DU DENIER ET DE LA BREBIS

Et li autre sont fol chctis :

Ce font Brebis et dant Denier,

Par qoi cist mons est tant plenier

Qui en sa baillie a ces deus,

Plus fiers est et plus orguillex.

Brebis et Denier estrivoient :

Brebis dist que pas ne dévoient

Dès ore mes aler ensamble,

« Quar il m'est vis, si corn moi samble,

Que je vail miex que tu ne fais;

Quar je porte du mont le fais,

Si ne vueil pas ta eompaigne estre.»

Denier responl : « Ce ne puet estre,

Que nule riens qui soit vivant

Puist estre de moi plus vaillant.

Deseur toz faz-je mon plésir,

Si ai ou mont quanques désir :

Aus hommes et aus mues bestes

Faz-je sovent coper les testes.

Je vent ton lingnage au bouchter,

Par moi le fet-on escorchier.

Que fet l'en de toi? di-le-moi.

— Que l'en en fet? frommage en moi,.

Respont Brebis, tele evre s'est,

Et bon burre, qui plésanz est

Et aus Escos et aus Bretons,

Qui miex aiment lait et matons

Que il ne font autres dainliez. »

Dont s'est dant Denier corouciez ;

Trestout maintenant li respont :

« Par moi fet l'en chaucie et pont

De fust , de pierres et de grès;