DES ROIS DE FRANCE

Qui de cors fu et gens et bias; Et après vint Charles-Martias, • Qui clers haï et Sarrasins ; Après lui vint ces fils Pépins, Que tant fu de petit corsage :

11 n'ot de lonc en son estage Au plus que trois piez et demi ; le il rois Pépins escremi Miez que nus hom de tôt lo mont, Par force conquist Justamont ; Mult honora et clers et moines.

Après vint li boins Charlemainnes, Que prodom fu et sens envie, Miracles por lui à sa vie Fist nostres Sires Deus a pertes; Por voir vus di et tôt à certes, Bien se prova tant com fu vis.

Après vint ces fils Lowéis, Que mult en ben s'esvertua; Gormont lou Sarrasin tua, Ysambart amena en France :

Parmi le cors li mist la lance Qu'onques n'i ot point de deffoiz.

Après vint Phelippes uns rois, Puiz Phelippes, puiz Lowéis, Après Hues, après Hanris, Que mult fu valans et cortoiz, Et après fu Sains-Clos li rois Que Deus a ma dès qu'il nasqui :

.1. jor et une nuit vesqui.

Après Robers, après Loteires, Puis Oedes que ne vesqui gaires;