DE DEZ

Amis, dit le mauves, qui le semont cl point , En la première cosle tu feras un seul point; C'est en despit de Dieu, qui ne nous aime. point : Ainsi le feras-tu ; si vendras bien à point.

Or enten bien à moy de ce que je te prie :

Après en feras deus, de ce ne te faing mie ; C'est ou despit de Dieu et de sainte Marie :

Ainsi le feras-tu et par tele mestrie.

Après en feras trois en un autre costc ;

Ce sera ou despit t!e sainte Trinité,

Trois personnes un Dieu qui nous a pris en lié;

Ainsi le feras-tu , et s'iert en leur vilté.

En un autre costé aussi quatre en feras Tout en despit des quatre que tu nommer m'orras : Des quatre évangélistes, ne le tien pas à gas, Qui soustiennent le throsne, de ce ne sont pas las.

Ainsi le feras-tu, n'iert pas outre mon pois. Après en feras cinq , ne le tien à gabois, En despit des cinq plaies que Diex ot en la crois; S'en seront parjurées encores maintes fois.

Ses plaies en seront maintes fois parjurées; Mainte laide paroles villainnement parlées, Maint homme en seront mal de coutiausetd'espées; Quar je serai entre eulz , si ferai les merlées.

Après feras le six pour le dé miex fournir ; En despit des six jors, ne te doit alentir,