LA COMPLAINTE DOUTEUSE

L'autre si est que ne sent rien , Amors, que vous ne sachiez bien; Et quant nus autres mon martire Ne set que vous, se aillors mire Queroie du mal qu'est enars En moi , bien serroie musars ; Por ce me covendra languir Tant que me daignerez garir, Quar autres ne sai ce que j'ai :

Comment sanz vous dont garirai?

Nus autres ne V set vraiement , Quar quant fistes premièrement Que je son viaire traitis Esgardai , tant fui esbahis Que je ne sai qu'adonc fesoie, Quar com pris et loiez est oie, Ne parti fusse de la place S'envers vous n'eusse eu tel grâce Que me daignastes conforter „ Par bon espoir et déporter, Quar par li ai sens et mémoire, Me fistes recouvrer en oire, Puis commandastes sanz faintise Que j'atendisse à son servise.

Toz jors l'ai fet très-humblement; Et quant gart vo commandement , Ne vous en devez coroucier S'a jointes mains vous vieng proier Qu'à moi, vostre lige servant, Doingniez un conseil avenant; Gomment porrai et en quel guise A ma dame, c'on loe et prise,

De biauté et de grant savoir, Que du monde vaut tout l'avoir, Fère li savoir ma grevance; Et quant n'ai pooir ne poissance De mot soner ne tant ne quant Très-dont que li sui au devant , Madame, Amors, se vous agrée, Iceste chançon coronée Face à ma dame le message En requérant que m'assouage Mon mal , quar par le ver premier Puis démonstrer mon desirrier; Si chanterai :

Paine d'amors et li maus que j'en trai Font que je chant amoreus et jolis, Et en chantant rover, ce qu'ainz n'osai, Gelé qui j'aim 9 que ne fusse escondis De tel don com de joie, Mes ce n'ert jà que doie Avoir tel bien de li, Se par pitié bone Amor, qui j'en pri , Ne fet qu'ausi com je sui siens, soit moie.

En chantant ai ore requis Ce c'onques mes avant hardis Ne fui de nul jor à requerra; Mes ne me puis ore plus tère, Por le mal qui si me destraint, Qui de moi grever ne se faint ; Et por ce que nul jor n'estanche, En pert-je sens et contenance ;

Ainsi que trestout me desvoie

A tenir celé droite voie

Que m'aprist A m ors à tenir

Quant je me mis à li servir,

Ce me porroit tost empirier,

Por ce vieng-je merci crier,

Très-bone Amor, en qui mesure

Point ne truis, quar à desmesure

Me travaille, et pilé li praingne

De moi, qu'en mon vis pert l'ensaingne

Du mai dont sui au cuer férus;

Et por ce que mes droiz refus

Est en Amor, si comme j'ose >

Du mal qui nul jor ne repose

D'assaillir ne nule eure cesse,

Mon cuer par tant sovent me blece,

Déproi sa douce seignorie

Du douz mal que me face aïe

Si com li siet et com li plest,

Quar trop me met en divers plet ,

Et que puissiez, bone Amor ehière,

Entendre miex à ma proière,

S'il vous plest , deviser vous vueil

Mon mal et comment je m'en dueil ;

Le mal donques deviserai

Premiers, au miex que je porrai ,

Quar il est rëson que premier

Je vous devise et grant mestier

Ai que le vous devise à droit,

Quar autrement tost me porroit

Torner à si très-grief contraire,

Par qoi bien en porroic trère

Travail , paine au cuer ensement, Plus cruel et plus longuement.

Amors, ore sachiez de fi Que li maus dont conseil vous pri Est ainsi corn vous dirai fais :

Un jor avint que je fui trais D'un dart amorex enz el cors, Ou cuer se tient , mes par defors Ne puis nule plaie trover, Dont forment fet à redouter ; Si très-grief mal ice me samble Et la très-grant dolor ensamble Qu'il me covient adès sentir Par un fin amoreus désir Qu'est ainsi corn du dart la flèche, Tant est roide que point ne flèche Li fers, qui ne puet remuer, Et si corn de léal pensser ; Li penon sont des douz regars De ma dame, par qui li dars Envers mon cuer prist droite sente; Mes jà por grief mal que j'en sente, Que je li die mon torment Itant en moi de hardement Trover ne sai.

Loiaus Amors, de vo mal que ferai ?

Conseilliez-moi , trop sui de vous sorpris.

Célerai-je ma dame ou li dirai Que por li sui en paine et mi amis;

Li célers me guerroie,

Se li di ou li noie

Tost dira : Fui de ci, Et il n'est riens que je reseingne ausi; Si me térai , face sens ou folie.

Vo conseil pri , quar devisé Vous ai le mal , et avisé Me sui que quant il me sorprent Trop le fet angoisseusement* Par tout mi pert, et en ma face Trestoute ma color desface, Et de si très-grant fès me carche Que toute l'eschine m'en arche; Si fetement me maine et ploie Li douz maus et destraint et loie ; Jà deschargiez ne desloiez , Se ne sui par vous avoiez, Ne serai de ma grant dolor j Quar à ma dame qui j'aor Gomment porroie-je moustrer Mon mal quant pooir de parler Me faut si tost com je la vot?

Certes, en tel guise par moi Ne porra mes griez maus savoir, N'en moi ne croi tant sens por voir Que je séusse mon malage À dame, qui tant par est sage, Monstrer issi fetièrement Comme à si sage dame apent.

D'autre part , se je li disoie, Espoir que tost aprocheroie Mon domage d'assez plus près Que je ne cuit, quar s'ele après

Ce que l'eusse recordé

Mon inal, et comment acordé

Me sui du tout à H servir,

Dont n'eust cure à moi détenir,

Ne sauroie qu'en puisse fère,

Quar si malement mon afère

M'en iroit, n'en sui pas doutanz,

Qu'il n'est mires, tant soit sachanz,

Qui du mal garir me péust,

Non , se de l'art plus en séust

Que ne fet le meillor du monde,

Tant soit or granz à la roonde ;

Ainz perderoit toute sa cure,

Quant ne troveroit ouverture

De tele plaie apparissant ;

Et se la trovasl , por néant

I m étroit emplastre ou mécine,

Quar jà ne porroit la racine

Du douz mal por rien esrachier

Que ne li covenist sachier

Le cuer avoec sanz nule faille.

Por ce n'est mires qui m'i vaille,

Nus ne m'i porroit riens valoir

Que fine Àmors, qui par espoir

Me fist jadis une promesse

De merci : por ce sa hauteee

Vieng requerre très-simplement

Qu'à ma dame si doucement

Mes très-griez maus demoustrer vueille

Tant que par corloisie acueille

La déprière et bien l'entende,

Si qu'assouagement me rende j

Quar c'est la force de mon dit :

Tant fort redoute l'escondit De ma dame, que bouche à bouche L'angoisseus mal qu'au cuer me touche Ne li dirai

Fors qu'en chantant, ainsi me déduirai En désirrant ce qu'Àmors m'a promis Merci avoir, que ne déservirai A mon vivant, ne meillor qui l'ont quis,

Et se j'en requeroie

Ma dame et g'i failloie

Aussi qu'autre ont failli , James déduis en espoir si joli N'auroit en moi : s'aim miex que ainsi soie.

En chantant ainsi me déduis, Ne pas por chose que je truis En moi point de solaz ne joie, Fors tant que bone Amors m'envoie, Par la seue très-grant vaillance, Un douz désir d'une espérance, C'est ore à savoir de merci, Dont si très-forment l'en merci Com j'onques puis et que je doi ; Bien i ai grant réson por qoi , Quar cis douz espoirs seulement Me souslient ainsi bonement En celé grandesime emprise Que fet ai, c'est com du servise Que j'ai empris à maintenir A douce merci deservir.

Qu'aussi corn trop mains me grièvc Li granz travaus et point ne griève Quant du douz espoir me sovient , Quar tantost un confort m'en vient Qui me rent et pooir et force, Par qoi j'ai voloir qui m'esforce A si très-haut service entendre ; Et se ne fust que por aprendre L'afetement et les granz sens Que g'i voi , mes entendemenz

I metroie por amender; Quar or vous vueil-je deviser Les vertuz qu'en ma dame sont.

II n'est orendroites ou mont

Nus hom , que por voir le sachiez , Tant vilains ne mal entechiez , Qui bien ne se porroit danter Por tant que bien sovent hanter Yousist la seue noble cort , Quar vraiement tant i acort Honor, valor et gentillece Qu'el siècle n'est hom de perece Si plains ne si mal atornez Que tantost n'en soit destornez , Ne jà d'autre tèche soilliez Que tout maintenant despoilliez N'en soit quant il en la cort entre ; Quar léenz covient à toz entre Fine netée demorer Et toz vices ensus geter.

Nés donques par defors la porte, La grant douçor qu'en ist enorte

La gent qui par le chemin vont A bien fère, si qui qu'il sont De vilaine tèche encombré Tantost par li désaombré Sont tuit, et cler et net et pur; Et puisque par defors le mur Sont li très-bien net alegié Et li autre s'en vont purgié, 11 m'est bien par réson avis Que qui porroit le très-douz vis, Dont si granz biens vient, esgarder Sovent miex se devroit garder A toutes choses de mesprendre ; Bien i saurai grant réson rendre, Mes aus demandes en travers, Premiers, si corn dira cis vers, Responderai :

Aucune gent m'ont demandé que j'ai , Qui si porte pesme color el vis, Et je lor ai respondu : Je ne sai; Si ai menti : c'est d'estre fins amis :

Ainsi mes cuers lor noie;

Et por qoi lor diroie

Quant ma dame ne 1' di Qui m'a navré, mes tost m'auroit guéri Se le sa voit et dont en fust en voie?

Se li maus que je sent m' empire, Por ce ne l'ai-je pas à dire A toz cels qui m'en font parole; Trop auroie pensée foie

Se tel chose fère penssaisse, Par quoi vers boue Amor faussaisse Le se re ment que li ai fet, Quar à nul jor si grant mesfet Por rien ne porroie adrecier ; Et comment porroie drecier Mon viaire envers léauté Se j'avoie la féauté Qu'ai fet à bone Amor enfrainte?

Mes jà, se Dieu plest, à tel frainte Ne survendront cil enquérant , Ne li très-félon mesdisant, Que par engien ne par mile oevre Qu'il sachent fère lor descuevre La chose que je doi celer.

De folie les voi mesler Quant savoir cuident et sentir Le mal que n'ose descouvrir A li, qui tost gari m'auroit Se le séust et dont voloît.

Or soit du tout sa volentez, Quar bien doi eslre entalenlez A soustenir en gré le fais Quant dedenz le mur du palais M'a bone A mors la douce entrée Par sa franchise abandonnée, Por miex esprendre en la lumière Qui vient du vis que çà en arrière Vous ai dit; quar ele conduit Les granz vertuz par qui sont duit Tuit cil qui sont en corloisie; N'en oubli ne metrai-jc mie

A dire la réson comment Cil par dedenz plus hautement En sont garni, et chascuns plus baus.

Ma dame est si com li solaus Qui partout espant sa luor Et au prochain plus rent chai or.

Tant à droit m'i sui cssaiez Que je doi bien estre apaiez En tant , à ce que me nétoie Servir, puis qu'Amors m'i emploie.

Moult haute chose fist nature Quant forma si noble figure, En qui si grant biautez resplent; Quar li pereceus et li lent En devienent prest et légier; A deviser n'est pas légier, Ce m'est avis, sanz mesprison La seue très-gente façon :

Cheveus a ne sont blont ne sor, Mes si comme miex à fin or Par coleur puéent resambler; Se j'en devisant assambler Lies biautez de son douz viaire Vousisse, trop auroie à faire, Quar il est si formez et fais Conques ne fu nus si por trais; Ausi sont tuit li autre membre; Quant de lor grant biauté me membre Grant joie en ai.

Très-dont que vi ma dame, ip'i donai ; Ainz puis ne fui de li amer faintis,

Ne jà ne vueille A mors qu'en nul délai Mete le douz pensser qu'en li ai pris.

Miex pensser ne porroie,

Ne jamès ne vodroie

Nul jor pensser qu'à li ; S'aim miex ainsi en espoir de merci Vivre et manoir, por rien ne requerroie.

A li me sui por voir donez Et à tel pensser adonez , Si com dit li vers au darrain , Qu'à toz jors mes, et soir et main , D'assez miex aim vivre et manoir, D'avoir merci en bon espoir, Que de fère tel hardiece Par quoi demorer en tristece Porroie bien légièrement ; Tant le redoute qu'autrement Ne li requerrai.

Au pui d'amor convenance tendrai, Ne jamès jor ne m'en départira», Soie amez ou haïs.

Très-bone Amor qu'en moi s'est herbregie, Ce qu'ainz n'osai me fet ore esmouvoir, C'est en chantant que je requier et prie Douce merci qu'atent en bon espoir; Mes ce n'ert jà que je la doie avoir, Ne jamès nus hons ne m'en verra hoir, Se par pité vers moi ne s'umelie

Ma douce dame qu'ai de cuer servie

Et servirai toz tens sanz décevoir,

Ne jà por mal qui me destraingne ou lie

Ne partirai d'à tendre son voloir,

Et bien et mal prest sui de recevoir

A son plésir, or me face doloir :

Ce qu'à li plest refuser ne doi mie.

Et s'ainsi me sent de nule partie, C'est de languir et au main et au soir; Mes s'a li plest qu'ainsi use ma vie, Ne sai c'pnques ne li fis asavoir, Quar tant redout son escondit avoir D'alègement, qu'en moi ne truis por voir Le hardement que mes griez maus li die

Fors qu'en chantant, déproi la seignorie, Très-bone Amor, en qui sont mi espoir, Que s'il li plest me daingne eslre en aïe Vers celé par qui je entent valoir, Qu'à demander merci n'ose mouvoir, Et quant la voi de parler n'ai pooir : Li cuer me faut, ma langue est endormie;

Et d'autre part se double ma haschie, Ce m'est avis, quant ne la puis véoir ; Tant est plésanz et sage et enseignie Qu'au droit jugier fontaine est de savoir :

S'aim miex ainsi en tel travail manoir Que par requerre en puisse percevoir Que plus m'en soit merci douce esloignie.