,

Que d'autre gent sans faille :

N'est nul mestier qui puist lever

Contre paintres bataille.

Il n'est orfèvres ne lormiers, Esmailleurs, broudeurs ne seliers,

Gilz qui argent espure, Armuriers, guéniers, chapeliers,

« Voyez la note C, à la fin du volume.