CHRONIQUE DES ROIS DE FRANCE

Qui commença la bone geste,

A icelui trencha la teste

Que tôt lou païs essilloit.

Icil Clodoïç un fil oit

Que après lui la terre tint,

Saigement et bien se contint,

Si ot à non li rois Cloteires,

Mais à son tens n'ot clers ne noteires

Plus de lui clergie ne sot;

Onques n'ama musart ne sot,

Car saiges fu, de grant renop.

Li tiers rois Chillebers ot non ;

Ne larrai que ne vus en die :

Cil conquist tôle Normendie

Et le premier duc i assist ;

Onques à son pooir ne fist

Ne malvestié ne dyablie :

Per lui fu la lois esta ub lie,

Mult assausa crestienté,

Se truevë l'en per vérité

En lettres qu'il ne vesqui gai r es.

Après lui vint ses fils Loteires;

La terre tint, rois fu li quars;

Mais onques Tioiz ne Picars,

Ne gent Sarrasine enmurée

N'oient per lui point de durée,

Que à force i*e lpu conguist,

Quelque poinneque il n}éi,st;

As Sarrasins fist mainte honte :

De lui l'istoire nos raconte

Que mains leus fu ces brans offers.

Li quins rois ot non Dagobers,